Свет
По тенковите, Украина од Западот ќе бара борбени авиони
За Украина, испраќањето на западните тенкови беше само почеток. По неколкумесечните расправии меѓу западните сојузници, американските и германските тенкови, „Абрамс“ и „Леопард“, треба да се упатат на бојното поле, а украинските воени претставници го насочуваат своето внимание кон следниот чекор во напорите да ги одбијат руските напаѓачи – испораката на модерни борбени авиони.
Разговорите со десетина западни воени функционери и дипломати потврдуваат дека внатрешната дискусија за набавка на борбени авиони на Украина веќе е во тек, а ја промовираат украинските власти со поддршка на балтичките земји.
„Следниот природен чекор би биле борбените авиони“, изјави за „Политико“ дипломат од северноевропска земја.
Дебатата, веројатно, ќе се покаже уште поспорна од онаа за тенковите.
Вашингтон му порачал на Киев дека испораката на авиони во моментот е невозможна, рече цитираниот дипломат, додавајќи: „Постои црвена линија за тоа, во минатото имавме црвена линија за ‘Химарс’, но тоа се промени. Потоа беа тенковите, па и тоа се смени“.
Високиот претставник на една европска сила ја нагласи и брзината со која ескалира испораката на западното оружје:
„Авионите денес се сосема незамисливи, но дискусијата за тоа може да биде актуелна за две-три недели“.
Министрите за одбрана на сојузниците на Украина треба да одржат нов самит во февруари во американската воена база „Рамштајн“ во југозападна Германија, каде што се очекува во фокусот да бидат авијацијата и воздушната поддршка.
Холандскиот министер за надворешни работи, Вопке Хоекстра, минатата недела пред холандскиот парламент изјави дека неговиот кабинет ќе ја разгледа можноста за испраќање борбени авиони „Ф-16“ доколку Киев ги побара: „Ние сме со отворен ум, нема табуа“.
Тоа беше по неодамнешните коментари на словачкиот министер за надворешни работи, Растислав Качер, кој за „Интерфакс Украина“ изјави дека неговата влада е подготвена да му ги предаде советските ловци „миг-29“ на Киев и дека разговарал со партнерите од НАТО и со украинскиот претседател Володимир Зеленски за тоа како да го спроведе.
Другите високи политичари се значително помалку наклонети кон оваа идеја. Германскиот канцелар Олаф Шолц ја отфрли можноста за испорака на борбени авиони во средата наведувајќи ја потребата да се спречи понатамошна воена ескалација: „Нема да има испорака на борбени авиони во Украина. Дури и американскиот претседател претходно јасно го кажа тоа“.
Европските сојузници на Украина предвидуваат дека конфликтот би можел да трае уште три до пет години или подолго.
„Многу земји на Западот мислеа дека ќе имаше силна руска реакција, вклучително и нуклеарна, доколку на Украина ѝ го испорачавме целиот арсенал што беше побаран во првата фаза од војната. Тоа би можело да се нарече процес на постепенa адаптација на Путин“, изјави дипломатот за „Политико“.
Стратегијата е бавен, но постојан нагорен тренд во поддршката на Западот, од противтенковски оружја Javelin и преносливи системи за воздушна одбрана, како што се Stingers, до HIMARS, а од неодамна и ракетите земја-воздух Patriot, тенкови и оклопни возила. Испораката на авионите затоа е само прашање на време, предвиде истиот дипломат.
Британскиот министер за надворешни работи, Џејмс Клеверли, се состана со високи американски претставници во Вашингтон минатата недела за да разговараат за идната воена помош за Украина. Тој одби да каже дали разговорите вклучувале испраќање борбени авиони, касетни бомби или проектили со долг дострел.
„Нема да шпекулирам каква би била природата на идната воена поддршка. Нашата поддршка еволуира како што еволуира борбата и како што еволуираа барањата на Украинците“, рече Клеверли.
Како и да е, како островска држава, Велика Британија ќе биде повеќе неволна да испрати авиони во Украина отколку кога станува збор за тенкови и за друга воена опрема за копнено војување, според британските власти. Исто така, постои загриженост дека јавната поддршка може да ослаби во услови на понатамошна ескалација.
