Македонија
(Видео) Коњановски: Битола со над 65 нови проекти во делот на инфраструктурата за 2023 година
Зад нас оставаме година полна со предизвици, во која покажавме дека кога се работи чесно и посветено може да се постигнат високи резултати. Битола успеа да излезе од затвореноста и индиферентноста која постоеше изминатите години. Битола повеќе не е заборавен град, вели градоначалникот на општина Битола, Тони Коњановски во своето обраќање во кампањата „Промените на дело“ во организација на ВМРО-ДПМНЕ.
Коњановски потенцираше дека минатата 2022 година се реализира голем број на проекти од културата, образованието, спортот, животната средина и проекти од други области.
Успеавме да реконструираме над 10 километри улици во општината. Да реконструираме и изградиме водоводни и канализациски мрежи . уредивме паркови, детски и спортски игралишта. Започнавме и многу други проекти од голема важност за општината во делот на енергетската ефикасност, спортот, културата и други области. Битола секогаш била расадник на врвни спортисти и спортски центар на Балканот. Градот доби нова северна трибина на стадионот Петар Милошески, а направено е идејно решение за новиот модерен спортски центар. Националниот парк Пелистер излегува од заборав, за што овозможивме поддршка на дополнителни содржини за проектот авантуристички парк на Пелистер, како и поддршка за реконструкција на Планинарскиот дом „Копанки“. Работиме на изготвувањето на локалниот еколошки акционен план, а изработен е катастар на загадувачи и Зелен катастар. Субвенциониравме колективни згради за поголема енергетска ефикасност, изјави тој.
Градоначалникот Коњановски им се заблагодари на граѓаните за проектите и идеите кои ги дадоа а кои се внесени во буџетот на општината за 2023 година, потенцирајќи дека 2023 година ќе се реализираат над 65 проекти за битолчани во делот на инфраструктура, носење на нов Генерален урбанистички план, изградба на нов парк во нова Битола, како и изградба на стационар за бездомни животни во вредност од 56 милиони денари.
Благодарам и на поддршката и заинтересираноста заедно да ја изградиме Битола за сите нас. Добивме многу идеи од Вас, како на пример идеите од бизнис секторот за подобрување на инфраструктурата во поранешната индустриска зона, каде што подготвивме проектна документација за реконструкција на улицата Индустриска во должина од 2,4 километри. На иницијатива на професорката Весна Христовска поддржана од повеќе наставници и професори воведовме наградување на талентирани и надарени ученици преку објава на јавен повик. На барање на претставниците на урбани и месни заедници подготвивме документација за реконструкција на улицата „Зборска“ „Драгорска“ и други улици. Битола следната година започнува со дигитализација на услугите. Продолжува со изработка на нов Генерален урбанистички план, а интензивно работиме на изградбата на новиот парк во нова Битола, проект вреден 29 милиони денари, стационарот за бездомни животни вреден 56 милиони денари, како и инфраструктурно подобрување на влезот во Битола од страна на Прилеп, и изградба на велосипедски патеки, кажа Коњановски.
Со буџетот и оваа година креиран заедно со вас почитувани граѓани продолжуваме да реализираме 65 нови проекти за битолчани. Да го вратиме и подржиме културното живеење, одлика на Битола. Битола ја даде довербата и таа доверба ја исполнуваме со промени на дело, истакна Коњановски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Дурмиши ќе учествува на конференција на министри за економија во рамки на Берлинскиот процес во Берлин
Министерот за економија и труд Бесар Дурмиши утре ќе учествува на конференција на министри за економија во рамки на Берлинскиот процес која се одржува во Берлин, Сојузна Република Германија.
Дурмиши со колегите министри за економија од земјите од Западен Балкан на бизнис формум ќе дискутираат на тема “10 години Берлински процес-Западен Балкан како економска област на патот на ЕУ“.
На конференцијата на министри покрај Дурмиши ќе присуствуваат министрите за економија на Албанија, Србија, Косово, Црна Гора, Босна и Херцеговина.
Берлинскиот процес беше воспоставен во 2014 година како платформа за соработка на високо ниво меѓу високи официјални претставници на шест земји од Западен Балкан и нивните колеги во Земјите домаќини на Берлинскиот процес.
Процесот ги вклучува и институциите на ЕУ, меѓународните финансиски институции и граѓанското општество во регионот, Регионалната канцеларија за младинска соработка RYCO и бизнисите.
Македонија
Тошковски од Охрид: Имплементација на научните достигнувања овозможува подобро да се справуваме со предизвиците на безбедноста
Денеска министерот за внатрешни работи се обрати на 15. Меѓународна научна конференција на тема „Современи безбедносни предизвици и зајакнување на отпорноста на земјите од Југоисточна Европа“ која се одржува во Охрид 23-24 септември, во организација на Факултетот за безбедност – Скопје и фондацијата „Фридрих Еберт“. Тошковски ја упати својата благодарност до организаторот за можноста да се обрати пред реномираниот собир на експерти од областа на безбедносните науки и истакна дека конкретната тема посебно погледната од аспект на моменталните глобални трендови и случувања бара сериозно експертско анализирање со цел проекција на решенија кои имплементирани ќе ја гарантираат безбедноста и отпорноста на регионот.
„Унапредување на науката и академското истражување на степен на којшто заслужува е нужно не само за научната фела, туку и за практиката како таква. Ако сакаме да зборуваме за безбедно општество, борба против сите видови сериозен криминал, нужно е да ги дискутираме темите и на ова академско и експертско ниво со цел заклучоците и научните факти кои ќе произлезат од ваквите настани, да ги имплементираме во институциите со што ќе го зголемиме нивното ниво за да се борат со сите предизвици како што се организираниот криминал, сајбер криминалот и високата корупција. Научната мисла мора да го даде својот придонес во секој од овие пилари во кои институциите како МВР ќе треба да се развиваат во иднина.“, потенцираше Тошковски.
На крајот на своето обраќање Тошковски нагласи дека со имплементирање на научната мисла и достигнувања создадени на вакви конференции и форуми овозможува подобро да се подготвиме за сите предизвици кои не очекуваат во иднината и кои се клучни за безбедноста на државата, регионот и пошироко.
Македонија
Средба Муцунски – Гераптеритис во Њујорк: почитувањето на меѓународното јавно право е од суштинско значење за обезбедување на иднина заснована на заеднички просперитет
На маргините на Генералното собрание на ОН, денеска министерот за надворешни работи и надворешна трговија, Тимчо Муцунски, се сретна со министерот за надворешни работи на Република Грција, Јоргос Герапетритис.
Оваа средба претставува важен чекор напред во зајакнувањето на регионалната соработка и значајно унапредување на дипломатските односи. Во текот на конструктивната дискусија посебно внимание беше посветено на можностите за развој на трговијата, инфраструктурата и инвестициите во енергија, како клучни области, каде постојат реални можности за проширување на соработката.
Почитувањето на меѓународното јавно право е од суштинско значење за обезбедување на иднина заснована на заеднички просперитет и одржлив мир. Заемната посветеност на овие принципи е основа за успешна реализација на идни корисни иницијативи и проекти, нагласуваат од МНР.