Регион
Курти: Србија го оштети Косово за стотици милиони евра
Косовскиот премиер Албин Курти вечерва на Твитер ја обвини Србија дека го оштетила Косово за стотици милиони евра „преку паралелните структури што ги контролира на север“.
„Паралелните структури контролирани од Србија во општините на северот на Косово ги чинеа граѓаните и даночните обврзници во остатокот од земјата 320 милиони евра неплатени сметки за струја и 17 милиони евра сметки за вода од 1999 година“, рече Курти, додавајќи:
„Паралелните структури не дозволуваат наплата на струја и го попречуваат спроведувањето на енергетскиот договор постигнат во дијалогот пред 10 години. Без никакви апели за штедење, потрошувачката на електрична енергија во овие општини се зголеми за 70 проценти во изминатите десет години, делумно поради одгледувањето дрога и ископувањето криптовалути“.
Тој изјави дека Косово изгубило уште 300 милиони евра од 1999 година, поради акциите на Србија, „како што се задржувањето на давачките за пренос и принудувањето на трговците да плаќаат ДДВ на Србија за нашата трговија со електрична енергија“.
Дури и сега, одбивањето на Белград да дозволи трговија меѓу Косово и Србија го чини Косово до 10 милиони евра месечно, напиша Курти, а пренесе Косово онлајн.
Тој изјави дека „граѓаните во северните општини не се виновни за овие неправди“ и дека разбираат и прифаќаат дека плаќањето на основните комуналии како струја и вода е нормално и дека со тоа ќе се овозможат потребните инвестиции за дополнително подобрување на квалитетот на услуги.
„Тие имаат право на пристап до такви услуги и да живеат ослободени од организиран криминал, притисок и закани од нелегални структури предводени од Србија. Мојата влада е посветена на подобрување на квалитетот на животот на сите граѓани на Косово и да им ја обезбеди слободата и безбедноста што ја заслужуваат“ – напиша Курти на Твитер.
Serbia-controlled parallel structures in Kosova's northern municipalities have cost citizens and taxpayers in the rest of the country 320M euros in unpaid energy bills and 17M euros in water supply bills since 1999.
— Albin Kurti (@albinkurti) February 12, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.