Свет
ЕУ го повикува Израел да не користи смртоносна сила како одговор на нападите
Шефот на европската дипломатија, Жозеп Борел го повика Израел да не користи смртоносна сила освен во „крајна нужда“ како одговор на денешните и вчерашните палестински напади во кои загинаа седум, а беа ранети 12 лица.
Денес две лица беа ранети во пукање во нов напад во источен Ерусалим, соопшти утрото израелската полиција и го оквалификува како „терористички напад“ извршен од 13-годишно дете, само еден ден по смртоносниот напад на синагога во истиот град во кој седум луѓе загинаа, а 10 беа ранети.
Нападите ги осудија сојузниците на Израел и некои арапски земји, а 42 лица беа приведени на сослушување во истрагата.
„Европската унија целосно ги разбира легитимните безбедносни грижи на Израел, кои дополнително се оправдуваат со последните терористички напади, но треба да се нагласи дека смртоносната сила не се користи освен како последно средство, кога е неизбежно да се заштитат животи“, рече Борел.
Борел тврди дека Унијата е загрижена поради зголемената тензија во Израел и на палестинските територии и ги повикува двете страни да направат се’ што е можно за да се смири моменталната ситуација и да започнат координирани акции за да се спречат нови напади и насилство.
Тој исто така додава дека во четвртокот во Џенин, на Западниот Брег, во судирите со израелските војници загинале девет Палестинци, а уште 20 се ранети, додека Израел вели дека операцијата во Џенин била спроведена за апсење на членови на милитантната група Исламски џихад.
Во истото соопштение за печатот, Борел го потсети Израел за фактот дека минатата година на Западниот Брег, повеќе од 150 луѓе, меѓу кои 30 деца, беа убиени во конфликт со израелските сили.
Тој потоа рече дека Унијата е „згрозена од грозоморниот терористички атентат во петокот на луѓето пред синагогата и денешниот напад во Источен Ерусалим“.
„ЕУ цврсто ги осудува овие бесмислени акти на насилство и омраза“, изјави Борел и повика на обновување на мировните преговори.
Тој апелираше и до двете страни да не реагираат на провокации.
Заедно со САД, Јордан и Египет, арапските земји кои потпишаа мировни договори со Израел, исто така, го осудија нападот на синагогата, како и Обединетите Арапски Емирати, една од неколкуте арапски држави кои ги нормализираа односите со Израел пред две години.
Од друга страна, Исламски џихад го пофали палестинскиот напад врз синагогата, но не презеде одговорност за него.
Либанската шиитска група Хезболах во саботата го поздрави нападот врз синагогата, а палестинското движење Хамас, кое е на власт во Појасот Газа, го поздрави како „одговор на злосторството во Џенин и како природен одговор на криминалните дејствија на окупаторите“.
Вчера, САД го осудија „очигледниот терористички напад“ на синагогата, а заменик портпаролот на Стејт департментот Ведант Пател им рече на новинарите дека американските власти се во контакт со нивните израелски колеги.
„Тоа е апсолутно страшно. Нашите мисли, молитви и сочувство се упатуваат до загинатите во овој ужасен чин на насилство. Најостро го осудуваме овој бесрамен терористички напад. Нашата посветеност на безбедноста на Израел останува цврста“, рече Пател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото) „Ова не е Октоберфест“ – Германски политичар критикуван од тоа што направи на погребот на папата
Откако објави селфи на социјалните мрежи на кое се гледа како се смее пред погребот на папата Франциск во Ватикан, баварскиот премиер Маркус Зодер се соочи со критики.
„Тукушто слетав во Рим: сега сме во конвој со германскиот претседател Франк-Валтер Штајнмаер на пат кон Ватикан за погребот на папата Франциск“, објави Маркус Зодер на „X“ заедно со фотографија на која се смее.
Ова предизвика бројни реакции и критики.
„Несоодветно е да се прават селфиња на погреб. Ова не е Октоберфест. Треба да бидеме среќни што Зедер нема ќебап во рака“, напиша германската политичарка Мари-Агнес Штрак-Цимерман (ФДП).
