Македонија
Нова детска градинка во Аеродром со капацитет за згрижување на 200 деца
Денес во Oпштина Аеродром официјално беше пуштен во употреба новоизградениот објект „Црвенкапа“ во рамките на детската градинка „Срничка“. На настанот свое присуство и обраќање имаа министерката за труд и социјална политика, Јована Тренчевска, градоначалникот на Општина Аеродром, Тимчо Муцунски и директорката на градинката, Александра Јелиќ – Исаиловска.
Станува збор за објект кој се наоѓа во населбата Стар Аеродром, уреден со мотиви од македонсиот бренд „Светот на Биби“, на површина од 1.700 квадратни метри, опремен со осум занимални и најсовремени услови за згрижување на 200 дечиња.
Градоначалникот Муцунски најавувајќи ги новите објекти за згрижување на деца кои во 2023 година ќе започнат да се градат во општина Аеродром потенцираше дека објектот кој денес се отвора е резултат на работата на претходните градоначалници на општината која имаат придонес во проектирањето, финансирањето и почетокот на изградбата на објектот.
„Нема нешто позначајно од вложувањето во најмладите. Се радувам што после долг период го решаваме проблемот за згрижување на децата од овој дел од Аеродром и со тоа реализираме еден важен проект за граѓаните. Јас како градоначалник и ние како Општина останува посветениме и понатаму во решавањето на предизвикот со недостатокот на места во детски градинки и токму оваа посветеност и заложба ќе биде проектирани во буџетот за 2023 година во кој предвидуваме еден вид инвестицски фокус на проектите за социјална грижа и едукација на најмладите“, истакна градоначалникот Муцунски.
Министерката за труд и социјална политика, Јована Тренчевска истакна дека вложувањето во квалитетно образование и воспитание е од огромно значење за правилниот раст и развој на децата и нивна одлична подготовка за понатамошниот живот.
„Посебно место во нашата работа има инклузивноста на неа посветуваме големо внимание. Градиме градинки кои ќе отворат можност за згрижување на сите деца. Вложувањето во човечкиот капитал за нас е најважен“, истакна министерката Тренчевска.
„Децата од денес дел од секојдневието ќе го поминуваат во нов, современ и енергетски ефикасен објект кој ќе биде синоним за врвен стандард како во поглед на функционалноста и опременоста на осум занимални во кои ќе бидат сместени 200 деца од 9 месеци до 6 годишна возраст, така и поквалитетна воспитно-образовна работа на професионални тимови. Градинката ќе биде пријатно и привлечно место каде ќе продолжиме да ја негуваме самопочитта врз личноста и индивидуалноста, а тоа е сонот на секое дете, кое како индивидуа сака да се чувствува безбедно, задоволно и среќно“, изјави директорката Јелиќ – Исаиловска.
Визијата на Општина Аеродром е децата да растат и да се развиваат во нови, модерни и современи објекти. Во нив тие ќе ги стекнат најважните животни навики и да станат здрави и силни индивудуи. Токму поради тоа во буџетот на следната 2023 година предвидувам средства со кои ќе започне изградбата на детската градинка и доизградбата на уште една детска градинка за кои општината веќе го финализира пероцесот на избор на идејни решенија.
21.12.2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.