Македонија
АСОМ: Целосно го отфрламе новиот предлог-закон за игри на среќа
Асоцијацијата на спортските обложувачници (АСОМ) најостро реагира на тоа што Владата веќе 10 дена го крие Законот за игри на среќата од оние што се најзасегнати од него и покрај сите апели, упорно избегнува дијалог.
АСОМ будно ги следи информациите на оваа тема, кои медиумите ги откриваат и ги отфрла како целосно неприфатливи новите предлог-измени на Законот за игри на среќата, кои Владата на РСМ ги усвои. Овој закон содржи регулативи, кои со сигурност значат згаснување на една цела легална гранка, цут на сивата економија и оставање на улица 10.000 вработени.
Како апсолутно неприфатливи ги дефинираме: дислокацијата на нашите објекти, забраната за приредување игри на среќа на интернет, зголемувањето на давачките и надоместоците, како и измените на законот, кои имаат можност да задираат во веќе постојни лиценци.
1. Како прво, сакаме да истакнеме дека АСОМ нема да дозволи воведување оддалечување на објектите за игри на среќа кои се претставуваат како наводна „заштита, унапредување или регулација“на индустријата, а кои имаат цел да затворат една цела легална гранка. Ваквите решенија се спротивни на сите меѓународни и ЕУ-стандарди. Актуелниот закон има строга регулација во однос на заштита на малолетни лица, која може да се унапреди преку дополнителни ефикасни методи на превенција, едукација и засилена контрола.
2. Исто така, АСОМ со сигурност нема да прифати каков било нов закон или измени што се носат на недемократски начин без јавна расправа, со кои ќе се забрани приредување посебни игри на среќа преку интернет. Новото законско решение не им дозволува на постокните лиценцирани приредувачи на игри на среќа да приредуваат посебни игри на среќа преку интернет, со што официјално се монополизира приредувањето игри на среќа преку интернет, а ексклузивното право на тоа ѝ припаѓа на државата.
Апелираме дека игрите на среќа на интернет се истите игри на среќа што веќе се приредуваат во лиценцираните објекти непосредно на терен, а интернетот како медиум никој нема право да го монополизира. Пазарот мора да се либерализира и да овозможи приредување посебни игри на среќа преку интернет, со соодветни процедури, како што е пракса во светот.
3. Категорично одбиваме да прифатиме и промени и решенија, каде што посебните давачки и надоместоци се зголемуваат енормно и несразмерно, а со тоа и директно се рефлектираат на економската одржливост на нашиот бизнис. Во согласност со објавените информации, со новите законски измени се зголемува надоместокот за издавање лиценца за обложувачница на 200.000 евра, а за секое следно уплатно-исплатно место приредувачот плаќа надоместок во износ од 10.000 евра.
Цврсто сме убедени дека зголемувањето не е направено врз база на реални финансиски анализи и, според нас, тоа ги преминува сите граници и се врши со задни намери, кои повторно водат до згаснување на нашата индустрија.
4. Најостро ќе реагираме на евентуални предлози и измени во законот, кои во согласност со нашите искуства од претходните законски решенија имаат можност да задираат во веќе постојни лиценци. Врз база на овие лиценци приредувачите на игри на среќа ги изработиле своите пресметки и финансиски планови. Сакаме да потенцираме дека лиценците имаат точен рок на траење и каков било упад во наметнати давачки за време на траењето на лиценцата е противуставно и надвор од секоја логика и европска пракса.
Предупредуваме дека промените може да имплицираат правни постапки за отштета и заштита на права на приредувачите што работат според лиценци со однапред поставени услови. Секоја промена во законот, особено во делот на финансиските импликации, мора да почнува со истекувањето на старата лиценца, односно со почетокот на новата лиценца.
Во предложените измени исто така се посочува на потребата од зајакнување на доказите потребни за издавање лиценци, како и прецизирање на тоа дека едно трговско друштво со една лиценца приредува еден вид игра на среќа.
Апелираме дека сите овие наведени штетни законски регулативи значат затворање на нашата индустрија и враќање во деведесеттите кога дивите игри на среќа организирани во подруми и нелегални објекти ќе бидат секојдневие. Со згаснување на нашата индустрија сериозна штета ќе претрпи и државната каса, што значи 250 милиони евра годишно помалку пари во буџетот.
Ја потсетуваме Владата дека злоупотребата на европското знаменце при носење на овој закон ја информиравме и Делегацијата на Европската Унија во земјата, од каде што добивме официјален допис во кој тие апелираат европското знаменце да се користи само кога се работи за специфични закони, кои се поврзани со европското законодавство и во никој случај да не се користи за да се намали дискусијата за важни закони.
Уште еднаш ги повикуваме надлежните да не го кријат законот, да ги слушнат нашите апели и како што ѝ прилега на една демократска земја, чија иднина е Европската Унија, да отворат пат за дебата со цел заедно да донесеме конструктивен закон прифатлив за сите засегнати страни.