Европските дипломати се согласуваат дека Западот првин ќе сака да ги исцрпи сите други опции за воздушна поддршка, вклучително и повеќе нападни беспилотни летала и евентуално ракети со долг дострел. Но, официјалните лица исто така ги посочија неодамнешните одлуки на САД како доказ дека Вашингтон се подготвува за дебатата за авионите. Во јули Претставничкиот дом на САД одобри 100 милиони долари за обука на украински пилоти за управување со американски борбени авиони, а во октомври Украина објави дека група од неколку десетици пилоти е избрана за обука на западни борбени авиони.
Во август, Колин Кал, американскиот потсекретар за одбранбена политика, им рече на новинарите дека „не е незамисливо западните авиони да бидат испратени во Украина во одреден момент“.
Јуриј Сак, советник на украинскиот министер за одбрана, Олексеј Резников, рече дека приоритет на Киев по тенковите е да обезбеди авиони и дека изговорите на сојузниците не се непремостливи. Тој верува дека Западот сега е убеден во потребата внимателно, но доследно да ја зголемува софистицираноста на своите воени донации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Автобус со повеќе од 50 туристи излета од пат во САД, има загинати и повредени
Тешка сообраќајна несреќа се случи во американската држава Њујорк. Туристички автобус кој се враќал од Нијагарините водопади кон Њујорк излетал од патот во канал и се превртел. Во автобусот имало повеќе од 50 патници, а полицијата потврдила дека има повеќе смртни случаи и повредени.
Mercy Flight landing at URMC and delivering a patient in a stretcher at 1:38pm just now. Unconfirmed if this in incident is related. State police confirms a tour bus crash with 52 people on board on the thruway. @SPECNews1ROC https://t.co/XN5fgjdGhY pic.twitter.com/s4jAJcvkiS
— Dana Damiani (@DanaD_onTV) August 22, 2025
Несреќата се случила на автопатот I-90 во близина на Пембрук, град на околу четириесет километри источно од Бафало.
„Според моменталните информации, има повеќе смртни случаи, заробени во автобусот и повредени“, изјави Џејмс О’Калаган, портпарол на полициската управа на Њујорк.
На местото на несреќата веднаш беа испратени повеќе амбулантни возила и медицински хеликоптери за да ги пренесат повредените до најблиските болници. Според О’Калахан, повеќето патници биле од индиско, кинеско и филипинско потекло, поради што на местото на несреќата биле повикани преведувачи. Возачот на автобусот ја преживеал несреќата.
фото: принтскрин
Свет
(Фото) Трамп: Путин сака да дојде на Светското првенство во САД
Американскиот претседател Доналд Трамп денес изјави дека рускиот претседател Владимир Путин би можел да присуствува на Светското првенство во фудбал во 2026 година, кое ќе се одржи во САД, Канада и Мексико. Тој ја спомена можноста за време на средбата со претседателот на ФИФА, Џани Инфантино, во Овалната соба, објави „The Hill“.
Трамп ги разговараше деталите за организацијата со Инфантино, потврдувајќи дека ждрепката за турнирот ќе се одржи во Центарот Кенеди во декември. Во еден момент, тој посегна во фиоката на своето биро и извади фотографија од себе и Путин.
„Тукушто добив слика од некој што навистина сака да се обложува тука. Тој беше полн со почит кон мене и нашата земја, но не толку кон другите. Ќе го потпишам ова за него. Но, добив една и помислив дека сите би сакале да ја видите. Тоа е човек по име Владимир Путин“, рече Трамп, покажувајќи ја фотографијата.
„Кој верувам дека ќе дојде, во зависност од тоа што ќе се случи. Можеби ќе дојде, а можеби и не, во зависност од тоа што ќе се случи. Има многу што се случува во следните неколку недели. Но, мислев дека е убава слика од него. Во ред, од мене, но убава слика од него. Затоа беше многу убаво што ми ја испратија, во ред“, додаде Трамп.
Тој не прецизираше дали Путин ќе присуствува на игрите во Соединетите Држави, Канада или Мексико. Се очекува Соединетите Американски Држави да бидат домаќини на поголемиот дел од повеќе од 100-те закажани фудбалски натпревари.
Фотографијата што ја покажа Трамп е направена пред една недела во Алјаска, каде што двајцата лидери се сретнаа за да разговараат за завршување на војната во Украина. Трамп, исто така, потврди во петокот дека неодамна повторно разговарал со Путин и го изразил своето незадоволство од нападот на Русија врз американска фабрика во Украина во четвртокот.
