Македонија
Герасимовски: 3.000 пакетчиња за децата и предновогодишна забава на „Боемска 1“ во Дебар Маало
Градоначалникот на општина Центар, Горан Герасимовски, во гостување на националниот сервис МРТ 1 најави богата предновогодишна програма, која ќе се одржи на 29 и 30 декември на улицата Боемска 1 во Дебар Маало. На 29 декември предвидена е детска програма со почеток од 11 часот, каде што со музички точки и театарски претстави ќе настапуваат дечиња од градинките и учениците од сите основни училишта во Центар. А на 30 декември предвидена е забавна програма, која ќе почне од 15 часот.
„По повод организацијата на предновогодишната забава на самата улица Боемска 1, некои од кафеаните ќе имаат изнесено маси и буриња како шанкови, каде што граѓаните ќе може да се напијат чајче, сокче или што им е желба, и тоа по пониски цени, а на 30 декември ќе има забавна програма, на која ќе настапат Фиц од ‘Студени нозе’, Дац и Александар Мицевски, ‘Тамбураши’ и Драган Б. Костиќ. Така што ги покануваме сите. Ќе имаме одлична забава и добра дружба да ја испратиме 2022 и да си посакаме поубава и побогата 2023 година“, изјави Герасимовски.
Герасимовски исто така во МРТ 1 изјави дека во тек е и подарувањето на 3.000 пакетчиња. кои се донаторска акција на општествено одговорните компании и пријатели на Општина Центар.
„Од вчера имаме донација од 3.000 пакетчиња и тоа е најголема бројка што досега ја донирала Општината за најмладите. Пакетчињата почнавме да ги делиме вчера во неколку болници, денеска исто така сме во болницата во Козле и ќе се делат и в четврток и в петок со цел нашите дечиња да ги добијат навреме пред доаѓањето на новата година“, изјави Герасимовски.
Општина Центар упатува искрена благодарност до донаторските компании, кои обезбедија пакетчиња за детските градинки, Дневниот центар за церебрална парализа во Киро Глигоров, за дечињата во Детската Клиника, во Заводот за рехабилитација на слух, говор и глас, Здружението на слепи лица со оштетен вид, Институтот за белодробни заболувања кај децата во Козле, Здружението на граѓани за хуманитарна помош ЗАЕДНИЧКИ ДОМ за мајки и деца од Украина и за дечињата во Центарот за Даунов синдром.
Општествено одговорните пријатели на Општина Центар исто така го овозможија и реализирањето на новогодишната програма на улицата Боемска 1, со што нема да бидат потрошени средства од општинскиот буџет. Општина Центар останува посветена на негување блиски односи со пријателите затоа што нивите дела прават значајни работи за општината и за граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши на средба со Ердоган: разменети мислења за унапредување на соработката и за актуелните случувања во регионот и пошироко
Претседателот на Собранието на Република Северна Македонија, Африм Гаши, во придружба на пратениците: Бејџан Иљас, претседател на пратеничката група за соработка со Парламентот на Република Туркије, Никола Мицевски, Оливер Спасовски, Мерита Колчи Коџаџуку и Беким Сали, од 2 до 5 октомври 2024 година претстојува во официјалната посета на Република Туркије, на покана од Нуман Куртулмуш, претседател на Големото национално собрание на Туркије, известуваат од кабинетот на Гаши.
Во рамките на посетата, претседателот на Собранието на Република Северна Македонија, Африм Гаши, оствари средба со претседателот на Република Туркије,Реџеп Тајип Ердоган, на која присуствуваше и претседателот на големото национално собрание на Туркије, Нуман Куртулшуш, како и претседателите на парламентарните групи за соработка и пријателство од двете собранија, пратениците Бејџан Илјаз и Ахмет Килич.
На средбата беа разменети мислења за унапредување на одличната соработка меѓу Република Северна Македонија и Република Туркије, за состојбите во двете држави и за актуелните случувања во регионот и пошироко.
Гаши оствари средба и со министерот за надворешни работи Хакан Фидан, по што се одржа и заедничка средба со пратениците членови на Делегацијата.
Гаши истакната дека средбата претставува можност Република Северна Македонија и Република Туркије да ја зајакнат долгогодишнатаактивна и успешна соработка. Тој оцени дека неодамнешната посета на министерот Фидан на Република Северна Македонија, како и неговата посета на Туркије, се потврда за високото ниво на билатерални односи меѓу двете традиционално пријателски земји и НАТО-сојузници.
Гаши нагласи дека високо ја вреднуваме успешната соработка со Република Туркије во сите полиња и изрази голема благодарност до Туркије, која од самиот почеток беше принципиелен подржувач на нашето членство во НАТО.
Министерот Хакан Фидан ја потврди безрезервната поддршка на Туркије за Северна Македонија на сите полиња и се осврна на потребата за интензивирање на соработката во полето на економијата, реафирмирајќи ја заложбата за зголемување на трговската размена меѓу двете земји.
На средбата беше нагласено значењето на меѓупарламентарната соработка и парламентарната дипломатија за билатералните и мултилатералните односи, во однос на унапредувањето на политичкиот дијалог и зголемувањето на динамиката на севкупната соработка меѓу земјите.
Гаши и пратениците остварија средба и со Ерол Озвар, претседател на Советот за високо образование на Туркије и членови на Советот. На средбата, високата собраниска делегација беше информирана за активностите на ова тело во насока на стратешко планирање на високото образование, координација меѓу универзитетите и воспоставување и одржување механизми за обезбедување квалитетно високо образование. Стана збор и за можностите за унапредување на соработката меѓу Република Северна Македонија и Република Туркије на полето на високото образование, соопшти кабинетот на Гаши.
Македонија
(Видео) ЦУК: Гасењето на пожарот во скопски Чаир се одвива отежнато, се вклучува и специјално противпожарно возило на Армијата
Гасењето на пожарот во скопски Чаир се одвива отежнато поради големата количина на чад и високата температура во подрумите во кои била складирана поголема количина на запаливи материјали, информираат од Центарот за управување со кризи.
Дополнително како помош на скопските пожарникари ќе пристигне специјално противпожарно возило на Армијата, појаснуваат од центарот.
„БППЗ на Град Скопје од 01.50 часот гасне запален магацин на неутврдена површина на ул. „Прохор Пчински“ во Скопје. Интервенцијата ја извршува со 7 возила и 20 пожарникари. На лице место освен единици од БППЗ кои го гасат пожарот се и полиција и Итна медицинска помош. Според утринскиот службен извештај од БППЗ, еден пожарникар бил однесен на токсикологија поради големо количество вдишан чад (Општина Чаир)“, соопшти ЦУК.
Македонија
Ахмети не сака да влезе во Влада: Не сме резервна гума
Првиот човек на ДУИ, Али Ахмети, денеска на конференцијата „100 дена скандали, понижувања и неуспеси“, изјави дека Европскиот фронт не е заинтересиран да стане дел од Владата, бидејќи, како што додаде, тие не се резервна гума.
Ахмети рече дека Европскиот фронт е легитимен претставник на Албанците и помалите етнички заедници, додавајќи дека ВЛЕН не победи на изборите.
„Ние сме легитимните претставници на Албанците, тие не победија на изборите“, рече првиот човек на ДУИ, Али Ахмети.