Свет
(Видео) Се појави снимка од судир меѓу Индија и Кина, војниците се тепаат со стапови и тули
![](https://makfax.com.mk/wp-content/uploads/2022/12/7fee1482-e13f-4082-83fb-cb88abe4f60f.jpg)
На социјалните мрежи кружи видео од судирот меѓу кинеските и индиските војници на спорната граница на Хималаите. Се чини дека снимката покажува како двете армии се борат со долги стапови и тули и дава редок поглед на тензиите меѓу двете азиски сили.
Министерството за надворешни работи на Индија вчера потврди дека дошло до конфликт меѓу двете земји, што е прв ваков инцидент во последните две години. Министерството соопшти дека војниците од двете страни се здобиле со полесни повреди за време на инцидентот што се случи во петокот.
Не е јасно кога е направена снимката
Иако видеото првпат се појави на социјалните мрежи само неколку часа по објавата на индиското министерство, и оттогаш стана вирално, не е јасно кој и кога го снимил. „Си-Ен-Ен“ цитира изјава на офицер од индиската армија, кој е запознаен со граничните конфликти меѓу двете земји, кој тврди дека видеото е снимено во индиската планинска држава Аруначал Прадеш на границата меѓу двете земји уште на 28 септември 2021 година.
Со слично тврдење на Твитер излезе и Сидхант Сибал, дописник на индиската телевизија WION.
„Виралното видео од конфликтот Индија-Кина е старо. Регионот Јангце е покриен со снег овој период од годината. Но, видеото дава добар увид во конфронтацијата“, напиша Сибал.
Во видеото, чија автентичност сè уште не е независно потврдена, војниците од двете земји се судираат на планински терен, опкружен со зелени ридови, очигледно недопрени од зимата. Иако се разделени со бодликава жица, се чини дека видеото покажува како индиските војници тепаат кинески војници со импровизирани оружја, кои изгледаат како дрвени палки и метални цевки. Во неколку случаи може да се забележат индиски војници како фрлаат тули или камења.
Инцидентот е опишан на сличен начин
Многу од кинеските војници собрани од другата страна на жицата, исто така, изгледа дека држат долги цевки или стапови. На крајот бодликавата жица се урива и индиските војници се движат напред, принудувајќи ги кинеските трупи да скокнат преку краток камен ѕид и да ја напуштат областа, на овации на индиската страна.
Спорната граница од 3.379 километри долго време беше извор на нетрпеливост меѓу Њу Делхи и Пекинг, а тензиите нагло ескалираа во јуни 2020 година кога најмалку 20 индиски и четворица кинески војници ги загубија животите во сличен судир. Индискиот министер за одбрана Рајнат Синг вчера ги обвини војниците на Кинеската народна ослободителна армија (ПЛА) дека се обидуваат да ја преминат границата меѓу двете земји.
„Престрелката што следеше доведе до физичка пресметка во која индиската армија храбро ги спречи Кинезите да преминат на наша територија и ги принуди да се вратат на своите позиции“, рече Синг, додавајќи дека на индиската страна нема сериозни повреди. Со оглед на изјавата од индиската страна, можно е вистинскиот конфликт да не се разликува многу од оној прикажан на видеото.
Во својата претходна изјава, индиското Министерство за одбрана рече дека двете страни „веднаш се повлекле од областа“ и дека командантите на земјата одржале состанок за да разговараат за ова прашање „во согласност со мировните механизми“, пренесува CNN.
Кинеското Министерство за надворешни работи на вчерашната прес-конференција не го потврди директно инцидентот и изјави дека таквите работи се решаваат по дипломатски пат.
„Колку што знаеме, кинеско-индиската погранична област е стабилна и двете страни одржуваат непречена комуникација за прашањата поврзани со границата преку дипломатски и воени канали“, рече портпаролот Ванг Венбин на прашањето за инцидентот.
Индија и Кина влегоа во војна за нивните погранични области во 1962 година, на крајот воспоставувајќи договор. Сепак, двете земји не се согласуваат за точната локација на границата и често меѓусебно се обвинуваат дека ја минуваат или сакаат да ги прошират своите територии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) „Пустинскиот ѓавол“ ја погоди Флорида
![](https://makfax.com.mk/wp-content/uploads/2024/06/pustinski-gavol.jpg)
Над југозападна Флорида се формира помал „Пустински ѓавол“. Овој виор од прашина, налик на торнадо, помина над индустриската зона, но не предизвика материјална штета.
