Македонија
ВМРО-ДПМНЕ: Се сомневаме дали Арсовска е деловно способна да го води Градот, таа е обичен пион во рацете на Ковачевски
Арсовска и Тачела-коалицијата првин народот го нарекоа багра, а сега измислуваат непостојни работи и разговори, кои не се случиле. Отворено се сомневаме дали Арсовска е деловно способна да ги води Градот и институциите под нејзина ингеренција. Данела Арсовска очигледно има потреба од поинаква помош. Зборува за работи и ситуации што никогаш не се случиле во реалноста, се вели во соопштението од ВМРО-ДПМНЕ.
Од партијата додаваат дека сериозно се загрижени за градоначалничката и ја повикуваат да достави документ со кој ќе се потврди деловната способност.
Освен со Ковачевски и со Стевчо Јакимовски, нема човек со кој не се скара. Нејзиното однесување е неурамнотежено и станува кралица на лагата, велат од партијата.
Не само што не се огради од изјавата на заменик-градоначалникот Александар Трајановски дека превозниците што протестираат се багра, со што ја прифати како своја, туку вчера отиде и чекор понатаму и очигледно раскажуваше ситуации што само таа може да ги види и никогаш не се случиле, се вели во соопштението.
Од ВМРО-ДПМНЕ велат дека додека Арсовска зборува за некој имагинарен свет во реалноста, Градот го однесе во банкрот. Нема пари за превозниците, доцнат платите, претпријатијата се во долгови. Таа е обичен пион за криминалните интереси на Ковачевски. А додека градот тоне во банкрот, Арсовска и луѓето околу неа се богатат.
Не знаеме дали Арсовска глуми лудило или не, но таа повеќе за градоначалник не е. Оставка веднаш, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.