„Му реков дека не сум среќен поради тоа. И не сум среќен поради ништо што има врска со таа војна“, рече тој. „Воопшто не сум среќен. Ќе видиме што ќе се случи. Мислам дека во следните две недели ќе откриеме каде води тоа и подобро е да бидам многу среќен.“
Претседателот на САД, исто така, разговараше со Путин претходно оваа недела, за време на состанокот со европските лидери и украинскиот претседател Володимир Зеленски.
По тој повик, Трамп рече дека ќе работи на организирање билатерална средба меѓу Путин и Зеленски. Од друга страна, Русија оттогаш испрати сигнали за својата намера да ги забави преговорите со Украина, изразувајќи сомнежи за раните изгледи за постигнување мировен договор.
фото: принтскрин
Свет
Прогласен глад во Газа; Нетанјаху: Тоа е лага
Канцеларијата на израелскиот премиер Бенјамин Нетанјаху изјави дека прогласувањето глад од Обединетите нации во делови од Појасот Газа е „целосна лага“ и „модерна крвна клевета“. Крвната клевета е антисемитски мит дека Евреите ја користат крвта на децата за верски цели.
„Израел не води политика на гладување. Израел води политика на спречување на гладување. Единствените кои намерно се изгладнуваат во Газа се израелските заложници“, се вели во соопштението на Канцеларијата на премиерот објавено на Икс.
Во соопштението се вели дека извештајот на ОН ги игнорирал хуманитарните напори на Израел и не го споменал падот на цените на маслото, шеќерот, солта, брашното, квасецот и друго во Газа, што Канцеларијата на Нетанјаху го припишува на влегувањето на хуманитарната помош во Појасот Газа. Изворот на податоците за цените е нејасен.
Today, prices have plunged because of Israel’s surge in humanitarian aid in Gaza.
The report says nothing about the collapse in prices. pic.twitter.com/5HoIF39OML
— Prime Minister of Israel (@IsraeliPM) August 22, 2025
Повикувајќи се на податоци од координаторот за владини активности на териториите при Министерството за одбрана, Канцеларијата на премиерот наведува дека Израел дозволил милиони тони помош да влезат во Газа откако започна војната со нападот на Хамас на 7 октомври 2023 година.
Во соопштението се споменува и дека контроверзната хуманитарна фондација за Газа, која е поддржана од САД и Израел, како и невладини организации кои работат со израелска поддршка, им послужиле милиони топли оброци на жителите на Газа.
Од друга страна, канцеларијата на Нетанјаху се повикува на податоци од ОН дека во јули „од собраните 1.012 камиони со помош, само 10 стигнале до магацинот; останатите биле ограбени пред дистрибуцијата“.
Канцеларијата, исто така, ги обвинува ОН дека одбиваат да достават „стотици палети со храна“ од преминот Керем Шалом.
Во соопштението се признава дека имало „привремен недостиг“ на помош во Газа „кој Израел го надминал со воздушни испораки, поморски пратки, безбедни транспортни патишта и дистрибутивни точки на Фондацијата управувани од американски компании“.
Според соопштението, недостигот е предизвикан од „систематска кражба од страна на Хамас“.
Во соопштението не се споменува единаесетнеделната блокада на помошта што ја наметна Израел во Појасот Газа по пропаѓањето на најновиот договор за прекин на огнот и размена на заложници на 2 март.
ОН официјално прогласи глад во Газа
ОН денес прогласи глад во Појасот Газа, велејќи дека „можел да се избегне“ доколку не била „систематската израелска опструкција“.
фото: принтскрин
Попладне дожд и грмежи во западните делови
Денеска времето во земјава ќе биде променливо облачно со сончеви периоди, а попладневните часови носат локален пороен дожд и ретки...
(Видео) Автобус со повеќе од 50 туристи излета од пат во САД, има загинати и повредени
Тешка сообраќајна несреќа се случи во американската држава Њујорк. Туристички автобус кој се враќал од Нијагарините водопади кон Њујорк излетал...
(Фото) Трамп: Путин сака да дојде на Светското првенство во САД
Американскиот претседател Доналд Трамп денес изјави дека рускиот претседател Владимир Путин би можел да присуствува на Светското првенство во фудбал...
