Свет
Бајден опуштен поради аферата „Корвета“, вели дека не се кае
Американскиот претседател Џо Бајден е во центарот на идентична афера во која се најде неговиот претходник Доналд Трамп.
Кај Бајден се пронајдени и доверливи документи.
Претседателот Џо Бајден изјави во четвртокот дека не жали поради проблематичното ракување со доверливите документи што беа откриени во неговиот дом и поранешна канцеларија во Вашингтон.
Тој го кажа ова за време на турнејата низ Калифорнија за процена на штетите предизвикани од серијата снежни бури, а по говорот, не можеше да избегне да биде прашан од новинарите за аферата што ја тресе цела Америка.
„Знаете, она што искрено ме мачи е што имаме сериозен проблем за кој зборуваме овде. Зборуваме за тоа што се случува, а луѓето навистина не разбираат зошто не ми поставувате прашања за тоа“, рече Бајден мислејќи на штетата.
„Откривме дека неколку документи се поднесени на погрешно место. Веднаш ги предадовме во Архивот и во Министерството за правда. Целосно соработуваме и со нетрпение очекуваме бргу да го решиме ова прашање. Мислам дека нема да најдат ништо таму. Не се каам. Следам што ми кажаа адвокатите. Токму тоа го правиме“, рече Бајден.
Белата куќа соопшти дека адвокатите на Бајден откриле доверливи документи и официјални записи во четири прилики – на 2 ноември во канцелариите на Центарот „Пен Бајден“ во Вашингтон, како и во гаражата на претседателот во Вилмингтон и на 11 и 12 ноември во канцеларијата на претседателот.
Бајден претходно го критикува својот претходник дека има толку чувствителни досиеја.
„Кога видовте фотографија од строго доверливи документи поставени на подот во Мар-а-Лаго, што си помисливте гледајќи ја таа слика?“, го праша новинарот.
„Како можеше да се случи тоа, како може некој да биде толку неодговорен. И помислив кои податоци се таму што може да ги компромитираат изворите и методите. Тука мислам на имињата на луѓето. Тоа е целосно неодговорно“, рече Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ ја предупреди Полска за планот да престане да прифаќа барања за азил
Контроверзниот нов план на Полска да ги одврати мигрантите кои доаѓаат преку границата со Белорусија ризикува да ги прекрши обврските на земјата за човекови права, предупреди денеска Европската унија.
Според полскиот предлог презентиран од премиерот Доналд Туск во саботата, Варшава ќе воведе нова миграциска стратегија која вклучува „привремена територијална суспензија на правото на азил“.
Белорускиот претседател Александар Лукашенко, еден од најблиските сојузници на рускиот претседател Владимир Путин, активно ги охрабруваат потенцијалните баратели на азил да дојдат во земјата, каде што неговите безбедносни сили ги носат до полската граница и одбиваат да дозволат да ги вратат.
Европа
Русија: Евакуиравме над 30.000 луѓе од пограничните области со Украина
Околу 30.400 луѓе, меѓу кои речиси 8.000 деца, се евакуирани од областите што граничат со Украина поради гранатирање и напади, изјави рускиот комесар за човекови права.
Комесарката Татјана Москалкова во интервју за порталот Аргументи и Факти изјави дека сите евакуирани се сместени во речиси 1.000 центри за привремено сместување низ Русија.
Украина, која беше нападната од Русија во февруари 2022 година, возврати со гранатирање и напади врз руските погранични области, при што војската тврди дека нападите се насочени кон инфраструктурата клучна за воените напори на Москва.
Украинските сили уште во август започнаа напад и упаднаа во регионот Курск, преземајќи контрола над десетици места. Оттогаш, тие ги задржаа повеќето од нивните позиции.
Москалкова рече дека и се пожалиле дека сега не се знае каде се наоѓаат повеќе од 1.000 руски државјани на Курск и дека се верува дека биле однесени од украинските воени сили.
Свет
СЗО одобри вакцина против мајмунски сипаници за тинејџери
Светската здравствена организација објави дека ја одобрила вакцината против мајмунски сипаници на компанијата „Бавариан Нордик“ за адолесценти на возраст од 12 до 17 години – возрасна група која се смета за особено ранлива на болеста, што предизвика голема глобална загриженост.
Во август, Светската здравствена организација ги прогласи мајмунските сипаници за глобален јавно здравствен проблем по втор пат во две години, откако нов тип на вирус се прошири од Демократска Република Конго во соседните земји.
Во септември, агенцијата на Обединетите нации ја одобри употребата на оваа вакцина за возрасни, олеснувајќи го пристапот до вакцината во тешко погодените африкански земји.
Децата, адолесцентите и луѓето со ослабен имунолошки систем се особено подложни на мајмунски сипаници, вирусна инфекција која обично предизвикува симптоми слични на грип и кожни лезии исполнети со гној.
Мајмунската сипаница е таканаречена вируснаболест која може да се пренесе од заразено животно на човек, а симптомите се слични на оние кои се заразени со сипаници.
Последната одлука на СЗО дојде откако Европската унија го одобри овој лек како вакцина за адолесценти во септември.