Иранскиот претседател Масуд Песекијан изјави дека Иран нема да го прекрши прекинот на огнот освен ако Израел не го стори тоа, објавија државните медиуми, повикувајќи се на Ројтерс.

Иранската државна агенција Норњуз, исто така, објави дека Песекијан рекол дека Техеран е подготвен да преговара и да ги брани правата на иранскиот народ на преговарачката маса.

Израелскиот премиер, Бенјамин Нетанјаху, пак, денеска му рече на американскиот претседател, Доналд Трамп, во телефонски разговор, дека ќе се воздржи од понатамошни напади врз Иран, соопшти канцеларијата на Нетанјаху.

Трамп изрази увереност дека прекинот на огнот, кој го објави претходно, ќе биде стабилен, според канцеларијата на израелскиот премиер.

Трамп го објави прекинот на огнот доцна вчера, а Израел и Иран го потврдија утрово. Сепак, двете страни се обвинија меѓусебно за прекршувања, а Трамп рече дека и двете го прекршиле договорот за прекин на огнот.

Израелскиот премиер, Бенјамин Нетанјаху, денеска му рече на американскиот претседател, Доналд Трамп, во телефонски разговор, дека ќе се воздржи од понатамошни напади врз Иран, соопшти канцеларијата на Нетанјаху.

Трамп изрази увереност дека прекинот на огнот, кој го објави претходно, ќе биде стабилен, според канцеларијата на израелскиот премиер.

Трамп го објави прекинот на огнот доцна вчера, а Израел и Иран го потврдија утрово. Сепак, двете страни се обвинија меѓусебно за прекршувања, а Трамп рече дека и двете го прекршиле договорот за прекин на огнот.

Канцеларијата на Нетанјаху објави дека израелските сили убиле стотици ирански безбедносни лица и членови на Корпусот на Исламската револуционерна гарда (ИРГЦ) четири часа пред да стапи на сила прекинот на огнот.

Иран, пак, испали бараж од ракети непосредно пред крајниот рок за прекин на огнот, една ракета шест минути откако стапи на сила прекинот на огнот и уште две ракети околу три и пол часа подоцна, соопшти канцеларијата на Нетанјаху.

„Овие ракети беа или пресретнати или паднаа на отворено подрачје и не предизвикаа жртви или штети“, соопшти канцеларијата на Нетанјаху.

„Како одговор на иранските прекршувања, воздухопловните сили уништија радарска инсталација во близина на Техеран“, се додава во соопштението.

Претседателот на САД, Доналд Трамп, денес упати директно предупредување до Израел, велејќи дека не смее да извршува воздушни напади врз Иран, бидејќи тоа би било „сериозно кршење“ на договореното примирје.

„Сите авиони ќе се свртат и ќе се вратат дома. Никој нема да биде повреден, прекинот на огнот е на сила“, рече Трамп во објава на платформата Truth Social, пред неговото заминување за самитот на НАТО во Хаг.

Во разговор со новинарите подоцна, Трамп продолжи со своите критики кон постапките на Израел, велејќи дека Тел Авив мора веднаш да ги прекине операциите.

„Мораме да го смириме Израел затоа што утрово отидоа на мисија“, рече тој. „Морам да ги смирам.“

Кога беше прашан за наводни прекршувања на примирјето од двете страни, тој рече: „Не сум сигурен дека го направиле тоа намерно. Не успеаја да ги спречат луѓето.“

Тој додаде дека „не му се допаднала“ непосредната реакција на Израел по постигнувањето на договорот: „Наводно, една ракета била испукана по истекот на рокот и сега Израел стапува во акција. Овие луѓе треба да се смират“.

Трамп најави дека ќе се обиде лично да интервенира: „Штом ќе се оддалечам од вас, ќе се обидам да го спречам тоа“.

„Тие не знаат што по ѓаволите прават“.

Израелското воено радио објави дека израелската војска нападнала радар во близина на Техеран.

Иранските медиуми, исто така, објавија дека Израел го нападнал градот Баболсар на северот од земјата.

Иранската новинска агенција Тасним објави дека Иранската револуционерна гарда во вторникот изјавила дека најновиот бран ирански ракети против Израел бил лансиран неколку минути пред да се спроведе прекинот на огнот како одговор на смртоносните израелски напади.

Во соопштението се вели дека 14 ракети биле лансирани кон воени центри низ Израел, додавајќи дека вооружените сили на Иран ќе продолжат да ги следат „непријателските движења со отворени и будни очи“, објави Тасним.