Свет
Британско предупредување за можни руски напади за време на празници
Велика Британија предупредува дека Русија во наредните денови би можела повторно да изврши масовни напади врз Украина со цел да го поткопа моралот на украинските сили.
Според проценките на британското Министерство за одбрана, „постои реална можност руските сили да извршат удари со долг дострел врз Украина во наредните денови со цел да го нарушат украинскиот морал за време на новогодишните празници“ пишува лондонски Гардијан.
Во своето секојдневно известување, британското Министерство за одбрана рече дека од октомври, Русија го следи моделот на интензивен бран напади од долг дострел на секои седум до десет дена, од кои последниот беше извршен во четвртокот, примарно насочени кон објекти на електричната мрежа во Украина.
„Русија речиси сигурно го следи овој модел во обид да ја надмудри украинската противвоздушна одбрана“, се објаснува во соопштението, пренесува Танјуг.
Сепак, Министерството за одбрана на Велика Британија сугерира дека постои реална можност Русија да изврши напади порано, веќе во наредните денови, во обид да го поткопа моралот на украинското население за време на новогодишните празници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
СЗО: Европските деца се изложени на ризик од проблематично користење на социјалните мрежи
Светската здравствена организација (СЗО) предупреди дека проблематичното користење на социјалните мрежи е во пораст кај децата во Европа и дека постои опасност кај нив да се развие зависност од онлајн игри.
„Потребна ни е итна и одржлива акција за да им помогнеме на адолесцентите да престанат со потенцијално штетната употреба на социјалните мрежи, за кои се покажа дека доведува до депресија, малтретирање, анксиозност и слаби училишни резултати“, рече директорот на СЗО за Европа, Ханс Клуге.
Во 2022 година, 11 проценти од адолесцентите (13 проценти од девојчињата и 9 проценти од момчињата) имале знаци на проблематично користење на социјалните мрежи, додека четири години претходно имало седум проценти.
Податоците се добиени во истражување кое опфатило 280.000 деца на возраст од 11, 13 и 15 години од 44 земји во Европа, Централна Азија и Канада.
Кај нив се забележани симптоми слични на оние на зависност, а тоа се неможноста да се контролира прекумерната употреба, чувството на повлекување и напуштање на другите активности во корист на социјалните мрежи и негативните последици од прекумерната употреба во секојдневниот живот.
Оваа појава е најраспространета кај романските адолесценти на возраст од 13 и 15 години, каде што погодува 28 отсто од нив, а најмалку е кај холандските адолесценти (три отсто).
Причината за загриженост е тоа што една третина од адолесцентите играат онлајн секој ден, а 22 отсто од нив играат најмалку четири часа, покажуваат податоците на СЗО.
Околу 12 проценти од адолесцентите имаат проблематично однесување поврзано со онлајн игрите, од кои 16 проценти се момчиња, а 7 проценти се девојчиња.
Европа
Нова експлозија одекна во Келн: изгоре кафуле среде ноќ, жителите евакуирани
Кафулето за кое се вели дека неодамна било отворено во Келн, вечерва околу 2 часот и 45 минути целосно изгорело. Пред тоа дошло до експлозија во зградата, а жителите пријавиле силен тресок во текот на ноќта.
Набргу потоа кафулето било во пламен, а прозорците биле испукани.
Зградата е евакуирана додека пожарникарите го гаснеле пожарот. Околу еден час подоцна, околу 4 часот наутро, 25 станари можеле да се вратат во своите станови.
Две лица наводно биле полесно повредени, пишува Билд.
На терен се голем број полицајци и пожарникари. Засега не е позната позадината на експлозијата, ниту е поврзана со претходните две кои одекнаа во Келн минатата недела.
Регион
Државен секретар во Министерството за здравство во Црна Гора во пијана состојба направил сообраќајка, па поднел оставка
Државниот секретар на Министерството за здравство Александар Секулиќ е казнет со 800 евра во Судот за прекршоци. Тој признал се и изразил каење што во текот на денот пијан го возел службеното возило и направил сообраќајка, пишуваат регионалните медиуми.
Секулиќ соопшти и дека одлучил да се повлече од сите функции.
„Денеска, за жал, доживеав сообраќајна несреќа во која јас бев виновен. Во овој инцидент за среќа нема повредени, но причинета е помала материјална штета. Она што особено ме погодува е фактот што во тој момент бев под дејство на алкохол, што е сосема неприфатливо, особено за некој кој врши јавни функции и има обврска да служи како пример за одговорно однесување“, изјави Секулиќ на социјалните мрежи.
Тој според написите е уапсен откако со службениот автомобил направил сообраќајка во Подгорица, а потоа се обидел да го напушти местото на несреќата, велат полициски извори на „Вијести“.
Се се случило околу 13 часот во населбата Загорич кога, Секулиќ со службениот автомобил удрил во комбе.
По шест часа притвор, полицијата против Секулиќ поднесе прекршочна пријава и го приведе кај дежурниот судија на Судот за прекршоци.
Тој околу 20.00 часот бил спроведен во Судот за прекршоци во Подгорица.
Во несреќата нема повредени, но причинета е материјална штета.
Еден од соговорниците за „Вијести“ рекол дека полицијата со алкотест утврдила дека Секулиќ го управувал автомобилот со 1,75 промили алкохол во крвта.
Според неофицијални информации, тој по несреќата наводно сакал да го напушти местото каде што се случила несреќата, но во тоа бил спречен од граѓаните, кои со него го чекале пристигнувањето на полициската патрола.
Секулиќ бил лишен од слобода поради возење во алкохолизирана состојба и извесно време бил во зградата на полицијата во Подгорица.
Медиумот наведува дека државниот секретар возел електричен автомобил „тојота“ од 40.000 евра, кој УНДП го донирале на Министерството за здравство.
Полициската управа (УП) соопшти дека Секулиќ возел со 1,76 промили алкохол во крвта, поради што е уапсен.
„Денеска во Подгорица околу 13.00 часот се случила сообраќајна незгода на улицата II Црногорски баталјон во која учествувале: А.С.(46) и И.Р.(29), кои ја пријавиле незгодата. При излегување на местото на сообраќајната незгода, при алкотестирање на возачот, било утврдено дека А.С. го управувал возилото со 1,76 г/кг алкохол, поради што согласно Законот за безбедност на сообраќајот на патиштата е лишен од слобода и ќе биде изведен пред надлежниот судија за прекршоци во Подгорица“, се вели во соопштението.
Како член на претседателството на Демократската народна партија (ДНП), Секулиќ на крајот на јануари годинава беше избран за државен секретар во Министерството за здравство.