Македонија
ВМРО-ДПМНЕ: Оваа година функционерите на СДС и ДУИ беа фрлени на лично богатење
Таче и Али имаат година со 365 скандали. Изминатата година беше година на осиромашување на граѓаните, колапс на економијата, енергетиката, образованието, здравството, земјоделството, од една страна, и богатење на функционерската елита на власт, од друга. Еден од поголемите скандали во оваа година е аферата „Тајни имоти“, која обелодени дека 123 државни функционери, директори и раководители на институции и комисии не пријавиле имот вреден 30 милиони евра, иако тоа им е законска обврска. Тие поседуваат куќи, станови, викендички, автомобили и деловни простории, кои ги криеле од јавноста и не ги пријавиле во антикорупциската комисија, се вели во соопштението од ВМРО-ДПМНЕ.
Од партијата додаваат дека како еден од најеклатантните примери за ваков случај на непријавен имот е хациендата со базен, кој патем е и дивоградба, на министерката за одбрана, Славјанка Петровска. За овој случај покажавме и евидентен лист од Агенцијата за катастар и сметка за вода на нејзино име и ја повикавме Петровска да демантира со прикажување евентуален купопродажен договор ако го отуѓила имотот.
Ни Славјанка стана да одговори ни Таче ѝ побара одговорност. Сите капацитети им беа насочени во личното богатење, матни зделки или удомување свои роднини во државните институции. Ете затоа во здравството нема лекови за пациентите, па мора да набавуваат од Косово или Србија. Ете затоа секој втор млад човек сака да замине во странство. Народот не сака веќе ваква криминогена власт да ги понижува. Не сака да слуша примитивци како Талат Џафери како пцујат и навредуваат.
Оваа власт на Ковачевски и Ахмети е антинародна и колку побргу се одржат избори, толку побргу ќе си замине, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Северна Македонија избрана за членка на Советот за човекови права на Обединетите Нации за периодот 2025 – 2027
Со 168 гласа „за“, Република Северна Македонија денес стана нова членка на Советот за човекови права на Обединетите Нации за периодот 2025-2027, на изборот што се одржаа во Генералното собрание на ОН во Њујорк, информира МИнистерството за надворешни работи.
Поддршката од земјите членки на ОН е потврда за придонесот на нашата држава како посветен промотор и заштитник на човековите права и слободи.
Во својата објава на социјалните мрежи, министерот Муцунски нагласи дека една од главните цели по овој дипломатски успех ќе биде активното учество во Советот, придонесувајќи за глобална промоција на човековите права и подобрување на ситуацијата ширум светот, што е основа и на нашата кандидатура за членство
Во најновиот Национален извештај за Универзалниот периодичен преглед презентиран пред Советот за човекови права во Женева, нашата земја е високо на листата на земји кои ги почитуваат и гарантираат човековите права и оценета како квалификуван кандидат кој ги исполни неопходните услови за да биде дел од работата на ова меѓународно тело.
Инаку, според информацијата од МНР, Република Северна Македонија по вторпат е избрана за членка на Советот за човекови права, откако претходно членуваше во периодот 2014-2016.
Македонија
Стоилковиќ- Рокас: изразена поддршка кон реформските процеси во делот на заштитата на правата на етничките заедници
Потпретседателот на Владата и министер за односи меѓу заедниците,Иван Стоилковиќ денес оствари работна средба со новоименуваниот амбасадор на ЕУ во РС Македонија, Михалис Рокас.
На средбата стана збор за клучните прашања, приоритети, но и идните планови на Министерството за односи меѓу заедниците, како и соработката со ЕУ, со акцент на помалите етнички заедници во земјава.
„Како Министерство ни значи соработката со ЕУ од причина што помалите етнички заедници немаат друга адреса освен ЕУ, со оглед на тоа какво искуство имавме се надевам дека работите со ваша помош ќе ги исправиме“, рече на средбата Стоилковиќ и истакна дека е задоволен од тоа како се одвиваат работите во првите 100 дена.
Заклучокот на двајцата соговорници беше дека заштитата на етничките заедници е приоритет на Министерството за односи меѓу заедниците, како и дека постојат многу точки за кои може да се зборува, а, како што нагласи, амбасадорот на ЕУ Рокас нашата земја секогаш може да смета на помош и поддршка од Унијата.
Амбасадорот Михалис Рокас го изрази своето задоволство од, како што рече, храброста и решителноста на вицепремиерот и министер Стоилковиќ за изнесените податоци за затекнатата состојба во Министерството, и воедно ја изрази својата поддршка кон реформските процеси и приоритетите во делот на заштитата на правата на етничките заедници и нагласи дека не смее да има никакво оправдување и сето она што е злоупотребено треба да биде процесуирано.
Тема на разговор беа и економските прилики во земјата и фактот дека соработката меѓу балканските земји ќе придонесе за стабилноста во регионот, а придобивките ќе ги чувствуваат сите.
На крајот од средбата Стоилковиќ уште еднаш упати честитки до амбасадорот за назначувањето на новата функција и изрази уверување дека соработката, но и пријателските односи не само што ќе го задржат досегашното ниво, туку и ќе се продлабочат во наредниот период.
Македонија
СДС се исплашени од Божиновска, затоа што почна да открива каков се криминал правеле во РЕК Битола, ЕСМ и МЕПСО, велат од ВМРО-ДПМНЕ
Според ВМРО-ДПМНЕ, СДС се исплашени од Божиновска, затоа што почна да открива каков се криминал правеле во РЕК Битола, ЕСМ и МЕПСО.
„СДС знаат колку ја ограбиле државата и народот и затоа ја напаѓаат Божиновска, мислејќи дека така никогаш нема да се дознае.
СДС лажеше дека владата ги субвенционира сметките за струја, за на крај да излезе дека 60 милиони евра од Владата кон ЕВН не се платени.
СДС свесно манипулира. Во нивно време од МЕПСО парите наместо за енергетската мрежа се трошеа за донации и спонзорства на фитнес клубови“, се истакнува во соопштениетот на ВМРО-ДПМНЕ.
СДС, како што додаваат од партијата на власт, жали по времето кога камиони со струмички таблици „вртеа во РЕК Битола по 27 часа на де“н.
СДС знае, велат од ВМРО-ДПМНЕ, дека следува одговорност и затоа се во страв и сеат лаги за Божиновска, неспособноста заврши со нив.