Свет
Британец шпионирал за Русија во британската амбасада, доби 13 години затвор
![](https://makfax.com.mk/wp-content/uploads/2023/02/b7eb41ff-128a-4eb3-9d92-135e0b3058ba.jpg)
Британски чувар, кој работел во британската амбасада во Германија и бил фатен како шпионира за Русија, денеска е осуден на 13 години и два месеца затвор.
Дејвид Балантајн Смит (58) се изјасни за виновен по осум точки од обвинението, но тврдеше дека намерно не сакал да повреди никого. Казната може да ја издржи во Германија или Британија, пренесува „Скај њуз“.
Смит, кој по потекло е од Пејсли, Шкотска, на суд тврдеше дека бил депресивен и осамен и дека пиел до седум литри пиво дневно кога почнал да издава тајни од Амбасадата за, како што тврди, да ги засрами. За време на изрекувањето на пресудата, судијата ги отфрли неговите оправдувања велејќи дека „давајќи значителна количина материјал на непријателска земја, тој им наштетил на британските интереси“.
„Вашата работа беше да се осигурате дека Амбасадата и нејзиниот персонал се безбедни. Ова беше јасно прекршување на довербата што ви е дадена“, му рече судијата на Смит.
Тој тврди дека Смит „упорно и релативно софистицирано“ собирал информации и предизвикувал „анксиозност и стрес“ кај персоналот на Амбасадата и нивните семејства.
Судијата додаде дека Смит бил „платен од Русија за предавство“ додавајќи дека нема докази оти тоа се „износи што ќе му го променат животот“. Според пресудата, Смит зел фотографии и документи од фиоките на Амбасадата, како и снимки од надзорните камери. Тој на руските службеници им ги дал имињата, фотографиите и личните податоци на персоналот на Амбасадата, како и тајните документи.
Покрај тоа, тој снимил видео шетајќи низ Амбасадата, со што на Русите им открил детали за зградата и канцелариите. Судијата рече дека Смит „развил антибритански и антизападни чувства“ додавајќи дека тоа „директно ги предизвикало“ неговите постапки.
Колегите од Амбасадата слушнале како Смит отворено ги критикува Велика Британија и Германија и изразува позитивни мислења за Русија и нејзиниот претседател Путин. На суд тој призна дека отворено ги поддржувал проруските сили во регионот Донбас во Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Европа
Русија соопшти дека соборила 36 дронови испратени од Украина
![](https://makfax.com.mk/wp-content/uploads/2024/04/shahed-136-dron00002-830x0.jpg)
Системите на руската противвоздушна одбрана уништија 36 дронови, испратени од Украина во текот на изминатата ноќ кон територијата на Русија, соопшти Министерството за одбрана во Москва.
Петнаесет беспилотни летала се соборени над Курска област, девет над Липецка, по четири над Воронешка и Брјанска и по два над Орловска и Белгородска, посочи Министерството во објава на социјалната мрежа Телеграм.
Европа
Четиринаесетгодишно девојче е киднапирано во Грција, во месноста Лариса
![](https://makfax.com.mk/wp-content/uploads/2024/06/isceznata.jpg)
Четиринаесетгодишно девојче е киднапирано во Грција, во месноста Лариса, а активирана е „Амберт алерт“ – килибарна тревога. Девојчето Хрисула Хрисобаланти исчезнало на 27 јуни околу 20.30 часот. Се претпоставува дека девојчето било киднапирано од постаро лице.
Медиумите пренесуваат дека девојчето е високо 155 сантиметри, тешко 55 килограми, долга кафена коса и темнозелени очи.
Во моментот на нејзиното исчезнување носела зелени бермуди, бела маица и бели влечки.
Грчките власти пред неколку дена известија дека трагаат по девојчето Константина-Ирини Р.(16), кое исчезна од предградието Ахарнес во Атина.
Според грчките медиуми, девојчето последен пат била видена во неделата на 16 јуни во вечерните часови.
Регион
Вучиќ го посети повредениот полицаец, му честиташе за неговата смиреност и храброст
![](https://makfax.com.mk/wp-content/uploads/2024/06/Vucic.jpg)
Претседателот на Србија, Александар Вучиќ денеска го посети повредениот припадник на Жандармеријата Милош Јевремовиќ (34), кој откако беше ранет од самострел, беше опериран и е во стабилна состојба.
„Пресреќен сум што Јевремовиќ Милош се чувствува добро по операцијата. Му честитав на Милош за неговата извонредна храброст, неговата смиреност и успешно завршената задача во борбата со терористот. Србија нема да има милост кон терористите“, напиша Вучиќ на фотографијата со ранетиот полицаец.
„Им честитам на командирите и на сите во полициските сили за исклучителното однесување на Милош Јевремовиќ, ќе му се оддаде почест штом ќе ја напушти болницата. Важно е што нашиот херој Милош е жив и здрав, покажа како треба да се реагира во таков момент“, изјави претседателот на Србија.
Непознато лице денес со самострел тешко го рани припадникот на жандармеријата кој бил на должност да ја обезбедува израелската амбасада.
Припадникот на жандармеријата употребил оружје во самоодбрана и го победил напаѓачот, кој од здобиените повреди починал.
Министерот за внатрешни работи на Србија Ивица Дачиќ изјави дека во Белград е уапсено уште едно лице под сомнение за терористичко здружување.
„Во Белград е уапсено уште едно лице осомничено за терористичко здружување. Станува збор за лице од Белград, родено 1999 година, кое веќе беше уапсено пред две години бидејќи бил администратор на неколку милитантни групи на Интернет кои повикувале на џихад“, соопшти Дачиќ.
Тој објасни дека случајот против него и понатаму се води, а тој е пуштен од притвор.