Остануваме на ставот дека ќе ги преземеме сите правни механизми и законски можности да го спречиме донесувањето на овој штетен закон, кој ќе донесе сериозни последици за целата држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Според Села мал е бројот на ресори што ќе ги добие „Влен“, му одговорија дека е губитник, а иднината на албанскиот народ е сигурна
Алијансата на Албанците преводена од Зијадин Села, влезе во вербална расправија за бројот на ресори со кои ќе раководат Албанците во новата Влада предводена од ВМРО-ДПМНЕ и Влен (Вреди).
На неговите политички опоненти, од кои дел до скоро му беа сопартијци им порача дека во минатото Албанците воделе најмалку 5,6 а на крајот и 8 од 16 министерства, а сега за првпат се случува да имаат четири ресори.
„Уште полошо е што ќе направат законски измени за да бидат 4 од 19, што ќе биде политичко-институционално егзекутирање на Албанците во РСМ. Нема ресор Министерство за интеграции – не постои. Нема ресор Министерство за политики за добро владеење – не постои. Ке има двајца министри без ресор, кои ќе имаат околу 5 вработени, еден возач и еден фотограф“, велат од Алијансата.
По коментарот, следеше реакција на „Влен“. Од коалицијата на Села му порачаа дека се обидува да изгради алиби пред своите зошто ја згрешил страната, и наместо да биде победник останал со губитниците. Од тука велат декќе водат шест министерски ресори, покрај функцијата претседател на Собранието.
Според „Влен“, токму броењето ресори со кои раководат Албанци е концепт кој не донел ништо добро за нивната кауза. Напротив, велат од „Влен“, благодарение на политичката корупција на режимот на ДУИ, чии функционери ги гледаа ресорите како алатки за богатење наместо да бидат сервис на граѓаните, ВМРО-ДПМНЕ на овие избори освои 58 пратеници и преговара од позиција на апсолутен победник во македонскиот политички блок.
„Влен добива исклучително важна политичка одлука во новата Влада и ќе обезбеди сигурна иднина за Албанскиот народ. Ќе го води собранието на РСМ и шест министерски ресори, а има и целосен легитимитет од Албанците. Времето на национални понижувања заради задоволување лични амбиции и суети завршува. Кој разбере сега добро, кој нема да разбере ќе му се појасни на локалните избори, кога ќе излезе на мегдан пред гласачите без злоупотреби на институциите на извршната власт“, велат од коалицијата на опозицијата на албанските политички партии.
Македонија
Бугарските медиуми: Фондација од Бугарија купи две-третини од куќата на писателот Димитар Талев во Прилеп
Две третини од родната куќа на писателот Димитар Талев во Прилеп купила приватна бугарска фондација „Манол Пејков и пријателите“. Ова е направено за речиси 84.000 евра собрани од донаторите. Преостанатата една третина е во сопственост на лице кое нема желба да ја продаде. Ова го соопштија бугарските медиуми БГНЕС и Нова ТВ.
Претходно, на 26 мај беше објавено дека се урнал дел од покривот на куќата на Талев.
Бугарската фондација информира дека сега треба да се изврши итна поправка на покривот, подготовка на план и тим за реконструкција и реставрација со експерти и градежници од Бугарија и Македонија, назначување на лице со трајна посветеност на одржување и стопанисување со куќата, пречекување луѓе и организирање настани во родното место на Димитар Талев во Прилеп, пишува БНР.бг.
Како што се пишуваше, одлука за стекнување на имотот од страна на бугарската држава била почната уште во јуни 2023 година, но само сопственичката на двете-третини од имотот се изјаснила дека сака да го продаде нејзиниот дел, а во 2023 година цената што таа ја побарала е 100.000 евра. Останатата една-третина е на друг сопственик, кој одбива да го продаде својот дел.
Во Бугарија, Талев се смета за еден од класичните бугарски автори од XX век.
Македонија
Од денес и за Македонците уште полесно до работа во Германија
Работниците од земјите кои не се членки на ЕУ од денеска, 1. јуни ќе можат да аплицираат за „карта за шанси“ која им овозможува да дојдат во Германија и да бараат работа до една година.
Од „картата за шанси“ и проширување на Западнобалканско правило ќе профитираат и работниците од Македонија, пишува „Дојче Веле“.
„Картата за шанси“, која беше најавена пред две години, е наменета да ги пополни празнините на германскиот пазар на труд, особено во секторите инженеринг, информатичка технологија (ИТ) и здравство, каде има недостиг од дури 400.000 работници годишно.
„Со ‘картата за шанси’ луѓе со искуство и потенцијал можат побрзо и поедноставно да најдат соодветна работа“, истакна германската сојузна министерка за внатрешни работи Ненси Фезер вчера во Берлин.
„Картата за шанси“ обезбедува привремена виза или работна дозвола, што им овозможува на оние кои ќе ја добијат да работат до 20 часа неделно или да стекнат двенеделно пробно работно искуство. Доколку работниците од земјите кои не се членки на ЕУ сакаат да работат со полно работно време, можат да аплицираат за продолжување на престојот доколку веќе имаат понуда за работа.
