Свет
Аналитичарот Бандов: Војната во Украина не завршува, нè чекаат нови кризи
Аналитичарот Горан Бандов, правник и политиколог, професор по меѓународни односи и дипломатија од Универзитетот во Загреб, во „Ново дан“ на телевизијата „Н1“ зборуваше за тоа што може да се случи во светот во 2023 година, а предупреди и на опасноста што се заканува поради климатските промени.
„Кога зборуваме за војната во Украина, се чини дека таа не завршува. Ова ќе предизвика нови енергетски кризи. Зависноста на Европа од рускиот гас е намалена, но не целосно. Енергетските кризи ќе бидат многу пошироки. Тука е и прашањето за глобалната исхрана. Руската блокада на извозот на жито од украинските пристаништа предизвика огромна криза и во другите региони. Вакви работи можеме да очекуваме и оваа година“, вели тој додавајќи дека Турција одлично ја заврши работата како посредник во преговорите за житото и поради нивната добра работа, се отворија пристаништата.
„Веќе знаеме некои механизми, а најопасно може да биде прашањето за климатските промени, воопшто не сме се подготвиле за нив. Гледаме значителни климатски шокови, од силен бран студ, поплави“, вели тој.
„Луѓето што се победници на сегашниот систем не би сакале промени. Секоја транзиција е скапа додека не се случи. Кога ќе се случи, станува секојдневие и се навикнуваме“, вели тој за одбивањето некои да се согласат на конкретни чекори, кои би ги ублажиле последиците од климатските промени, кои, според него, се многу радикални.
Бандов објаснува и како еден степен на глобалната температура значи многу бидејќи може да зависи од тоа дали одреден вид жито ќе напредува во одредени области, а од тоа повторно зависи дали ќе има некои миграции.
„Климатските промени се ужасно опасни и тоа се случува. Ние правиме малку од тоа. Има одлични документи на ОН, како Агенда 20-30. Секогаш е прашање на изводливост“, вели тој, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.
Свет
Имран Кан обвинет за убиство на полицаец за време на насилните протести на неговите приврзаници
Пакистанската полиција го обвини затворениот поранешен премиер на земјата Имран Кан за обид за убиство поради смртта на полицаец за време на насилните протести на неговите приврзаници минатиот викенд, соопштија денеска официјални лица.
Официјални лица рекоа дека Кан, кој е во затвор од 2023 година, е обвинет за поттикнување луѓе на насилство.
Полицијата соопшти дека Кан, кој ги повикал своите следбеници да се соберат во негово име и да побараат негово ослободување од затвор, наводно ги поттикнал своите поддржувачи, што довело до убиство на полицаец, пренесе АП.