Свет
Британското разузнавање: Русите, најверојатно, го отстранија клучниот командант
Британското Министерство за одбрана во дневниот извештај за ситуацијата во Украина наведува дека руските власти, најверојатно, го разрешиле генерал-полковникот Михаил Теплински, клучниот командант на оперативните сили во Украина.
Теплински водеше релативно успешно руско повлекување од западниот брег на Днепар во ноември 2022 година, а многумина во Русија го пофалија како способен командант.
Latest Defence Intelligence update on the situation in Ukraine – 24 January 2023
Find out more about the UK government's response: https://t.co/IWggDzuVSj
🇺🇦 #StandWithUkraine 🇺🇦 pic.twitter.com/H5vdlajbd0
— Ministry of Defence 🇬🇧 (@DefenceHQ) January 24, 2023
Останува сомнително дали Теплински ја задржал својата дополнителна функција како шеф на ВДВ, руските воздухопловни сили, според Министерството.
Можно е да е разрешен поради улогата што ВДВ ја играше на бојното поле. Имено, ВДВ честопати биле испраќани на линијата на фронтот и ја преземаа функцијата што традиционално ја имаше механизираната пешадија.
Отстранувањето на Теплински е веројатно уште еден показател за поделби меѓу водачите на операцијата на Русија во Украина бидејќи новоименуваниот началник на Генералштабот на руската армија, Валери Герасимов, се обидува да го потврди својот авторитет, пренесе „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ја откажа посетата на Германија поради ураганот Милтон
Американскиот претседател Џозеф Бајден го одложи планираното патување во Германија и Ангола за да остане во Белата куќа поради ураганот Милтон на брегот на заливот на Флорида, соопшти денеска Белата куќа.
Портпаролката на Белата куќа Карин Жан-Пјер рече дека промената е неопходна „со оглед на проектираниот пат и силата“ на бурата.
Таа не прецизираше кога патувањето би можело да биде презакажано. Бајден претходно вети дека ќе оди во Африка за време на неговиот мандат, кој завршува во јануари.
Свет
(Видео) Напaднат унгарскиот премиер Виктор Орбан
Членот на Унгарската демократска коалиција Мартон Џекички денеска го нападна унгарскиот премиер Виктор Обран за време на прес-конференција во Европскиот парламент.
На видеото објавено од Corriere della Sera се гледа како човек, кој обезбедувањето го крева од подот, му вика на премиерот.
🔵#Strasburgo Protesta solitaria durante la conferenza stampa del premier ungherese. Pochi minuti dopo l’inizio, un giovane ha fatto irruzione in sala, si è avvicinato a #Orban urlando parole in ungherese e gettandogli addosso fogli e cartacce. L’uomo è stato subito immobilizzato pic.twitter.com/ajmNhPFQVu
— Rai Radio1 (@Radio1Rai) October 8, 2024
Орбан не е повреден во инцидентот, а обезбедувањето брзо го совлада Џекички и го фрли на подот, по што беше изнесен од собата.
„За колку ја изневери државата, премиере?“, го праша Џекички Орбан додека неговите телохранители го водеа надвор од салата.
Орбан по инцидентот коментираше дека „унгарскиот е директен јазик и дека комуникацијата може да биде груба“, пренесува унгарски Телекс.
„Кога еден политичар ќе му каже на друг дека е негативец, во нашата култура тоа значи „не се согласувам со тебе“, рече Орбан.
Како што потсетува Телекс, Џекички фрлал монети кон Орбан за време на инцидентот во Кеч на почетокот на септември во знак на протест.
Свет
Во експлозија во Пакистан загинаа двајца кинески инженери кои работеа на електрана
Двајца кинески државјани, кои во неделата загинаа во експлозија во близина на меѓународниот аеродром во Карачи, работеле во електрана, соопштија денеска властите.
Ројтерс објави дека тоа е еден од најсериозните напади врз кинески државјани во Пакистан откако бомбаш самоубиец уби пет кинески инженери кои работеа на хидроелектричен проект во март, што го натера Пекинг да го повика Исламабад да преземе построги безбедносни мерки.
Кинеската амбасада во Исламабад и пакистанското Министерство за надворешни работи ја опишаа неделната експлозија како „терористички напад“.