Забава
Принцот Хари одговори во врска со негативните коментари на Британците
Принцот Хари возврати на тврдењата дека британската јавност сака тој да замолчи навестувајќи дека не планира да престане да ја споделува својата страна на приказната.
„Има многу луѓе во Британија што ве поддржуваат, има многу луѓе во Британија што се лути на вас и посакуваат да замолчите и да престанете да зборувате за тоа“, рече Том Бредби од Ај-ти-ви во ексклузивно интервју со војводата од Сасекс.
Како одговор, принцот Хари праша: „Да престанам да зборувам за што?“
„На прашањата што ги инициравте во текот на ова интервју не зборувавте за вашето семејство, не зборувавте за печатот, за многу други работи… и мислам дека има луѓе што слушаат и си велат: троши многу време гледајќи назад, а не гледајќи напред“, му рече Том на Хари. Водителот нагласи дека војводата сакал да го напушти кралското семејство и да почне нов живот.
„Постои опасност дека премногу гледате наназад“, продолжи новинарот. „Дали се грижите за себе поради тоа“?

Во одговорот принцот Хари нагласи дека изнесувањето на неговата верзија на настаните било клучно и дека очекува реакција од јавноста за тоа.
„Јас и Меган отсекогаш знаевме дека овие два проекта и документарниот филм за „Нетфликс“ и книгата – едниот е нашата приказна, вториот главно е мојата приказна – се проекти за поглед назад“, објасни Хари.
„Тие беа неопходни, тие беа од суштинско значење за историските факти“, продолжи војводата. „Не сакам моите деца или другите луѓе на таа возраст да растат мислејќи: леле, ова се случило… не, ова не се случило…“
„Ова што го кажувам навистина се случи“.
„Секоја приказна има две страни. Тоа беше болен процес, понекогаш катарзичен, но враќањето на минатото за да може да се направат овие проекти како што треба одзеде многу енергија. И сега има големо олеснување кога двата проекта се завршени, а сега можеме да се фокусираме на гледање напред и возбуден сум поради тоа“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(ФОТО) И на 40 години во врвна форма: Роналдо повторно ги воодушеви фановите
Кристијано Роналдо повторно ги воодушеви фановите со фотографија објавена на Инстаграм, на која позира без маица во црни боксерки, покажувајќи ја одличната физичка форма и на 40-годишна возраст.
„По сауна“, напиша кратко Роналдо под фотографијата направена во теретана. Ова не е првпат фудбалската ѕвезда да објави вакви фотографии, со кои редовно ја истакнува дисциплината, тренинзите и начинот на живот по кои е препознатлив.
View this post on Instagram
Забава
Леонардо ди Каприо никогаш повторно не го гледал „Титаник“
Актерот Леонардо ди Каприо ги шокираше фановите со признанието дека никогаш повторно не го погледнал „Титаник“, филмот што во 1997 година го лансираше во светска слава и ја обележа цела една генерација.
Ди Каприо за тоа зборуваше во разговор со Џенифер Лоренс во емисијата Actors on Actors, пренесува „Варајети“. За време на опуштениот разговор, Лоренс директно го праша: „Дали некогаш повторно го погледна ‘Титаник’?“
Ди Каприо без размислување одговори: „Не. Не сум го гледал.“
Лоренс се изненади и му рече: „Па, треба да го гледаш! Се кладам дека сега би можел да го гледаш, навистина е добар.“
„Јас всушност не ги гледам моите филмови. Ти ги гледаш ли твоите?“ ја праша Ди Каприо колешката.
„Не“, одговори Лоренс низ смеа. „Никогаш не сум снимила нешто како ‘Титаник’. Да сум, сигурно ќе го гледав. Еднаш бев многу пијана и го пуштив ‘American Hustle’. Се прашував: ‘Дали јас сум добра актерка?’ Го пуштив филмот… и не се сеќавам на одговорот.“
Ди Каприо слично признание дал и претходно. Во август, за списанието „Есквајр“, изјави дека ретко ги гледа своите филмови, но дека постои еден исклучок.
„Тоа е ‘Авијатичарот’. Тој филм ми беше особено важен“, рече актерот, присетувајќи се на соработката со режисерот Мартин Скорсезе и на неговиот долгогодишен интерес за ликот на Хауард Хјуз.
Филмот „Титаник“, во режија на Џејмс Камерон, стана еден од најуспешните филмови во историјата, а Ди Каприо во него глумеше заедно со Кејт Винслет.
„‘Титаник’ беше голем експеримент за Кејт и за мене“, изјави Ди Каприо уште во 2016 година. „Не можевме ни да замислиме колку голем ќе стане филмот. Сè тоа нè изненади.“
Тој додаде дека по тој успех морал да забави и да се врати на своите актерски цели.
„Знаев дека од мене се очекува нешто одредено, но сакав да останам верен на себе и на причината поради која воопшто почнав да глумам“, порача Ди Каприо.
Забава
Од февруари ќе се наплаќа пристап до фонтаната ди Треви
Од 1 февруари, туристите ќе мора да платат две евра за да добијат пристап одблиску до фонтаната ди Треви во Рим, една од најпознатите туристички атракции во градот. Бесплатен пристап ќе имаат само жителите на Рим, додека разгледување од далечина ќе остане без надомест.
Градоначалникот Роберто Гвалтиери изјави дека со оваа мерка се очекува годишен приход од околу 6,5 милиони евра. Наплатата е дел од поширок план со кој од 1 февруари ќе се воведат влезници и за уште пет локации во градот, со цена од пет евра.
Фонтаната ди Треви ја посетуваат во просек околу 30.000 луѓе дневно, а градските власти ја оправдуваат мерката со пренатрупаноста и проблемите со џепчии. Само во периодот од 1 јануари до 8 декември, просторот пред фонтаната го посетиле околу девет милиони туристи.
Традицијата на фрлање парички во фонтаната продолжува.

