Портпаролот на Кремљ, Дмитриј Песков, денес изјави дека НАТО мораше да „направи чудовиште од Русија“ за да ги зголеми трошоците за одбрана од два на пет проценти од БДП.

„И од гледна точка на претставниците на НАТО, природно е дека нашата земја е најсоодветна за улогата на чудовиште“, рече Песков на прес-конференција.

Toj оцени дека НАТО е на патот кон неограничена милитаризација, објави РИА Новости.

„Алијансата се движи самоуверено по патот на неограничена милитаризација, Европа се движи по патот на неограничена милитаризација. Ова е реалноста што нè опкружува, ова е реалноста што ја имаме на ум“, рече Песков.

Песков рече дека е залудно да се обидува да му се каже на Западот дека нема закана од Русија, одговарајќи на барањето на новинар да коментира за изјавата на генералниот секретар на НАТО, Марк Руте, дека Русија наводно би можела да ги нападне земјите од Алијансата, пренесува Танјуг.

Руте во понеделникot изјави дека на самитот на Алијансата во Хаг, кој започнува денес, ќе биде одлучено да се зголеми издвојувањето за одбрана на пет проценти од БДП на земјите-членки.

Амбасадата на Израел во Обединетото Кралство објави фотографија од остатоците од ракета за која тврди дека била испукана во северен Израел за време на прекинот на огнот со Иран.

„Ова е ракета испукана кон северот на Израел – не за време на војната, туку за време на таканареченото примирје“, стои во објавата на официјалниот профил на платформата „Икс“.

This is a rocket fired at northern Israel – not during war, but during a so-called ceasefire.

Iran continues to show its true nature as a terror state and a regional threat. pic.twitter.com/L9jl0CjuDG

— Israel in the UK 🇮🇱🤝🇬🇧 (@IsraelinUK) June 24, 2025

„Иран продолжува да го покажува своето вистинско лице како терористичка држава и закана за регионот“, се додава во соопштението.

Израелските одбранбени сили претходно објавија дека најмалку една ракета била испукана од Иран неколку часа по почетокот на прекинот на огнот. Иран го негираше ова, тврдејќи дека не извршил никаков напад откако прекинот на огнот стапи во сила. Израел најави жесток одговор на Иран.

Операцијата „Полноќен чекан“ и претходните израелски операции јасно покажаа колку се ранливи руските системи за воздушна одбрана. Овие настани сериозно ги потресуваат темелите на руската војска, пишува Хамиш де Бретон-Гордон, поранешен командант на Заедничкиот хемиски, биолошки, радиолошки и нуклеарен полк на британската армија.

Едноставниот факт, како што вели е дека израелските борбени авиони веќе некое време слободно дејствуваат во иранскиот воздушен простор.

Сега, како што анализира, огромен американски пакет – вклучувајќи седум бомбардери Б-2, 75 крстосувачки ракети и, без сомнение, бројни други авиони – ја достигна својата цел без тешкотии и прецизно испорача 14 тешки бомби.

Сето ова, како што вели, се случи без никакво мешање од иранската воздушна одбрана, која е базирана на руски системи С-300, руски борбени авиони и руската воена доктрина. Ова сигурно предизвикува паника во Москва.

Според него, војната во Украина е многу различна од онаа меѓу Иран и Израел. Над Украина, противвоздушните сили, или „облакокршачи“, како што се нарекуваат во британската војска, целосно го контролираат небото. Ниту една страна не се осмелува да испрати авиони блиску до непријателските линии, а камоли над нив.

Оценува дека Русите извршуваат ефикасни напади користејќи летачки бомби и крстосувачки ракети, додека Украина одговара со беспилотни летала и ограничен број западни ракети со долг дострел.

Задачата за потиснување на непријателската воздушна одбрана, која Израел толку успешно ја изврши против Иран, во моментов е надвор од дофатот на која било страна во Украина. Но, јасно е дека тоа може да се постигне, барем кога станува збор за добро опремени западни сили против руската одбрана – и тоа е она што го плаши Путин, анализира тој.

Вистина е дека Русија се надгради на посовремениот С-400 (а во некои случаи и на најновиот С-500), но С-400 е само надградба на С-300, а С-500 е веројатно повеќе мит отколку реалност.

Според него, рускиот лидер и неговите советници сега мора да бидат свесни дека нивната одбрана би можела лесно да се неутрализира доколку Украинците, или некој друг противник како НАТО, ја имаа вистинската опрема.

„Секако, стана јасно дека Путин и руското раководство малку се грижат за бројот на жртви. Моментално сме сведоци на повеќе од еден милион убиени и ранети руски војници во Украина. Но, можеме да бидеме сигурни дека Путин и неговите генерали се загрижени за сопствената безбедност.

Сеопфатните американски и израелски разузнавачки мрежи што ги видовме во Иран, кои им овозможуваат да ги посочат и елиминираат клучните лидери и нуклеарни научници речиси по своја волја, сигурно го преплашиле раководството на Кремљ, особено затоа што Украина се чини дека има сличен дострел во самата Русија. Операцијата „Пајакова мрежа“, во која руската стратешка воздушна флота беше постојано уништувана, ја потврдува нивната ефикасност.

Сега е уште појасно дека Америка има целосна супериорност над руските сили, и ако Трамп одлучи да го стори тоа, тој би можел да му нанесе целосен пораз на Путин на бојното поле или дури и да го елиминира лично, опремувајќи ја Украина со истото оружје што го користи Израел.

Се надеваме дека Трамп, охрабрен од својот успех во Иран, ќе ја искористи оваа демонстрација на воена моќ, придружена со соодветни пораки, за да го принуди Путин на преговарачка маса. Ако успее во ова, можеби навистина ќе ја добие Нобеловата награда за мир што толку ја посакува – и тогаш навистина би ја заслужил“, стои во анализата што ја пренесуваат медиумите.