Свет
Подољак: Русија ја претвори Источна Европа во непредвидливо бојно поле

Само Русија треба да биде обвинета за „инциденти со проектили“ во војната што ја води против неговата земја, вели Подољак.
Тој го соопшти ова откако американскиот претседател Џо Бајден изјави дека проектилот во кој загинаа две лица во Полска, најверојатно не е истрелан од Русија.
„Според мене, потребно е да се држиме само до една логика. Војната ја започна и ја води Русија. Русија масовно ја напаѓа Украина со крстаречки ракети. Русија го претвори источниот дел на европскиот континент во непредвидливо бојно поле. “ изјави Подољак. „Намерата, средствата за извршување, ризиците, ескалацијата – сè е само Русија. И не може да има друго објаснување за какви било ракетни инциденти“, додаде тој.
Only Russia is responsible for the war in Ukraine and massive missile strikes. Only Russia is behind the rapidly growing risks for the border countries. No need to look for excuses and postpone key decisions. Time for Europe to "close the sky over 🇺🇦". For your own safety too…
— Михайло Подоляк (@Podolyak_M) November 16, 2022
Две лица беа убиени во полска фабрика за жито во близина на границата со Украина во вторникот кога Русија истрела ракети кон Украина.
„Кога земја-агресор ќе изврши намерен масовен ракетен напад на целата територија на голема земја на европскиот континент со своето застарено советско оружје (ракети од класа X), трагедијата порано или подоцна се случува и на териториите на други земји”, рече Подољак во соопштението за медиумите.
„Покрај тоа, руски проектили или нивни делови постојано паѓаа во граничните зони. Не гледам ни најмала поента во отстапувањето од оваа едноставна логика – само Русија е виновна за заканите и ексцесите во другите земји со своите ракетни напади“, рече Подољак.
Подољак на Твитер објави дека е време Европа да го „затвори небото“ над Украина. „Нема потреба да барате изговори и да ги одложувате клучните одлуки“, додаде тој,пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Прекинати летовите на главниот аеродром во Бангладеш, избувна пожар

Властите во Дака ги прекинаа сите летови на Меѓународниот аеродром Хазрат Шахџалал, главниот аеродром во Бангладеш, по пожар во товарниот дел. Талха Бин Засим, портпарол на Противпожарната служба и Одделот за цивилна одбрана, изјави дека 32 противпожарни возила биле распоредени за гаснење на пожарот, кој започнал денеска попладне.
Управата за цивилно воздухопловство на Бангладеш ги прекина сите летови веднаш по инцидентот, наведувајќи дека операциите ќе останат запрени до понатамошно известување.
Покрај националната противпожарна служба, единици од Воздухопловните сили и Морнарицата на Бангладеш се придружија на напорите за гаснење на пожарот, според Одделот за односи со јавноста меѓу службите.
Причината за пожарот сè уште не е позната.
Снимките од местото на настанот покажаа црн чад како се извишува над аеродромот.
Како одговор, државната авиокомпанија „Биман Бангладеш ерлајнс“ пренасочи четири од своите летови, кои требаше да слетаат во Дака, кон аеродромите во Силхет и Чатограм.
Свет
Од јануари до септември годинава, Албанија пречекала 10.228.686 туристи

Министерот за туризам, култура и спорт, Бленди Гонџја, на социјалните мрежи објави дека „од јануари до септември годинава, Албанија пречекала 10.228.686 туристи, што претставува зголемување од 6 отсто во споредба со истиот период минатата година“.
“Овој позитивен тренд сведочи за одржливиот развој на туристичкиот сектор и за заедничката посветеност на промоцијата на Албанија како гостопримлива и сè поатрактивна дестинација”, напиша Гонџја.
Додава дека од албанските алпи до долгата крајбрежна линија, земјата нуди комплетен туристички пакет за секој тип туристи, а секоја година се шири и мапата на земјите од кои доаѓаат.
“Туристите ја избираат Албанија не само поради нејзините прекрасни плажи и поволната клима, туку и поради нејзините планински предели со импресивни природни пејзажи, антички градови со историска и културна вредност, како и нејзиното гостопримство и традиционална кујна”, оценува тој.
Според него туризмот станал активност што трае цела година и не само што генерира значителни приходи за економијата, туку ја промовира Албанија како дестинација што е посетувана во текот на цела година.
Минатата година Албанија ја посетиле над 11,7 милиони туристи или 15,2 отсто повеќе од претходната. Очекувањата за годинава се над 12 милиони туристи, што, посочува Гонџа, ќе бидат остварени.
Свет
Во експлозија на фабрика во Русија загинаа три жени

Три жени загинаа во експлозија што се случи вчера во фабриката „Авангард“ во градот Стерлитамак во Република Башкортостан во југозападна Русија, изјави денеска гувернерот Радиј Хабиров.
-За жал, загинаа три лица, сите жени. Меѓу нив беше и млада жена родена во 2002 година. Две жени оставија зад себе деца. Компанијата ќе ја обезбеди потребната поддршка, а ќе биде исплатена и отштета. Изразувам искрено сочувство до семејствата на жртвите, објави Хабиров на социјалните мрежи.
Уште пет лица се хоспитализирани – две со сериозни повреди и три со умерени, но гувернерот потврди дека нивните животи не се во опасност.
Хабиров рече дека една од зградите е уништена во експлозијата и потврди дека немало напад со дрон.