Gerade in Rom gelandet: Nun geht es im Konvoi mit Bundespräsident Frank-Walter Steinmeier in den Vatikan zu den Trauerfeierlichkeiten für den verstorbenen Papst #Franziskus. pic.twitter.com/FgbiwUVSNW
— Markus Söder (@Markus_Soeder) April 26, 2025
Фотографијата на Зодер беше критикувана и од многу корисници на социјалните мрежи.
Покрај тоа, Зодер објави серија фотографии пред и по погребот на папата, што доведе до тоа многумина да го обвинат дека се однесува како да дошол на забава, а не на погреб.
View this post on Instagram
„Многу трогателни моменти во Рим непосредно пред почетокот на погребот. Папата Франциск многу ќе ни недостига. Трогателно е да се види колку луѓе се собираат тука на плоштадот ‘Свети Петар’ во Ватикан и низ целиот свет пред телевизорите за да му оддадат последна почит“, напиша тој во еден од своите објави денес.
Свет
Каде е Кралот Чарлс? Отсуството од погребот на папата Франциск ја откри вековната тајна на британската круна
Додека државни лидери, кралски височества и високи црковни великодостојници денеска му оддаваа последна почит на папата Франциск во Ватикан, отсуството на британскиот крал Чарлс привлече особено внимание и отвори бројни прашања: зошто монархот не присуствуваше на церемонијата?
Иако кралот Чарлс важи за еден од највлијателните светски лидери, неговото отсуство не е случајно – тоа е диктирано од вековна традиција и строги црковни протоколи што датираат уште од времето на кралот Хенри VIII. Како врховен поглавар на Англиканската црква, британскиот монарх не може да учествува на настани организирани од Римокатоличката црква во својство на крал.
Историските корени на овој став водат до 1534 година, кога кралот Хенри VIII ја основа Англиканската црква поради одбивањето на папата Климент VII да му дозволи развод. Оттогаш, секој британски владетел го носи статусот Врховен гувернер на Англиканската црква, а надбискупот на Кентербери е нејзин главен духовен водач.
Иако кралот Чарлс во минатото лично се сретнал со папата Франциск, неговото отсуство од денешната церемонија е во согласност со долгорочната политика на британската круна. Истата практика ја следеше и кралицата Елизабета II, која никогаш не присуствуваше на погреб на папа.
Во 2005 година, за време на погребот на папата Јован Павле II, тогашниот принц Чарлс присуствуваше како личен претставник на кралицата, непосредно пред сопствената венчавка со Камила. Овојпат, пак, кралското семејство одлучи да го почитува традиционалниот протокол, па на церемонијата во Ватикан присуствуваше принцот Вилијам.
Вреди да се напомене дека кралот Чарлс беше последниот светски лидер кој се сретна со папата Франциск, само две недели пред неговата смрт, за време на државната посета на Италија. Со својата одлука да не присуствува, кралот уште еднаш ја истакна автономијата на Англиканската црква и важноста на почитувањето на историските традиции.
Свет
Убиени 10 лица, половина од нив деца во израелскиот напад на Газа
Најмалку 10 лица, меѓу кои три жени и пет деца, загинаа утрово во израелски воздушен напад врз трикатна зграда во западниот дел на градот Газа. Болницата Шифа, која ги прими телата, потврди дека половина од жртвите се деца.
Израелската армија соопшти дека целта на нападот било скривалиште на милитанти на Хамас, но бројот на цивилни жртви предизвика нов бран загриженост за состојбата на теренот.
Во меѓувреме, Хамас информираше дека испратил делегација во Каиро во обид да се обнови прекин на огнот, откако примирјето беше нарушено минатиот месец поради нов бран на израелско бомбардирање.
Од Израел пак, најавија дека воените операции ќе продолжат сè додека не бидат ослободени сите заложници и додека Хамас не биде целосно уништен или разоружан.
УХМР предупредува на пороен дожд, грмежи и можна појава на град
Попладневниот развој на нестабилна облачност донесе пороен дожд, грмежи и засилен ветер во западните планински предели, Охридско-Преспанскиот регион и Пелагонија....
Позитивна средба меѓу Трамп, Зеленски, Макрон и Стармер – Доналд си заминал од Рим
На маргините од испраќањето на папата Франциск во Рим, претседателите на САД, Доналд Трамп, Украина, Володимир Зеленски, Франција, Емануел Макрон...
