Македонија
Герасимовски: Новогодишни пакетчиња за децата во Центарот за Даунов синдром
Градоначалникот на општина Центар, Горан Герасимовски, подели новогодишни пакетчиња за децата од Центарот за Даунов синдром. Ова е прв дневен центар во државата, отворен е во соработка со здруженијата на децата со Даунов синдром и комплетно одговара на потребите на децата за поддршка на нивниот психофизички развој.
„Навистина е прекрасно кога ќе придонесете за нечија насмевка, особено кога таа е искрена и детска. Новогодишните пакетчиња се само мал гест што донесоа огромното задоволство и кај нив и кај нас. Од овие деца треба да научиме дека радоста е во малите работи. Им благодарам за убавиот пречек и внимателно изработените честитки“, истакна Герасимовски.
Општина Центар оваа година ќе подели 3.000 новогодишни пакетчиња, кои се донација од општествено одговорните компании. Ова воедно е и најголема бројка што Општината воопшто ја поделила досега. Овие денови градоначалникот Герасимовски и општинската администрација поделија пакетчиња во Дневниот центар за церебрална парализа во „Киро Глигоров“, Детската клиника, Заводот за рехабилитација на слух, говор и глас, Здружението на слепите лица со оштетен вид, Институтот за белодробни заболувања кај децата во Козле, Здружението на граѓани за хуманитарна помош ЗАЕДНИЧКИ ДОМ за мајки и деца од Украина, Дневниот центар за лица со попреченост +18 „Пролет“, Центарот за Даунов синдром и паралелно пакетчиња се делат во детските градинки. Новогодишни пакетчиња ќе бидат поделени и на дводневната предновогодишна забава, која градоначалникот Герасимовски ја најави за 29 и 30 декември на улицата Боемска 1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево со мала до умерена локална облачност
Сончево со мала до умерена локална облачност. Ќе дува слаб до умерен ветер претежно од северозападен правец. Минималната температура ќе биде во интервал од 8 до 16, а максималната ќе достигне од 19 до 27 степени.
Во Скопје сончево со мала до умерена локална облачност. Ќе дува слаб до умерен ветер од северозападен правец. Минималната температура ќе се спушти до 8, а максималната ќе достигне до 25 степени.
Следува период на стабилно време со пораст на дневната температура, освен во среда кога се очекува локален повремено пороен дожд со појава на ретки грмежи. Утринските температури ќе бидат пониски на почетокот на неделата, а потоа и тие постепено ќе се покачуваат.
Скопје
Посебен режим на сообраќај денеска во Скопје
СВР Скопје ги известува граѓаните на Скопје дека денеска поради официјална посета на претседателот на Владата на Република Србија, Милош Вучевиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до граѓаните да ги почитуваат наредбите што ги издаваат полициските службеници.
Скопје
Три скопски општини денеска без стурја
ЕВН Македонија АД известуваат дека денеска без електрична енергија ќе останат:
– во периодот од 07.30 до 14.30 часот, корисниците од селата Дељадровци, Миладиновци и Текија, како и корисниците приклучени на приватните трафостаници Макпетрол – Миладиновци – Плинара, ЖТП Миладиновци – Рампа и Патарина Миладиновци. (општина Илинден)
– во периодот од 08.20 до 11.20 часот, корисниците од улиците Карл Либнехт и Модест Мусогорски, објектот на детската градинка Детелинка, како и дел од корисниците од улиците Карл Хрон и Темко Попов. (општина Гази Баба)
– во периодот од 09.00 до 11.00 часот, дел од корисниците од ул. Милан Марковиќ.(општина Карпош)
– во периодот од 11.30 до 13.00 часот, дел од корисниците од ул. Гаврил Лесновски. (општина Карпош)
– во периодот од 11.40 до 14.20 часот, корисниците од улиците Карл Либнехт, Анри Барбис и Темко Попов, како и дел од корисниците од ул. Благоја Стевковски. (општина Гази Баба)