Македонија
СДСМ: Судот во Стразбур потврди, победа на Владата, правдата и правната држава
„СДСМ ја поздравува одлуката на Европскиот суд за човекови права, која потврдува дека апликациите на поранешните функционери на ВМРО-ДМПНЕ, на кои поранешниот претседател Ѓорѓе Иванов се обиде да им даде незаконски помилувања, се недозволени. Оваа одлука е важна, бидејќи Судот во Стразбур не констатира прекршување на човековите права во кривичниот прогон на членовите на поранешниот политички естаблишмент од ВМРО-ДПМНЕ, кој ја доведе Република Северна Македонија во состојба на заробена држава. Напротив, Судот смета дека нивните наводи се недозволени“ се вели во соопштението од СДСМ.
Оттаму велат дека „аргументите на државата во однос на недозволеноста на апликациите победија и се уважени. ВМРО-ДПМНЕ изгуби во Стразбур, и нивниот обид за ништење на правната држава, уште еднаш, се покажа неуспешен“.
„Оттука натаму, независната судска власт има одговорност и обврска пред граѓаните и законите да ги доведе до крај кривичните постапки кои се предмет на пресудата. Владеењето на правото и правната држава во која одговорност пред законите е еднаква за сите без разлика на политичка, верска, национална или било каква припадност се врвни приоритети на СДСМ во градењето праведно и правично оштество“ стои во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дружење и дегустација на храна: утре во Паркот на Франкофонијата ќе се одржи манифестацијата „Нож и виљушка на Европска чинија“
Во организација на Општина Центар утре, на 31 мај во Паркот на Франкофонијата во периодот од 17 до 19 часот ќе се одржи манифестацијата „Нож и виљушка на Европска чинија“. Општина Центар како домаќин на овој настан на посетителите ќе им понуди квалитетно после работно дружење, преку уникатно музичко и гастрономско доживување, велат од општината.
Паркот на Франкофонијата ќе биде точка каде ќе се спојат домашните македонски производители и угостители кои подготвуваат автентична домашна храна и пијалаци, еко производи, но и традиционални специјалитети од Австрија, Германија, Франција, Турција, Италија и други европски држави.
„Ги повикувам граѓаните да не посетат и да дегустираат од домашните и европски традиционални јадења и пијалаци, но и да купат производи што можеби нема да ги најдат во супермаркетите, а кои дома ќе можат да ги пробаат со своето семејство. Учесниците на настанот на креативно изложбени штандови ќе ги промовираат своите производи и специјалитети, а меѓу учесниците кои ќе се претстават се: Мелем од вкусови, Туф.мк, Моја бавча, Натурал 2020, Смидџин, Сакам пиво, Фајн Крафт ракија ‘ Вк, Нутрико, Натс, како и многу други изложувачи што ќе презентираат македонска и европска храна. На учесниците ќе им се придружи и Активот на жени од здружението на пензионери на Општина Центар, кои освен што ќе ги презентираат специјалитетите од нашето поднебје, тие и на лице место со своите вешти раце на помладите генерации ќе им прикажат како се меси, плете и везе. Верувам дека оваа дружба ќе биде интересна за секој посетител“, порачува Герасимовски.
Музиката има уникатна сила и моќ да допре до душата, да инспирира и да ги зближи луѓето од сите генерации. Центарци и сите љубители на добрата музика и храна ќе уживаат во специјално подготвена музичка програма во изведба на музичко дуо-слободни уметници, како и на хорот „Елегија“ при Здружението на пензионери на Центар со популарни македонски, англиски, француски и италијански безвременски мелодии, што имаат трајни вредности во македонската и светска музичка култура. На овој настан своја изведба ќе имаат и членовите на ансламблот „Орце Николов“ кои ќе се претстават со традиционалните македонски песни и игри.
Општина Центар ги поддржува малите екопроизводители кои ги промовираат своите производи и специјалитети, а целта на настанот е да поттикне дружење и забава во правец на негување на македонската гастрономска традиција, но и афирмирање на европската гастрономска култура.
Македонија
Општина Аеродром: ДУП-от за Лисиче предвидува само една зграда, два парка и решава важни комунални прашања
Советот на Општина Аеродром, на вчерашната седница го усвои деталниот урбанистички план за дел од населбата Лисиче.
Од општината велат дека ДУП-от предвидува изградба само на една зграда, два паркови и решава важни урбанистички и комунални прашања на граѓаните кои живеат во овој дел од општината.
„Финалната верзија на урбанистички план е изработена да го унапреди урбаното живеење и да го подобри квалитетот на живот во Аеродром и во истата се инкорпорирани забелешките и мислењата на сите засегнати страни“, велат од општината.
Според нив, со донесувањето на урбанистичкиот план, уште еднаш покажале отвореност, транспарентност и грижа за проблемите на граѓаните и ДУП-от отвора можност за понатамошен економски развој на општината.
„Изработката на деталниот урбанистички се реализираше транспарентно и во неколку фази, со вклученост на граѓаните и експертската јавност. Дополнително, ДУП-от за дел од населбата Лисиче доби позитивно мислење од сите надлежни институции, вклучително Министерството за транспорт и врски, Министерство за животна средина, Градот Скопје и сите надлежни институции“, велат од општината.
Потенцираат дека станува збор за Детален урбанистички план кој решава важни, децениски прашања на граѓаните и отвора простор за развој и ново зеленило во општината. Од тука, во целост ги отфрлаат тврдењата за наводна бетонизација на општината и коментираат дека овие обвинувања единствено одат во прилог на дневно политичките интереси на одредени политички структури, чија деструктивност, неодговорност и несериозност веќе е потврдена во неколку наврати.
Македонија
Меџити: Три-четворица пратеници од „Европскиот фронт“ ќе бидат дел од новото мнозинство
Првиот човек на Демократското движење – партијата што е дел од коалицијата „Влен“, Изет Меџити, во интервју за „А2 Си-ен-ен“ рече дека три-четворица од 18 пратеници на „Европскиот фронт“ на ДУИ се речиси дел од новото мнозинство, но без да споменува имиња.
„’Европскиот фронт’ не се обедини на идеолошки основи, не ги обедини програмата, туку се обединија да опстанат и да бидат дел од владата. Во моментот кога не се дел од владата, мисијата пропадна и почнува распаѓањето на ‘Европскиот фронт’, така што вечерва можам да кажам дека веќе од тие 18 пратеници, 3-4 со едната нога се дел од новото мнозинство“, рече Меџити.
Тој не сакаше да споменува имиња, но рече дека во „Европскиот фронт“, предводен од ДУИ, има и две турски партии, а турската заедница нема капацитет и потенцијал да остане четири години во опозиција, туку се гледа себеси во идната влада, изјави Изет Меџити за „A2 Си-ен-ен“, пренесе ИНА.