Македонија
Грковска: Важно е законот за потекло на имотот да биде прецизен и недвосмислен
Вицепремиерката задолжена за политики за добро владеење, Славица Грковска, присуствуваше на состанок на работната група, која работи на подготовка на новиот предлог-закон за потекло на имотот, кој се подготвува со поддршка на Делегацијата на Европската Унија и Советот на Европа.
Вицепремиерката Грковска истакна дека е многу важно да се подготви одржливо законско решение, кое ќе даде соодветни резултати и затоа мора да се има внимателен пристап и да се подготви законско решение, кое нема да остава простор за разна интерпретација.
„Сметам дека законот за потекло на имотот ќе даде сериозен придонес во борбата против корупцијата и организираниот криминал. Добро е што во подготовката се вклучени експерти од сите области и што сите сме согласни дека до конечното решение мора да дојдеме преку еден сеопфатен и инклузивен процес. Важно е решенијата во законот да бидат прецизни, недвосмислени, да нема преклопување или контрадикторност со постојните законски решенија. Новата законска регулатива мора да биде применлива за да има големи ефекти во борбата против корупцијата“, оцени вицепремиерката Грковска.
На состанокот беше презентирана работната верзија на законското решение по што имаше дискусија за сите отворени прашања.
Свој придонес во процесот на подготовка дадоа и консултантите ангажирани од Советот на Европа, Мајкл Хопмиер и Лорна Харис.
Работната група за подготовка на законот за потекло на имотот ја координираат Советот на Европа и Кабинетот задолжен за политики за добро владеење, а е составена од претставници од Министерството за правда, Министерството за внатрешни работи, Јавното обвинителство, Основното јавно обвинителство за гонење организиран криминал и корупција, Канцеларијата за поврат на имотот, Граѓанскиот суд, Државната комисија за спречување на корупцијата, Управата за финансиско разузнавање, Управата за финансиска полиција, Управата за јавни приходи и Државно правобранителство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) ДИК ги соопшти резултатите од претседателските и парламентарните избори
Претседателот на Државната изборна комисија, Александар Даштевски, ги објави првичните резултати од одржаните претседателски и парламентарни избори.
Гордана Силјановска Давкова доби 561.000 гласови, а Стево Пендаровски освои 251.899 гласови.
По целосно обработените податоци од вчерашното гласање, ВМРО-ДПМНЕ освои 58 пратенички места, ДУИ – 19 пратеници, СДСМ освои 18 мандати, коалицијата ВРЕДИ – 13, Левица и ЗНАМ по шест маднати.
ИЕ 1 – ВМРО-ДПМНЕ – 10, СДСМ – 3, ДУИ – 2, ВРЕДИ – 2, Левица – 2 и ЗНАМ – 1 пратеник.
ИЕ 2 – ВМРО-ДПМНЕ – 8, ДУИ – 4, ВРЕДИ – 3, СДСМ – 2, ЗНАМ – 2 и Левица – 1 пратеник.
ИЕ 3 – ВМРО-ДПМНЕ – 14, СДСМ – 4, ЗНАМ и Левица по 1 пратеник.
ИЕ 4 – ВМРО-ДПМНЕ – 13, СДСМ – 5, ЗНАМ и Левица по 1 пратеник.
ИЕ 5 – ВМРО-ДПМНЕ – 10, ДУИ – 4, СДСМ – 3, ВРЕДИ, ЗНАМ и Левица по 1 пратеник.
ИЕ 6 – ДУИ – 9, ВРЕДИ – 7, ВМРО-ДПМНЕ – 3, СДСМ – 1 пратеник.
Македонија
Груевски ѝ ја честита победата на ВМРО-ДПМНЕ: „Мнозинството ги казни политиките што ги постави Заев“
Експремиерот во бегство, Никола Груевски, им ја честита победата на парламентарните и на претседателските избори на своите поранешни сопартијци коментирајќи дека мнозинството ги казни политиките што ги постави Зоран Заев, а очекувањата на народот не смее да бидат изневерени.
„Судбината сакаше на Денот на победата над фашизмот, одбележувајќи го големиот пораз на фашизмот во 1945 година, да ги поздравам големиот пораз на СДСМ и убедливата победа на ВМРО-ДПМНЕ на изборите одржани вчера, како на парламентарните така и на претседателските избори.
Вчера, иако со поголемо задоцнување, убедливото мнозинство жестоко ги казни и порази политиките на СДСМ, кои ги постави Зоран Заев, а ги следеа неговите слепи послушници.
Политики полни со национални предавства, криминали, длабока корупција и лично богатење на грбот на граѓаните, секојдневни лаги и манипулации, злоупотреби, политички прогони на неистомислениците, нефункционалност на државните институции и нивно ставање во лична полза, како и неспособност од големи размери.
Политики што Македонија ја уназадија во секој поглед, неповратно иселија огромен број граѓани и ја доведоа земјата во позиција на потчинетост пред негаторите на нацијата и на македонскиот идентитет, јазик, историја, име, националност и посебност. Политики со кои Македонија беше константно 7 години економски уништувана, осиромашувана, ограбувања и морално пропаѓана. ВМРО-ДПМНЕ доби голема подршка од граѓаните.
Честитам!
Но, и голема обврска пред народот и големи очекувања и надеж кај нив, кои не смее да се изневерерат.
Со среќа!
И со ум!“, напиша Груевски.
Македонија
ВМРО-ДПМНЕ ги постави контурите за коалирање со партиите – во фокусот се три точки
Претседателот на ВМРО-ДПМНЕ, Христијан Мицкоски, информира дека претпладнево одржал состанок, на кој биле поставени контурите на рамката врз која ќе го градат коалицискиот потенцијал со другите партии.
Фокусот ќе бидат луѓето на прво место, вели Мицкоски.
Трите значајни точки врз кои ќе почиваат преговорите за коалициските партнери во новата влада се: економски силна држава преку реформи и чекори, кои ќе бидат жестока битка за повисок животен стандард; фронт против криминалот и корупцијата и постигнување правда; реализација на стратешкиот интерес за европски интеграции преку дијалог и исполнување принципи.
Мицкоски рече дека очекувањата се големи, а одговорноста кон народот уште поголема.
Партискиот лидер уште пред изборите најави дека ВМРО-ДПМНЕ планира да коалира со албанскиот опозициски блок „Вреди“, а не со ДУИ, а за која партијата смета дека треба да замине во опозиција.