Македонија
(Видео) Кузеска: Најголемите лаги на Мицкоски – фабрика за автобуси во Скопје со 500 вработени
„Христијан Мицкоски цела 2022 година ги лажеше граѓани. Под заложништво на Димитар Апасиев и Левицата, Мицкоски лажеше за македонскиот јазик, ја плашеше јавноста со асимилација и бугаризација. Како шпицен градоначалник Мицкоски лажеше за набавка на 100 еколошки автобуси за потребите на Град Скопје. Оваа лага тој ја прошири со најава за отворање фабрика за производство на електрични автобуси“, посочи денеска на прес-конференција Богданка Кузеска, портпарол на СДСМ.
Кузеска го цитира Мицкоски од март годинава:
„…со сите потенцијални снабдувачи се разговара и за отворање фабрика во Скопје за производство на електрични автобуси и вработување минимум 500 луѓе…“
„Исто како и стоте автобуси, денес ја нема ниту фабриката што Мицкоски ја најавуваше. Поради неспособноста на градската власт од ВМРО-ДПМНЕ, не функционира ниту постојниот јавен превоз“, посочи таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Собранието седници на три комисии
Во Собранието денеска седници ќе одржат Комисијата за финансирање и буџет, Законодавно-правната комисија и Комисијата за политички систем и односи меѓу заедниците.
На дневен ред на Комисијата за финансирање и буџет и Законодавно-правната комисија се две точки – Предлог на законот за изменување и дополнување на Законот за експропријација, по скратена постапка и Предлог на законот за изменување и дополнување на Законот за спречување перење пари и финансирање на тероризам, со европско знаме и по скратена постапка.
Скопје
Делови од Ѓорче Петров и Кисела Вода денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат:
-Во период од 10:30 – 11:00 часот, дел од корисниците на место.наречено Присојница – Горно Нерези во општина Ѓорче Петров
– Во период од 09:00 – 12:00 часот, дел од булевар Борис Трајковски (кај Вардар мебел) во општина Кисела Вова.
Македонија
Сончево со мала до умерена облачност
Времето денеска ќе биде сончево со мала до умерена облачност. Попладне и во вечерните часови облачноста ќе се зголеми, а во западните делови ќе има повремен локален дожд. Ќе дува умерен, а наместа долж Повардарието повремено засилен ветер од југоисточен правец. Минималната температура ќе биде во интервал од 1 до 10, а максималната ќе достигне од 22 до 27 степени.
Во Скопје сончево со умерена облачност, која кон крајот на денот ќе се зголеми. Ќе дува умерен, а во делови од котлината повремено засилен ветер од југоисточен правец. Минималната температура ќе се спушти до 5, а максималната ќе достигне до 27 степени.
Под влијание на циклонска активност во петок и во деновите од викендот времето ќе биде променливо облачно со повремени врнежи од дожд. Наместа врнежите ќе бидат пообилни, локално во форма на невреме, проследени со грмежи и засилен ветер.
Потоа во следните два дена ќе настапи стабилизирање на времето.