Свет
Путин нареди филмови за руската инвазија на Украина да се прикажуваат во кината
Рускиот претседател Владимир Путин и нареди на владата до февруари да организира прикажување на „документарни филмови за офанзивата на руската армија во Украина“ во кината до февруари.
На Министерството за култура е да достави предлози за гарантирање на прикажување на национални документарни филмови во кината на теми поврзани со специјалната воена операција и сузбивањето на ширењето на неонацистичката и неофашистичката идеологија, се вели во соопштението објавено на веб-страницата на Кремљ.
Русија рече дека сака да ја денацизира земјата со офанзива во Украина, а Кремљ го обвини украинскиот претседател Володимир Зеленски и властите во Киев за соработка со ултранационалистичките сили.
Одлуката доаѓа по серијата порази кои руската армија ги претрпе во Украина, па во последните месеци мораше да се повлече од регионот Харков на североисток и од градот Херсон на југ.
Вчера руската армија мораше да ги признае загубите во Макиивка во источна Украина, каде загуби најмалку 63 војници во напад на украинските сили.
Русија веќе донесе низа закони за контрола на јавниот говор во врска со таканаречената специјална воена операција, која ја нарекува конфликт.
Според тој закон, најстрого се казнува секој што ќе објави информации за вооружените сили за кои судството смета дека се лажни,пренесе Индекс.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