Пустинскиот ѓавол е вид на локален атмосферски вител.
Се формира главно во текот на попладневните часови, односно во најтоплиот дел од денот.
Impressive Southwest Florida dust devil today in Fort Myers. Check out both the size and rotation as it went through an industrial section along Hanson St. They form on sunny days from pockets of warm, rising air as the updraft starts to swirl. Credit: @WINKNews viewer Theodore S… pic.twitter.com/MmCedPbZiN
— Matt Devitt (@MattDevittWX) April 25, 2024
Најмногу се формира за време на сончеви денови со слаб ветер, кога има интензивно загревање на подлогата, што доведува до загревање на воздухот до подлогата и потоа доаѓа до нагло издигнување на воздухот.
Тие се формираат над голо и суво, или над земја со ниска вегетација, бидејќи таквите типови на земјиште се загреваат побрзо и значително повеќе. Ова е причината зошто вртлозите на прашина се формираат почесто и достигнуваат поголем интензитет во региони со сува и топла клима, како што се пустините, па оттука и името пустински ѓавол.
Во нив, воздухот се крева од основата и се движи околу вертикалната оска – се врти. Овие виори обично се краткотрајни и не предизвикуваат голема штета. Нивниот дијаметар и висина може да биде од околу еден метар до неколку десетици метри. Тие вртат прашина, песок, лисја и полесни предмети. Понекогаш пустинските ѓаволи можат да бидат поинтензивни и да направат помала штета.
Иако пустинскиот ѓавол визуелно наликува на торнадо, бидејќи има и виорно движење и видлива инка создадена од подигната прашина и песок, виорите се значително послаби по интензитет и пократко времетраење од торнадата, а нивното формирање не е поврзано со облаците, туку започнува од земјата при сончево време, додека торнадата се спуштаат кон земјата од основата на олујните облаци.
Европа
(Видео) Дрон сними ајкула во близина на плажа, капачите веднаш излегле од водата: паника во Шпанија
![](https://makfax.com.mk/wp-content/uploads/2024/06/ajkula-spanija.jpg)
Ново воочување на ајкула доведе до затворање на уште две плажи во Шпанија, додека предатори се забележани кај брегот на Гран Канарија.
Спасувачите им наредиле на капачите да излезат од водата на плажата Меленара на источниот брег на островот, втор ден по ред, кога полициски дрон забележал ајкула на плажата кратко откако таа повторно била отворена вчераутро.
Забраната за пливање е проширена и на соседната плажа Салинетас, пишува „Дејли мејл“.
И околу два часа подоцна, спасувачите подигнаа црвено знаме на трета локација – плажата Сан Аугустин на југот на островот – откако турист ја фотографираше перката на ајкула која излегува од водата.
Веднаш не беше јасно дали големата риба е истата што ги исплаши капачите на плажата Меленара во саботата околу 17 часот и доведе до првото затворање на плажата.
Вчера наутро накратко беше отворен за пливање, пред второто затворање околу 13 часот, откако дронови на локалната полиција забележаа ајкула во близина на пристаништето Талиарте до плажата Меленара.
Локалната полиција потврди по второто, многу појасно видување преку дронот, во истата област вчера околу 17 часот дека се работи за ајкула чекан, истиот вид што предизвика паника во саботата кога се појави во близина на брегот.
Тие можат да бидат долги и до шест метри.
Свет
Украина: Беспилотни летала со камикази нападнаа воени објекти во три руски региони
![](https://makfax.com.mk/wp-content/uploads/2024/06/дф.jpg)
Украина користела беспилотни летала камикази за да нападне воени објекти во три региони на Русија, јавува украинската агенција Униан, повикувајќи се на извор од Главната разузнавачка управа на Министерството за одбрана на Украина.
Според агенцијата, нападите биле извршени во регионите Белгород, Воронеж и Липецк.
Се додава дека една од целите бил металуршкиот комплекс Новолипек и локалната тракторска фабрика.