Забава
Истражување: Врската меѓу парите и среќата е комплицирана
Парите навлегуваат во секој аспект од нашиот живот, влијаат на тоа каде ќе живееме, каде одиме на училиште, што правиме, што јадеме, меѓу другото. Имањето пари ослободува од справување со прашања како што се несигурност во домувањето или неможност да си дозволиме медицинска нега.
Истражување за врската помеѓу парите и среќата открива дека нивната поврзаност е всушност доста комплицирана. Се чини дека дури и експертите не можат да се согласат за ефектот на парите врз чувството за благосостојба и среќа кај луѓето.
Според едно истражување, парите честопати водат до поголемо ниво на среќа – но не секогаш. Професорот за бизнис-администрација од Харвард, Јон Јахимовиц, објаснува дека главната предност на заработување повеќе пари е тоа што ќе ви даде повеќе можности кога се соочувате со проблеми во вашиот живот – на пример, како да плаќате кирија ако го изгубите работното место.
„Парите не се само начин на кој луѓето можат да си купат среќни моменти, тие се клучна алатка за безбедност, сигурност и стабилност“, објаснува Јахимовиц. „Парите можат да помогнат да се ублажи ударот на лошите времиња, недостигот на пари може да ги направи дури и бенигните работи многу помачни и поболни.“
Не се работи за поголемa куќа или поубав одмор. Финансиската стабилност им помага на луѓето да избегаат од секојдневните проблеми во животот.
Што е прво: пари или среќа? Според професорката по психологија на „Јеил“, Лори Сантос, добивањето работа што ќе ви донесе многу повеќе пари не мора да значи дека ќе бидете многу посреќни. Додека истражувањето покажува дека заработувањето повеќе пари влијае на вашата среќа, тој ефект е многу помал кај големите приходи.
„Всушност, истражувањата покажаа дека среќата доаѓа пред да заработите повеќе пари, а не обратно. Ако имате попозитивен поглед на вашата иднина, поголема е веројатноста да бидете помотивирани на работа и да заработите повеќе пари“, објаснува Сантос.
Иако се чини дека парите се поврзани со среќата на некој начин, тоа не е единствениот фактор што влијае на нашата благосостојба. Ако сакате да го подобрите вашето расположение и да имате попозитивен поглед на животот, можеби е подобар потег да практикувате работи како што се доволно спиење, вежбање или поминување време со луѓето што ги сакате. Потоа, како резултат на тоа, може дури и да заработите малку повеќе пари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најагресивните раси на кучиња кои не се препорачуваат за неискусни сопственици
Секое куче може да биде агресивно, без разлика на расата. Порталот „Дог академи“ посочува некои од најагресивните раси кучиња и додава дека одредени раси на кучиња се посклони кон агресија за разлика од други. Во продолжение се расите на кучиња кои не се препорачуваат за неискусни љубители и сопственици кои немаат доволно време за обука, тренинг и за дружење со миленикот.
Чивава
Иако ова е мало, верно куче, одгледувачите многу добро знаат за неговата агресивност и проблеми со однесувањето. Чивавите може да бидат многу непријателски настроени кон туѓинци и кон други животни. Поради својата големина, не се сметаат за „најопасната“ раса, но доколку не се правилно одгледани и социјализирани, може да предизвикаат штета со каснувања.
Ротвајлер
Ова куче има вродена агресија поради што некои луѓе ги користат, пред сѐ, за борба со кучиња. Ова куче е заштитнички настроено и верно на својот сопственик, но има голем нагон за барање плен и затоа му треба добар тренинг. Сепак, ротвајлерот е интелигентно милениче и брзо учи, поради што не е проблем за сопствениците кои имаат искуство со агресивни раси.
Питбул-териер
Како силни, мускулести и кучиња со силна вилица, и питбул-териерите често се користат во уличните борби. Во погрешни раце, овие кучиња стануваат и сериозна опасност за околината, со доволно чести смртни исходи. Се препорачуваат само за искусни сопственици.
Неаполски мастиф
Овие кучиња станаа светски познати веројатно и поради кучето Фанг кое се појавува во серијалот „Хари Потер“. Иако големо и силно, ова куче е исклучително верно. Агресивно е кон туѓинци и кон секое лице или животно што го смета за закана. Тренингот и социјализацијата на мастифот треба да почнат кога сѐ уште е мало куче – за да се спречи агресивното однесување подоцна.
Чау-чау
Иако изгледаат како „плишани мечиња“, и овие кучиња се познати по својата недружељубива и агресивна природа. Тие обично може да се одгледуваат за лов и чување имот. За ова куче да ја потисне својата агресија, му треба постојана обука и строга контрола.
Аргентинска дога или мастиф
Бара строго воспитување, доследен тренинг и искусен сопственик за да се спречи секакво агресивно однесување. Не треба да се чува во домаќинства со други животни.
Германски овчар
Во погрешни раце, и овој домашен миленик може да биде опасен и агресивен, бидејќи е природен заштитник на својата територија, па така и на своето семејство. Поради неговата висока интелигенција и брзо учење, денес често се користи и како полициско-воено куче.
Германската армија почна со обука на службени кучиња за откривање на инфекција со коронавирусот.
Мексиканската армија оваа недела стана побогата за еден член – тримесечен германски овчар. Тој ќе биде дел од специјалната единица за наоѓање и помош на преживеани лица по земјотрес и други п
Јазовчар
Како и чивавата, и јазовчарот е мало куче склоно кон агресија. Поради нивната големина, тие често се чувствуваат загрозени и тоа обично резултира со ‘ржење, лаење и гризење заради заштита. Ним им треба тренинг и социјализација што почнува што е можно порано, поради потиснување на агресијата.
Далматинец
Познатите точкести кучиња се заштитен знак на противпожарните единици, но и тие важат за агресивни кучиња, што произлегува од нивната тврдоглавост и нагонот за бранење на својата територија. Покрај тоа, далматинецот има и висок нагон за плен, поради што може да нападне и дете. Со соодветни вежби и социјализација, и ова куче може да биде одлично семејно милениче.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.