За да ја добијат картата, апликантите мора да зборуваат германски или англиски јазик и да имаат доказ за средства или плата доволни за покривање на трошоците за едногодишен престој во Германија.
За добивање на картата, кандидатите се бодуваат. Повеќе за начинот на бодување на ЛИНКОТ.
Според Села мал е бројот на ресори што ќе ги добие „Влен“, му одговорија дека е губитник, а иднината на албанскиот народ е сигурна
Алијансата на Албанците преводена од Зијадин Села, влезе во вербална расправија за бројот на ресори со кои ќе раководат Албанците...
Бугарските медиуми: Фондација од Бугарија купи две-третини од куќата на писателот Димитар Талев во Прилеп
Две третини од родната куќа на писателот Димитар Талев во Прилеп купила приватна бугарска фондација „Манол Пејков и пријателите“. Ова...
(Видео) Поплави во јужна Германија, жителите евакуирани со хеликоптери
Невреме вчера и денеска погоди големи делови од јужна Германија, предизвикувајќи прекин на сообраќајот, а некои жители мораа да бидат...
(Видео) Мечка со мали мечиња излезе на патот во Маврово
На социјалните мрежи се појави видео од мечка со мали мечиња кои излегле на асфалтот во Маврово. Мечката се обидува...
Почина скопски таксист: возејќи патник на „Словенечка“ доживеал срцев удар
Таксист во Скопје почина од срцев удар. Се работи за 62-годишен скопјанец со иницијали Ќ.В., кому му се слошило на...
„Долга и тешка ноќ“ – Зеленски се огласи по рускиот напад, Полска го коментираше подигањето на авионите
Украинскиот претседател Володимир Зеленски изјави, по масовниот воздушен напад утринава од страна на руската армија врз енергетската инфраструктура на Украина,...
Започна полагањето на државната матура
Со тест по мајчин јазик, вкупно 14.834 ученици го започнаа полагањето на државната матура во учебната 2023-2024 година. По овој...
Стоилковски: Дванаесетте директори на Хирургија да кажат колку операции и зафати се откажани во овие 15 дена
ВМРО-ДПМНЕ бара од директорите на Хирургија да кажат колку операции се одбиени, колку пацинети се препратени од Хирургија во овие...
Реакции по планот на Бајден за крај на војната во Газа, Хамас е подготвен за разговор
Дел од светските лидери го поздравија новиот мировен план за Појасот Газа што го претстави американскиот претседател Џо Бајден. Хамас...
(Видео) Масовен руски напад врз енергетски капацитети во Украина
Руската армија рано утринава нападна енергетски капацитети во пет региони на Украина, објави украинскиот министер за енергетика Херман Галушченко. Како...
По Италија и Белгија не дозволува Украина да го користи нивното оружје за цели во Русија
Белгискиот премиер Александре Де Кроа изјави дека Белгија нема намера да и дозволи на Украина да го користи оружјето што...
Шефот на ОН го поддржа планот на Бајден за мир во Газа: „Да завршиме со оваа војна“
Генералниот секретар на Обединетите нации, Антонио Гутереш, го поддржа новиот предлог за запирање на војната во Газа, претставен од американскиот...
Претпладне топло, попладне нестабилно со пороен дожд и грмежи
Времето денес ќе биде сончево и топло со мала до умерена облачност. Ќе дува слаб до умерен, а во западните...
(Видео) „Никој не е над законот“ – се огласи Бајден по пресудата против Трамп
Американскиот претседател Џо Бајден изјави дека пресудата на Доналд Трамп во судскиот процес за поткуп на ѕвездата од филмовите за...
Блинкен потврди: САД му дозволија на Киев да користи американско оружје за цели во Русија
Американскиот претседател, Џо Бајден, одобри употреба на американско оружје од страна на Украина за цели во Русија, од каде се...
Деспотовски ќе се кандидира за претседател на СДСМ: „Потребен е натпревар на идеи, а не пазарење“
Јован Деспотовски објави дека ќе се кандидира за претседател на СДСМ, а кандидатурата ќе ја поднесе во зависност од роковникот....
20-годишник од Радовишко настрада по удар од гром
20-годишно момче од село Коџалија, радовишко синоќа почина по удар од гром, извести МВР. Околу 20 часот во Полициската станица...
За грабнувањето и свирепото убиство на Вања и Панче – обвинение против четворица, за Палчо и за возачот продолжува истрагата
Основното јавно обвинителство Скопје денеска до Основниот кривичен суд Скопје поднесе Обвинителен акт против четири лица. Тројца од обвинетите се...
(Видео) Апасиев: Не сте вмровци ако не ја збиберите од почеток
Пратеникот и претседател на Левица, Димитар Апасиев, на собраниската седница праша како Билал Касами, инаку избран пратеник и градоналник, може...
„Опасна зона на Водно, испитување на гасовод на висок притисок, опасно по живот“, предупредува ЦУК
ЦУК ја пренесува информацијата од фирмата „Рапид Билд ДОО“ дека заради безбедност, движењето на граѓаните во близина на гасоводната делница...
