Свет
Биг Бен повторно се слуша по петгодишно реновирање
Најпознатата саат-кула во светот, Биг Бен во Лондон, по петгодишна пауза поради реновирање повторно се слуша!
Часовникот, кој се наоѓа на брегот на Темза во рамките на Вестминстерската палата, седиштето на британскиот Парламент во Лондон, е стар 163 години, а неговото реновирање чинело дури 95 милиони долари!
За овие пет години се рекламира само во специјални пригоди – на Нова година кога се случи брегзитот и во септември кога почина кралицата Елизабета Втора.
View this post on Instagram
Часовникот е вратен на оригиналниот механизам и сино-златно-сивата површина на бројчаникот во иста боја како што беше првично направен. На сите четири страни на кулата се наоѓаат часовници, чии лица се сместени во железна рамка со дијаметар од седум метри, поддржани од 312 парчиња опал стакло. Стрелката на часовникот е долга 2,7 метра, а стрелката на минутата е долга 4,3 метри.
Биг Бен не е официјалното име на познатата кула, туку всушност е прекарот на огромното ѕвоно тешко дури 16 тони, кое се наоѓа во внатрешноста на часовникот. Вистинското име на целата структура е „Елизабет тауер“ и така е од 2012 година кога беше преименувана во чест на 60 години од нејзиното владеење.
Има многу интересни работи за Биг Бен, но лошата вест е што тој не е отворен за странци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.