Украинскиот претседател, Володимир Зеленски, ја отфрли можноста неговата земја да се откаже од кој било кој дел од својата територија во случај на потенцијален мировен договор со Русија.

Во интервју за „Би-Би-Си“ по повод одбележувањето на една година од руската инвазија, тој предупреди дека отстапувањето на дел од територијата би значело дека Русија може да се врати подоцна за да го окупира остатокот од Украина.

Зеленски рече и дека планираната пролетна офанзива веќе е започната.

„Руските напади веќе се случуваат од неколку правци“, рече тој. Сепак, Зеленски верува дека украинските сили ќе продолжат да се спротивставуваат на рускиот напредок додека не бидат во можност да започнат контраофанзива. Тој ги повтори своите барања за поголема воена помош од Западот.

„Се разбира, модерното оружје го забрзува мирот. Оружјето е единствениот јазик што Русија го разбира“, рече тој.

Украинскиот претседател се состана со лидерите на Обединетото Кралство и ЕУ минатата недела во обид да ја зајакне меѓународната поддршка и да побара модерно оружје за одбрана на неговата земја. Кога украинскиот претседател побара модерни борбени авиони, британскиот премиер Риши Сунак рече дека прашањето сè уште „не е на маса“.

Киев е сè пофрустриран од брзината со која пристигнува западното оружје. Тенковите, кои минатиот месец ги ветија голем број западни земји, вклучувајќи ги Германија, САД и Велика Британија, нема да пристигнат на бојното поле ни по недели. Зеленски се осврна и на заканата на белорускиот лидер Александар Лукашенко дека ќе влезе во војна со руските војници од неговата територија доколку макар и еден украински војник ја премине границата.

„Се надевам дека Белорусија нема да се приклучи. Ако се приклучи, ќе се бориме и ќе преживееме“, е убеден тој.

На прашањето дали е изненаден од руската тактика во војната, Зеленски ги опиша војниците како „безвредни“.

„Ако нивните војници ги добивале тие наредби, тоа значи дека ги делат истите вредности“, објасни украинскиот лидер.

Украинските бројки објавени оваа недела сугерираат дека руските сили во Украина умираат во поголем број овој месец отколку кога било од првата недела од нивната инвазија.

Бројките не може да се проверат, но Министерството за одбрана на Обединетото Кралство објави дека трендовите се „веројатно точни“.

„Денес, нашиот опстанок зависи од нашето единство. Верувам дека Украина се бори за својот опстанок“, продолжи тој.

Зеленски тврди дека неговата земја економски, но и вредносно се доближува до Европа.