Свет
Германската министерка за одбрана поднесе оставка поради порака за војната во Украина

Германската министерка за одбрана, Кристин Ламбрехт, поднесе оставка по серијата критики за германскиот одговор на руско-украинската војна.
Како што јави германската агенција ДПА, Ламбрехт ја поднела оставката до германскиот канцелар Олаф Шолц.
Според германските медиуми, овој потег следувал откога во петокот медиумите објавија дека шефицата на германската одбрана има намера да поднесе оставка по контроверзната новогодишна порака што ја објави на социјалните мрежи. Во пораката таа рече дека поради конфликтот во Украина, имала „многу посебни искуства“ и дека војната ѝ дала можност за „многу средби со големи и интересни луѓе“.
Германскиот дневен весник „Тагесшпигел“ напиша жесток коментар со наслов: „Ламбрехт повеќе не може да биде министер“, во кој се наведува дека за време на својот говор политичарката ја прикажала војната како „возбудливо професионално искуство“.
„Билд“ се осврна на нејзиниот говор и напиша дека нејзината порака ја посрамоти Германија. „Шпигел“ изјави дека ова обраќање, ако се види контекстот на војната во Украина, е „несоодветно и непријатно“.
Членовите на опозициската Христијанско-демократска унија (ЦДУ) ја нарекоа пораката нечувствителна и ја повикаа да поднесе оставка.
Ламбрехт е член на централно-левичарската Социјалдемократска партија (СПД) на канцеларот Олаф Шолц. Впрочем, Шолц изјави дека има доверба во својот министер, пишува „Дојче веле“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.