Пронајден возачот кој со автомобил удри во девојчиња на тротинет и побегна од местото на несреќата
Денеска во СВР Скопје бил извршен службен разговор со Ф.Б. од село Света Петка, скопско. На 21.08.2025 во 14:30 часот...
Лавров за средбата Зеленски-Путин: Зеленски рече „не“ на сè
Украинскиот претседател Володимир Зеленски денеска изјави дека Русија прави сè што може за да спречи средба меѓу него и рускиот...
Дојранското Езеро пак ќе се полни: со соларни панели Владата ќе ги намалува трошоците за струја од 2,5 милиона евра годишно на хидросистемот „Ѓавато“
По неколкугодишен прекин, Дојранското Езеро повторно ќе се полни со свежа вода преку хидросистемот „Ѓавато“. Премиерот Христијан Мицкоски денес од...
Згаснаа животите на две девојчиња од Кичевско, се возеле со четирицикл и излетале од патот
Синоќа на локален пат во селото Колибари, Кичевско, се случи трагична несреќа со четирицикл. 15-годишно девојче од Колибари, управувајќи го...
Документацијата за Стоматолошката комора стигна во рацете на Обвинителството
Министерството за здравство соопшти дека целокупната документација и наодите од извештаите на комисиите што вршеле надзор над работата на Стоматолошката...
Поместени границите во ортопедската трансплантација – извршена најсложената трансплантација на коска на Клиниката за ортопедија
На Универзитетската клиника за ортопедија успешно е изведена најсложената трансплантација досега, со што се поместени границите на современата ортопедска хирургија...
(Видео) По десет дена борба, дождот го изгасна пожарот кај Јасен
Дождот кој заврна пред 7.00 часот утрово и врнеше нешто повеќе од два часа на подрачјето на ловиштето Јасен, помогна...
Отворена истрага: уапсен 27-годишен скопјанец за детска порнографија
Секторот за компјутерски криминал при МВР до обвинителството поднесе кривична пријава против Ф.М.(27) од Скопје, за сторено кривично дело „Производство...
Ким Џонг-ун на колена: првпат призна дека војници на Северна Кореја загинале во Русија
Севернокорејскиот лидер Ким Јонг Ун им оддаде почит на војниците кои загинаа борејќи се на страната на Русија во војната...
Зеленски: Мора да се изврши притисок врз Путин, тој не разбира ништо, освен сила
Украинскиот претседател Володимир Зеленски изјави дека мора да се изврши притисок врз рускиот претседател Владимир Путин да ја заврши војната....
Предлогот на Мицкоски за повереници е најава за враќање на авторитаризмот на Груевски, смета ДОМ
Демократска обнова на Македонија (ДОМ) реагира, како што велат, со огромна загриженост на вчерашната изјава на премиерот Христијан Мицкоски дека,...
Свечено отворени 64. Струшки вечери на поезијата
Со палење на фестивалскиот оган и читање на Константиновата Т`га за југ вчера вечер во Домот на поезијата во Струга...
(Видео) Силниот ветер ја влоши состојбата со пожарот во „Јасен“
Состојбата со пожарот во ловиштето „Јасен“ попладнево значително се влоши поради силниот ветер, информира директорот на Дирекцијата за заштита и...
Министерството за здравство формира независна меѓународна комисија по изјавата на Кедев за непотребни кардиолошки интервенции
Министерот за здравство, Азир Алиу, најави формирање комисија со експерти од три различни земји за проверка на работењето во приватните...
Тошковски го суспендирал, а Чадиева го вратила на работа командирот кој пукаше со калашников – ВМРО-ДПМНЕ го објави решението по прозивките на СДСМ
Командирот од Ропотово кој пукаше со калашников од балкон и беше суспендиран, повторно е на работа. СДСМ денес го критикуваше...
Кривична за поранешни директори на Пошта поради незаконски набавки и штета од 32.500 евра
Полицијата поднесе кривична пријава против В.С. и Б.А. – поранешни генерални директори на АД Пошта, поради сомнение за несовесно работење...
Лажни налози и злоупотреба на печат – пријавен раководител од Шуто Оризари за измама од 3,6 милиони денари
Полицијата расчисти случај во врска со измама во службата, при што поднесе кривична пријава против Д.А. (51) вработен како раководител...
