Забава
„Сè во исто време“ доминира на САГ-наградите
Филмот „Сè во исто време“ (Everything Everywhere All Once), кој се занимава со идејата за паралелни реалности, синоќа ја освои главната филмска награда на САГ зацврстувајќи го својот статус како водечки кандидат за престижната награда за најдобар филм на „Оскарите“ следниот месец.
Овие награди ги ја доделува професионалното здружение на филмски актери – „Скрин акторс гилд аворд“ или САГ за најдобри остварувања во изминатата година.
Филмот за кинеско-американска сопственичка на пералница, која се бори со плаќање даноци среде семејни превирања, во последните неколку недели освои куп трофеи на холивудските наградни церемонии во пресрет на „Оскарите“ на 12 март.
Актерската екипа на Everything Everywhere беше прогласена за најдобар филмски тим од страна на членовите на актерското здружение САГ-АФТРА. Филмските награди на САГ внимателно се следат бидејќи актерите ја сочинуваат најголемата група гласачи за „Оскар“.
Овој филм – акција, авантура, комедија – исто така заработи награда во категоријата најдобра актерка во главна улога – Мишел Јео, која ја толкува сопственичката на пералницата (Евелин Ванг), како и во категоријата мајдобри актери/актерки во споредна улога – Ке Хју Куан и Џејми Ли Кертис.
Преплавена од емоции, Јео зборуваше низ солзи додека го прифаќаше својот трофеј.
„Ова не е само за мене. Ова е за секое девојче што личи на мене“, рече Јео додека ја примаше наградата. „Ви благодарам што ми дадовте место на масата“.
Куан, кој имаше истакната улога како дете ѕвезда во „Индијана Џонс“ од 1984 година, но подоцна се откажа од глумата, рече дека тој е првиот Азиец што победил во категоријата.
Наградата за најдобар актер му припадна на Брендан Фрејзер за неговиот портрет на повлечен маж со прекумерна тежина, кој се обидува повторно да се поврзе со својата ќерка во филмот „Кит“.
Сали Филд доби награда за животно дело за актерска кариера, која ја почна пред речиси 60 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
4 хороскопски знаци кои летово ќе запловат во судбоносна врска
Овие хороскопски знаци до крајот на летото ќе ја најдат љубовта на својот живот!
Еве кои знаци можат да очекуваат летна романса:
Рак
Љубовта оваа година ќе дојде кај Раковите како магнет. До крајот на летото ѕвездите се подготвуваат да ги упатат кон личност која ќе го разбере секој нивни изглед. Нивната летна романса ќе биде исполнета со прошетки на плажа, гледање ѕвезди и долги разговори кои ќе ги поврзат на подлабоко ниво.
Лав
Харизмата и огнената енергија на Лавот ќе привлечат личност која ќе ги обожава како вистински крал или кралица. Заедно ќе уживаат во романтични вечери под ѕвездите, луксузни патувања и незаборавни авантури. Нивната љубовна приказна ќе биде како холивудски филм, полна со страст, смеа и возбуда.
Вага
Летото за Вагите ќе биде исполнето со рамнотежа и љубовна хармонија. Ѕвездите им носат средба со личност која совршено ќе им го заврши животот. Нивната љубовна приказна ќе биде како елегантен танц во кој заедно ќе го пронајдат совршениот ритам и ќе уживаат во секој момент.
Стрелец
Желбата на Стрелецот за истражување и слобода ќе привлече личност која ја споделува нивната страст за животот. Заедно ќе откриваат нови дестинации, ќе учествуваат во возбудливи активности и ќе уживаат во секој миг поминат заедно. Нивната летна љубов ќе биде како авантура, исполнета со смеа, адреналин и незаборавни моменти.
Забава
Марија Шерифовиќ го однесе синот на првото летување
Пејачката и член на жирито на „Ѕвезде Гранда“, Марија Шерифовиќ, замина на првиот заеднички одмор со својот син Марио, а во својот нов блог ги опиша сите детали од патувањето.
Бидејќи детето веќе летало со авион, кога преминувале од Америка во Србија, Марија овојпат била помалку исплашена и, се разбира, се поминало како што треба.
Заминаа во Црна Гора, но не беа сами. Со нив отишле бебиситерката и стоматологот на пејачката.
– Единствено што ми треба, освен Марио и неговата дадилка, е мојот стоматолог, ако ми испаднат протезите за да не се враќам во Белград – изјави Марија Шерифовиќ.
На одморот им се придружи и пејачката Јована Пајиќ, а Марија и нејзините пријатели уживаа на одмор, пливање, сончање и гледање фудбалски натпревари.
Таа во својот блог го покажа луксузот во кој уживаат, а во хотелскиот апартман имаа посебен кревет за Марио.
– Решивме да го однесеме Марио на плажа многу рано или доцна, но тој ја откри магијата на водата, па ќе биде тешко да го извадиме – изјави Марија.
Марија Шерифовиќ го доби синот Марио со помош на сурогат мајка.
Забава
Концерт „Најдоброто од Копров” на Скопско лето
Концертот „Најдоброто од Копров“ на Ана Петановска ќе се одржи утревечер, со почеток во 20.30 часот, во Националната опера и Балет.
Публиката ќе има можност да ужива во најголемите хитови компонирани од Григор Копров, како што се „Лиду ду“, „Остани во мене“, „Не зори зоро“, „Не допирај ме“, „Твоите бакнежи на моите бели кошули“, „Анушка“ и многу други.
Концертот преставува музичко патување низ долгогодишното творештво на Григор Копров во изведба на моќниот вокал на Ана Петановска со ексклузивните гости: мегаѕвездата Владо Јаневски, единствената Наде Талевска, топлиот вокал на Горан Наумовски и прекрасниот Денис Димоски, а во придружба на камерен оркестар.
Музички продуцент на настанот е Давор Јордановски.