Македонија
(Фото) Секој ден метеж на булеварот кај ФОН и кај МЗТ – Скопје, скопјани губат трпение
![](https://makfax.com.mk/wp-content/uploads/2023/02/332525862_1810910245933145_4028207860615402027_n.jpg)
„Целиот град го прекопаа, се задушуваме во прашина, општинарите ништо не работат, да не чекаат избори“ и „штом во 6 часот наутро има метеж, што да зборуваме за 8 или 9“, се само некои од коментарите на граѓаните што живееат или, пак, работат во фирмите што се лоцирани во општина Гази Баба, поточно на потегот кај поранешната фабрика МЗТ – Скопје.
Со години тесно грло на градот е булеварот што ја спојува општина Аеродром со Гази Баба, на потегот од мостот „Близнак“ па сè до надвозникот кај „Пивара“.
Колони автомобили може да се забележат уште рано наутро во работните денови, а возачите се случува дестинацијата од еден километар да ја поминуваат и по еден час.
Булеварот долго време е во изградба, еднаш се асфалтира, но повторно беше прекопан кога почна градбата на зградите во близина на универзитетот ФОН.
Семафорите пред универзитетот со години не се во функција, а семафорот кај „Бриколаж“ исто така е проблем за скопјани – сите возила што од Маџари преку пругите сакаат да поминат покрај МЗТ – Скопје за да се вклучат на булеварот, кој е главната артерија на овој дел од градот, долго чекаат во колона.
Поради нервозата, многу често се случуваат и сообраќајни незгоди, а надлежните упорно го занемаруваат овој голем проблем за скопјани, но и за сите оние што преку овој дел од градот се обидуваат да излезат преку Автокоманда и да ја напуштат метрополата.
„Макфакс“ испрати прашања дали постои начин за побргу да се заврши реконструкцијата за да се намали метежот, но од таму до моментот на објавување не дадоа ниту коментар ниту образложение со кое темпо ќе се реализира таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Пинокио се појави кај градинката во Прилеп која требаше да биде отворена уште пред две години
![](https://makfax.com.mk/wp-content/uploads/2024/06/gradinka-prilep.jpg)
Во Прилеп се одржа Креативна акција во која јунаците од приказните и цртаните филмови помагаат на прилепчани во нивните напори да проработи градинката во населбата Точила.
Креативната акција беше поставена денес, пред градинката во населба Точила.
„Преку овој настан, на кој во вид на изложба се појавуваат Пинокио и неколку лика од цртаните филмови и приказните, сакаме уште еднаш да алармираме на енормното доцнење и калкулирање со отворањето на градинката во населбата Точила која треба да прими околу 250 деца и да го реши проблемот на немањето место во градинките во овој дел од градот, но за жал не се знае кога ќе проработи“, велат организаторите на акцијата.
Идејата е да се алармира локалната но и целата јавност во Македонија за недостатокот на јавни установи за згрижување на деца во Прилеп. Она што е особено важно е дека оваа градинка е особено важна за граѓаните од ранливите категории и семејствата со минимални примања, бидејќи тие не можат да си дозволат приватни установи за сместување на децата, а неможноста истите да бидат примени во друга јавна установа за згрижување деца ги ограничува родителите во обезбедувањето работни ангажмани, а со тоа и егзистенција на семејствата.
„Преку оваа акција во која Пинокио всушност не лаже туку ја кажува вистината, сакаме да потсетме дека во многу наврати досега беше ветено довршување на изградбата и пуштање во употреба на градинката во населба Точила, чија изградба започна во април 2021 година со ветување дека ќе почне со работа во 2022. За жал веќе сме на половина од 2024 година, а градинката иако е изградена и според кажувањата завршени се сите ентериерни работи се уште не е пуштена во употреба, при што нема официјална потврда ни дека од оваа есен децата ќе можат да тргнат во оваа градинка. Се надеваме дека овој настан, граѓанската и медиумската поддршка ќе го забрза решавањето на овој горлив проблем на повеќе од 200 деца и семејства од Прилеп“, се додава.
