Македонија
ДУИ: ВМРО и Мицкоски ги поттикнуваат изјавите за војна против Албанците
И втор ден по ред по скандалозните изјави на Александар Николовски, во кои повикува на војна среде Собранието, слично и на наративот од 27 април, ниту Мицкоски ниту ВМРО-ДПМНЕ не се дистанцира од тие закани. Николовски е поттикнат од неговиот лидер Мицкоски, кој објавува фотографија од заклетва во маскирна униформа, со празен „калашников“ во рацете и опкружен со деца и жени, во кој демонстрира закани кон Албанците, се вели во соопштението од ДУИ.
Од партијата додаваат дека Мицкоски сè уште не одговори дали има вистина во тврдењата на неговите градоначалници дека изречно им забранил да ги легализираат домовите на Албанците во тие општини иако ги исполнуваат законските услови, дека им забранил да соработуваат со албански бизнисмени и да не издаваат дозволи за градба, со порив од расистички демографски политики.
Нивната мртва трка со Левицата на Апасиев поттикнува етничка нетрпеливост, која ја гледаме и слушаме секојдневно на контактните емисии на македонски телевизии и тоа е директна последица на наративот и фотографиите нa Мицкоски, Николоски, Апасиев, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нестабилно време со дожд и грмежи до среда
По врнежите и невремето по кое во текот на ноќта полавени беа подруми во Охрид, од УХМР најавуваат дека до среда ќе се задржи нестабилно време, претежно во попладневните часови со локален пороен дожд и грмежи.
Во четврток ќе има услови за краткотраен дожд, претежно во планинските подрачја, а преодно стабилизирање на времето се очекува во петок.
Температурите ќе бидат без значителна промена.
Македонија
Делови од Аеродром, Карпош и Ѓорче Петров утре без струја
Без електрична енергија утре ќе останат делови од општините Аеродром, Карпош и Ѓорче Петров.
Како што соопшти РЦУК – Скопје, без струја во периодот од 09:00 до 15:00 часот ќе останат корисниците на дел од село Долно Лисиче, реонот околу чаталот, ул.10 во општина Аеродром, од 10:30 до 14:30 часот дел од улица 16, на патот кон Визбеговово општина Карпош, а од 13:00 до 14:30 часот објектите на градинката Росица, на ул.„Мечкин Камен“, бр.45А. во општина Ѓорче Петров.
Македонија
Скопските и тетовските пожарникари гасеа три огнови на отворено, соопшти ЦУК
Во изминатото деноноќие Центарот за управување со кризи информира дека биле евидентирани три пожари на отворено.
Регионалниот ЦУК Скопје соопштил дека БППЗ на Град Скопје во изминатото деноноќие имала две помали интервенции поради запалено ѓубре и тоа на ул. „Ферид Заири“ во Општина Чаир и кај Езерото Треска во Општина Сарај.
Регионалниот ЦУК Тетово известил дека ТППЕ Тетово имала една помала интервенција поради запалена ниска вегетација кај село Чифлик во Општина Желино.
Центарот за управување со кризи соопшти дека изминатите 24 часа имало вкупно 1.491 повици на Единствениот повикувачки број за итни случаи 112. Од нив „реални“ повици биле 62,84 отсто, а 37,16 отсто биле за други потреби на граѓаните што не биле итни.
Кон полиција биле упатени 63,18 отсто, кон итната медицинска помош 29,09 проценти, кон пожарникарите 2,73 отсто, a кон АМСМ 1,36 отсто од повиците кон бројот 112.