Вреди: Корупциските досиеја на ДУИ им експлодираат едно по едно
Човекот кој со години го меркаше тронот на Али Ахмети, денес се однесува како да е „паднат од Марс“, а...
(Фото+Видео) Папата погребан со едноставна церемонија во „Санта Марија Маџоре“
Поворката со ковчегот на папата Франциск пристигна во базиликата „Санта Марија Маџоре“ во Рим, каде што поглаварот на Католичката црква...
СДСМ бара оставка од Тошковски, ВМРО-ДПМНЕ им враќа со скандалозни факти
По вооружената пресметка кај Бит Пазар во која животот го загуби 31-годишен маж, СДСМ обвини за распад на безбедносниот систем...
Обвинителството собира докази и видео-снимки за расчистување на убиството кај Бит Пазар
По вчерашната вооружена престрелка во близина на Полициската станица во Бит Пазар, во која животот го загуби 31-годишниот А.С. од...
(ВО ЖИВО) Започна погребната миса за папата Франциск, емоции и солзи на плоштадот Свети Петар
На плоштадот Свети Петар во Ватикан, утрово точно во 10 часот по локално време, започна погребната церемонија за папата Франциск,...
Муцунски: Дипломатскиот пасош не ѝ дава имунитет на претседателката на ДКСК
Актуелната претседателка на Државната комисија за спречување на корупцијата (ДКСК), Татјана Димитровска, која е осомничена за оддавање службена тајна во...
(ВО ЖИВО) Светот се збогува со верскиот лидер, денеска е погребот на папата Франциск
Папата Франциск, кој почина во понеделникот наутро на 88-годишна возраст, денеска ќе биде погребан во Рим. Погребната церемонија се очекува...
Пороен дожд, грмежи и град ќе го погодат Скопје и повеќе градови
Денеска нѐ очекува променливо и нестабилно време со сериозни услови за локално невреме, предупредуваат метеоролозите. Според најавите, во текот на...
Зеленски: Подготвени сме да разговараме за територија, но само под еден услов
Украинскиот претседател Володимир Зеленски изјави денес дека Украина ќе биде подготвена да разговара за територијални прашања како дел од мировните...
„Хаос на улиците и нарушена безбедност, уште колку луѓе треба да загинат за Тошковски да понесе одговорност“, прашува СДСМ
„Последната криминална престрелка на Бит Пазар со смртни последици е уште еден доказ за сериозното нарушување на јавната безбедност и...
(Видео) Кремљ: Украинците убија генерал со автомобил-бомба во Москва
Портпаролот на Кремљ, Дмитриј Песков, ја обвини Украина за денешниот напад со автомобил-бомба во Москва, во кој беше убиен рускиот...
31-годишен скопјанец почина по пукање на Бит Пазар
31-годишен маж од Скопје почина од повредите здобиени при пукање попладнево на Бит Пазар. „Во врска со пукањето на Бит...
Испитувањето на оштетените од пожарот во „Пулс“ треба да почне на почетокот на мај
Испитувањето на оштетените од пожарот во „Пулс“ во Кочани се предвидува да почне од почетокот на мај. Од Обвинителството појаснија...
Крајно време е да престанеме да преговараме за идентитетските прашања со кого било, рече Муцунски
Министерот за надворешни работи Тимчо Муцунски рече дека Владата се стреми кон компромис, кој ќе биде рационален за да се...
Итно зголемување на платите, во спротивно ќе останеме без кадар, порача Пешевски
Според потпретседателот на Сојузот на синдикатите на Македонија за приватниот сектор, Иван Пешевски, приватниот сектор во Македонија е главен двигател...
Судот ѝ го одзеде пасошот на претседателката на антикорупциската комисија, која споделувала службени тајни на „Вибер“
На претседателката на антикорупциската комисија, Татјана Димитровска, одземен ѝ e пасошот откога Кривичниот суд го прифати предлогот за определување мерки за...
Девет лица завршија во притвор поради злоупотреби со инвалидските пензии и за туѓа нега
На деветмина осомничени од уапсените 23 во акцијата за туѓата нега судот им одреди мерка притвор од 30 дена. Едно...
Судот го одобри обвинението за возачот што ја прегази Фросина
Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди....