*Настанот и акцијата се поддршка на групата Урбани уметнички акции за здружението на граѓани Станица П.Е.Т и жителите на населбата Точила и градот Прилеп. По завршувањето на настанот елементите и делата ќе бидат подарени на градинката за да ги украсуваат нејзините ѕидови и училници и да ги радуваат децата кога истата ќе биде отворена – што се надеваме дека ќе биде во блиска иднина.
Македонија
Кривична за Самка Ибраимовски поради закани кон уставен судија преку „Фејсбук“
![](https://makfax.com.mk/wp-content/uploads/2018/10/samka-ibraimovski.png)
Самка Ибраимовски од партијата ПЦЕР и поранешен пратеник доби кривична пријава поради закани кон уставен судија.
Министерството за внатрешни работи објави дека целосно е расчистен случајот, а Ибраимовски преку својот фејсбук профил упатил, како што велат, сериозни закани и повици за насилство кон судија на Уставниот суд.
„Веднаш по добиената пријава, МВР презеде соодветни мерки и беше извршен службен разговор со С.И. во СВР Тетово“, објави МВР.
Против него поднесена е кривична пријава за загрозување на сигурноста.
Ибраимовски негираше дека упатил закани. Тој тврди дека неговите ставови на Фејсбук против Уставниот суд кои дозволи извршителите да продолжат да наплаќаат долгови, се негово демократско право.
„Јас сум поставил само едно прашање – што ако настанат убиства? Сум го пренел гласот на народот, што ми пишуваат мене, во мојот инбокс, каде кажуваат дека: „ќе земам пиштол“ и дека: „ќе отепам некого“ или „јас ќе се отепам“. Тоа е мое едно поставено прашање, кој ќе одговара за настанати убиства ако се случат, не сум се заканувал на судии“, рече Ибраимовски.
Според Ибраимовски, главниот проблем и прашање кое јавноста треба да го постави е како е можно еднаш Уставниот суд да отфрли иницијатива за преиспитување на законитоста и уставноста на измените на Законот за облигациски односи, а потоа истата своја одлука со иста иницијатива повторно да ја преиспитува.
Македонија
Радев: Паднаа маските, власта во Скопје се плаши да препознае „Бугарин“ и „бугарскo“
![](https://makfax.com.mk/wp-content/uploads/2018/04/radev.jpg)
Маските конечно паднаа. Новата власт кај нашиот сосед јасно покажа дека најголемиот страв на политичката класа во оваа држава е да го препознае самото постоење на зборовите „Бугарин“ и „бугарски“ во РСМ. Ова како што пренесуваат бугарските медиумите, пред новинарите го изјавил бугарскиот претседател Румен Радев.
„Сега станува многу јасно зошто во пролетта 2021 година, како претставник на Бугарија во Советот на ЕУ, подолг период го преместив фокусот на европските институции и лидери од заштитата на нашата историја, култура и јазик во заштитата на правата на Бугарите. Стана јасно зошто ја покренав идејата за нивно вклучување во уставот на земјата како важен предуслов за почеток на преговорите за членство и ја бранев оваа кауза до самиот крај“, вели Радев.
„Но денес конечно маските падна кај нашиот сосед и јасно се покажа дека најголемиот страв на политичката класа во оваа земја е да се препознае самото постоење на зборовите „Бугарин“ и „бугарски“ во РСМ. Ова е политика насочена директно против европските принципи и донесени одлуки со консензус на сите земји-членки против меѓународните обврски преземени од РСМ, но особено против сопствените граѓани, кои јасно ги декларираа своите амбиции за европски развој на земјата. Очекувам итни конкретни дејствија и од бугарската влада и од европските институции за почитување на европските принципи и норми во процесот на проширување, за гарантирање на неповратност и одржливост во афирмацијата на принципите на демократијата и главните критериуми во почитувањето на човековите права. Ако ЕУ не се заложи за европската перспектива на Балканот, врз основа на јасни принципи, норми и вредности, тогаш порано или подоцна Балканот ќе ја соочи Европа со балканизација“, рече претседателот Румен Радев, пишуваат медиумите во Бугарија.