Македонија
(Видео) Ѓорѓиевски: Кисела Вода со над 120 нови проекти за 2023 година
Годината што помина беше турбулентна, но сепак ги исполнивме вашите очекувања. Оваа година покажавме дека може поинаку и дека можеме да наметнеме ново темпо и нова динамика во исполнување на сето она што беше ветено во кампањата. Покажавме дека можело поинаку, без да се крадат парите на граѓаните и без да се ставаат под тепих проблемите. Заеднички со вас испишуваме нови стандарди во работењето и во креирањето на новиот буџет и проектите за идната година, истакна градоначалникот на општина Кисела Вода, Орце Ѓорѓиевски, при обраќањето во кампањата „Промените на дело“ .
Градоначалникот Ѓорѓиевски во текот на своето обраќање најави и проекти што се планирани за следната година.
„Дадовме приоритет на граѓаните и на нивните проблеми. Преку отворениот повик за проектирање на буџетот добивме одлични предлози, од кој голем дел се вклучени во буџетот за оваа година. Оливер Стојановски побара решавање на проблемот со водоснабдување во Стаклара. Со огромно задоволство можам да соопштам дека овој проект е дел од новиот буџет и оваа година ќе почне со реализација на ова барање. Жителите на Припор побараа асфалтирање на 7 улици и ова исто така ќе биде реализирано оваа година. Оваа година ќе направиме и многу други проекти. Целосна реконструкција на мостот ‘Киро Фетак’ во Драчево, реконструкција на патната инфраструктура во 11 Октомври – бараки. Реконструкција на улици и во другите населени места, но и уште една нова, трета по ред градинка во Кисела Вода, во Расадник, како и уште над 120 нови проекти за наредната година во нашата општина“, рече Ѓорѓиевски.
Градоначалникот Ѓорѓиевски им порача на граѓаните дека промените се случуваат и дека општина Кисела Вода ќе оди напред.
„Општина Кисела Вода ќе оди напред. Не ги забораваме проблемите на народот и со сите сили се бориме да создадеме заедничка иднина. Покажуваме разлика и решаваме децениски барања на нашите сограѓани. Промените се случуваат во Кисела Вода и вие го забележувате тоа. Промените на дело“, додаде тој.
Исто така, обраќање за кампањата „Промените на дело“ имаше и претседателот на ВМРО-ДПМНЕ, Христијан Мицкоски, кој порача дека во општина Кисела Вода ќе се реализираат многу проекти и ќе се решат многу проблеми на граѓаните. Претседателот Мицкоски потсети дека ВМРО-ДПМНЕ на секоја опструкција од власта одговара со многу работа заедно со народот.
„Кога ја баравме вашата доверба, ви ветив дека нема да бегаме од проблемите. Една година потоа ви велам дека заеднички ги решаваме проблемите. И покрај сите кочници и браници што ги поставува Владата, ние одиме напред и заеднички создаваме иднина. Изминатата година во општина Кисела Вода се инвестираа повеќе од 200 милиони евра. Оваа година следува офанзива во реализација на капиталните проекти во висина од 150 милиони денари. И, конечно, ќе почне да се гради нов мост на улицата Киро Фетак во населбата Драчево. Ќе се изградат многу други проекти, ќе се решат многу други проблеми. Има разлика. Ние на секоја опструкција одговараме со многу работа и секогаш заедно со народот, без поделби, без омраза, со многу посветеност и желба за заедничка иднина. Промените на дело“, вели Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температури до 27 степени и можност за локален дожд
Времето денеска ќе биде сончево со мала до умерена облачност. Од пладневните часови во западните делови ќе има услови за локален дожд. Ќе дува слаб до умерен ветер од северен правец. Минималната температура ќе биде во интервал од 7 до 15, а максималната ќе достигне од 20 до 27 степени.
Во Скопје времето ќе биде сончево со мала до умерена облачност и со слаб ветер од северен правец. Минималната температура ќе се спушти до 14, а максималната ќе достигне до 26 степени.
Од УХМР информираат дека утре претежно во западните делови од земјата ќе има појава на краткотраен дожд. Потоа времето ќе биде сончево со мала до умерена облачност. Дневната температура ќе биде во постепен благ пораст.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.