Македонија
(Видео) Лефков: 365 дена скандали, дезертерот Ковачевски се повикал на трајна неспособност за војска
Ковачевски е дезертер затоа што со документ за трајна неспособност избегнал служење воен рок, документ што не го употребил ниту кога требало да биде именуван за директор во телекомуникациските компании во кои работел, ниту кога требало да стане заменик-министер за финансии ниту пред да биде избран за премиер, изјави на денешната прес-конференција, Миле Лефков, пратеник и член на ИК на ВМРО-ДПМНЕ.
Тој додаде дека Ковачевски дезертирал и се вадел на неспособност само кога тој требал да даде до принос за слободата и независноста на државата, но не и кога требал да ги ужива плодовите од државата.
Премиер како Ковачевски, кој покажал дека не чувствува обврска кон државата, не може ниту да работи за државата. Затоа и имаме шеф на ЈО како Ислам Абази, непознат во фелата, но добро познат во политичките кругови на ДУИ, со чии челници бил во често друштво. Ваквиот избор за прв обвинител наиде и на шок кај нашите стратешки партнери.
Поради Ковачевски и неговата негрижа за државата, страдаат сите сегменти на системот. Здравството е целосно девастирано, пациентите едвај доаѓаат до термин кај специјалист, терапии често се набавуваат од Србија, Косово или некоја друга соседна држава, изјави Лефков.
Инфлацијата, која е на врвот на листата во Европа, го јаде стандардот на граѓаните. Цената на основните производи за една година е зголемена и повеќе од 30 %. Власта се однесува како маќеа кон сопствениот народ.
И додека удираат по народот, Ковачевски и СДС преку партиски штабови вработуваат професионални војници. Додека тендери се делат помеѓу функционерите, како што е примерот со тендерот од 630.000 евра во РЕК „Битола“, кој го добива сопругата на директорот на ТЕЦ „Неготино“.
СДС и ДУИ оваа година функционираат како досега, со криминал, корупција, борба за личен интерес и бенефит, додека народот тоне во сиромаштија, а Македонија губи. Затоа потребни се промени и нова влада предводена од ВМРО-ДПМНЕ, која ќе донесе подобра иднина за сите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Со тага утрово ја примивме веста за загубата на тројца наши лекари
„Со тага утрово ја примивме веста за загубата на тројца наши лекари, кои денеска ги загубија животите во сообраќајна несреќа во Прилеп“, напиша министерот за здравство, Арбен Таравари.
„Прим. Др. радиолог Александар Ристески, спец. гинеколог Др. Никола Василевски и технологот за радиологија Фанче Јованоска ги загубија животите додека одеа да ја извршуваат својата благородна мисија, како што е докторската работа.
Најдлабоко сочувство до нивното семејства, пријателите и колегите“, додаде Таравари.
Скопје
Кривичната од МВР е политички мотивирана, градежната дозвола за тениските терени е од времето на Груевски, тврди општина Карпош
По повод информацијата дека Одделот за криминалистичка полиција при Министерството за внатрешни работи поднело кривична пријава против една скопска општина и пет лица вработени во Секторот за урбанизам и правното лице од Скопје поради сторено кривично дело „Злоупотреба на службена положба и овластување“, велат од општина Карпош.
„Секторот за урбанизам и правниот сектор во општина Карпош со индигнација ја отфрлаат оваа кривична пријава на МВР, истата ја сметаат за тенденциозна и злонамерна и политички мотивирана.
Имено, стручните служби од општина Карпош предметот за легализација на спортските објекти на Александар Палас со внимание го имаат разгледувано, и истиот е решен согласно законските прописи. Општина Карпош категорично тврди дека легализацијата е законита за овие спортски објекти затоа што за се’ што се издава одобрение за градба се врши легализација, а за истите објекти правното лице Александар Палас има одобрение за градба од Министерството за транспорт и врски за кое не го спровеле во катастар.
Дополнителен аргумент е фактот што за тениски терени изградени на територија на општина Карпош во времето на Никола Груевски е издадено одобрение за градба.
Во општина Карпош работат квалитетни искусни службеници кои совесно си ги вршат своите работни обврски и убедени се дека истата кривична пријава ќе биде отфрлена како недопустлива од причини што надлежните општински органи правилно ги утврдиле фактите и извршиле легализација согласно законските прописи кои ги донела Владата на Никола Груевски“, се наведува во соопштението на општина Карпош.
Македонија
Тошковски на средба со шефот на канцеларијата на Советот на Европа во Скопје, Олег Солдатов
Денеска, министерот за внатрешни работи, Панче Тошковски, оствари работна средба со шефот на канцеларијата на Советот на Европа во Скопје, Олег Солдатов.
На средбата беше потенцирана добрата соработка во изминатиот неколкугодишен период, како и заеднички постигнатите резултати, а беа разменети мислења во однос на поважните тековни прашања, со осврт на можностите за натамошна соработка.
И двете страни изразија уверување дека соработката ќе продолжи и ќе се продлабочува.