Свет
Град во Индија почна да тоне, жителите се евакуираат
Во градот Џошимат во северна Индија некои жители беа евакуирани откога во последните неколку недели се појавија алармантни пукнатини во нивните домови.
Досега речиси 600 луѓе од 145 семејства се преместени од своите домови во училишта и хотели по појавувањето пукнатини во повеќе од 750 згради во градот со 20.000 жители.
Индиската организација за истражување на вселената објави дека градот потонал 5,4 сантиметри за 12 дена, помеѓу 27 декември и 8 јануари.
Аншу Рават била во длабок сон на 3 јануари кога слушнала силен звук. Отпрвин била убедена дека сонува, но кога вревата станала посилна, решила да провери што се случува. Надвор таа беше сведок на хаос. Луѓето во паника трчаа наоколу, а некои во рацете ги носеа своите деца завиткани во ќебиња, пишува Би-би-си.
Имаше шпекулации дека хотелот во близина се урнал, но нејзиниот сопруг излегол да провери и открил дека хотелот останал недопрен. Но, нивната куќа претрпе оштетувања, се појавија пукнатини на ѕидовите и терасата. Зашеметена и збунета, 27-годишната Аншу ја грабна својата шестмесечна ќерка и се упати кон покривот заедно со сопругот и другите роднини.
We are extremely worried about #Joshimath. We will continue to destroy ecology all around the Himalayas.
We are incredible! pic.twitter.com/9j5xfzD61e
— Arun Bothra 🇮🇳 (@arunbothra) January 11, 2023
Експертите тврдат дека градот е во опасност да потоне поради непланската градба и немањето соодветен систем за одводнување. Сè уште не се знае колку евакуирани семејства ќе треба да останат во привремено сместување. Надлежните потенцираат дека за сега приоритет им е спасувањето животи, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.