Црна хроника
Автомобили се судрија во Карпош, повредени четири лица

Две возила се судрија вчера во скопската општина Карош, пришто со повреди се здобија четири лица, од кои едно е тешко повредено.
Според информациите од полицијата, несреќата се случила на крстосницата од улиците Ацо Шопов и Фјодор Достоевски.
„Во несреќата учествуваа „опел астра“ со скопски регистарски ознаки, управувано од Ж.В.(57) од Скопје и патничко моторно возило „фолксвгаен голф“ со скопски регистарски ознаки, управувано од М.И.(32) од Скопје. Во несреќата, двајцата возачи Ж.В. и М.И., како и Б.Р.(33), сопатник во возилото „голф“, се здобиле со телесни повреди, додека сопатничката во возилото „голф“, Б.И. се здобила со тешки телесни повреди констатирани во Градската општа болница 8 Септември“, соопшти МВР.
Увид извршила полициска екипа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тепачка во соблекувалната на Градскиот стадион во Виница, нападнат фудбалер на „Карбинци“

Две лица физички нападнале фудбалер од клубот „Карбинци“ во соблекувалната на Градскиот стадион во Виница.
Според информациите на МВР, поднесена е кривична пријава против Д.М.(44) и Н.К.(40), двајцата од Виница, поради постоење основи на сомнение за сторено кривично дело „насилство“.
На 04 јуни во соблекувална на Градскиот стадион во Виница, пред започнување на фудбалски натпревар помеѓу екипите на ФК „Слога“ од Виница и ОФК „Карбинци“, пријавените физички го нападнале М.Д., фудбалер на екипата на ОФК „Карбинци“.
Црна хроника
Девојка пронајдена почината во казино во Центар

Дваесет и четиригодишна девојка е пронајдена почината во казино во Центар, Скопје.
Според информациите на МВР, вчера околу 19.42 часот во СВР Скопје било пријавено дека во казино во хотел на подрачјето на Центар во Скопје била пронајдена почината 24-годишната Г.Ј. од Охрид, вработена во казиното.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатата било дадено на обдукција.
Црна хроника
Украдени бисти со ликови на починати лица од гробиштата во Бутел

Крадци украле бисти со ликови на починати лица од гробиштата во Бутел.
Според информациите на МВР, В.С.(73) и Љ.Г.(66), двајцата од Скопје, пријавиле дека во периодот од 01.02.2025 до 09.06.2025 од две различни гробни места на Градските гробишта Бутел, со употреба на физичка сила и погоден алат биле одземени две бисти со лик на починати лица.
Се преземаат мерки за расчистување на случајот.