Македонија
Стојаноски: Над 80 отсто од граѓаните веруваат дека има корупција во судството, во такво криминално дувло влегува Алијансата
![](https://makfax.com.mk/wp-content/uploads/2023/02/thumbnail_Bojan-Stojаnoski-17.02.2023.jpg)
„Почитувани граѓани, разговараме за разрешување министер кому многумина од пратениците денеска му го дознаа името, Адмирим Алити. Ке ви кажам зошто го зборувам ова, а особено сакам да влезат пратениците од Алијансата за да ги соочиме аргументите и да ви кажеме пред очите на целата македонска јавност во какво криминално дувло влегувате“, нагласи Стојаноски.
Стојаноски преку бројки кажа во какво криминално дувло влегува Алијансата за Албанците.
„Ќе цитирам бројки што се изнесени на емисијата ‘Детектор’, а кои ја таргетираат корупцијата. Според вас, дали степенот на корупција во Македонија се зголемува? 63 %, а останува ист 19,5 %, во вакво криминално дувло влегувате вие. Второ, според вас, дали има корупција во судството, има многу корупција 57,1 проценти, а донекаде има 22,7 проценти. Над 80 % од граѓаните веруваат дека има корупција во судството. Има корупција многу во судството 57 %, здравство 43,6 %, јавната администрација 41,9 %, во полицијата 41,8 %. Двата сектора што ги води Алтернативата се полни со корупција“, рече Стојаноски.
Стојаноски додаде и дека многу бргу од сега граѓаните ќе ги испратат во историјата корумпираните актери на политичката сцена.
„Не е тактика да ги собирате сите, да ги уценувате и да останете на власт, тактика е да добиеш доверба од граѓаните и да излезеш со чист образ и крената глава. Правете што сакате, овие бројки што ви ги прочитав се мислењето на народот за вас, можете да бегате, можете да се продавате, можете да купувате, можете да тргувате нечесно со кого сакате, многу бргу од сега корумпираните актери на политичката сцена ќе ги испратиме во историјата“ , нагласи Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.