Свет
Обвинети за силување оти без согласност на партнерките ги отстраниле кондомите за време на секс, мажите се судат во Холандија
![](https://makfax.com.mk/wp-content/uploads/2023/02/kondom.jpg)
Двајца мажи од Ротердам денеска ќе се појават пред суд под обвинение дека отстраниле кондоми за време на секс без знаење или согласност на нивните сексуални партнери.
На мажите, на возраст од 26 и 28 години, им се суди за силување во два одвоени случаи, објави NL Times.
Чинот е познат во Холандија под англискиот сленг „stealthing“ за што во Македонија нема израз, а по дефиниција значи: „практиката на вадење на кондомот за време на сексуален однос без знаење и согласност на партнерот, често се смета за сексуален напад или силување“.
Според портпаролот на државното обвинителство и судот во Дордрехт, вакви кривични предмети досега немало.
Тие се обвинети за силување, бидејќи во холандскиот кривичен законик, вадењето кондом без согласност не е дефинирано како посебно кривично дело.
Ако некој го извади кондомот при сексуален однос, без согласност на партнерот, направил сексуален прекршок, велат експертите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Италијанска крајбрежна стража: Стравуваме дека околу 60 луѓе загинале во бродолом
![](https://makfax.com.mk/wp-content/uploads/2024/06/бг.jpg)
Италијанската крајбрежна стража денеска соопшти дека стравува дека околу 60 лица загинале во бродоломот што се случи на околу стотина километри од калабрискиот брег.
Крајбрежната стража денеска пронашла уште девет тела во Јонското Море по бродската несреќа што се случи во понеделникот, јавува Анса.
Околу 60 лица, меѓу кои 26 деца, исчезнаа во бродоломот на едрилица со мигранти.
Свет
Бенјамин Нетанјаху ја осуди изјавата на портпаролот на израелската армија дека Хамас не може да биде уништен
![](https://makfax.com.mk/wp-content/uploads/2024/04/677z381_netanjahu-iran.jpg)
Кабинетот на израелскиот премиер Бенјамин Нетанјаху денеска ги осуди изјавите на портпаролот на израелската армија Даниел Хагари дека идеологијата и идејата на движењето Хамас не можат да се уништат.
Портпаролот на армијата, Даниел Хагари, вчера изјави дека приказната за уништувањето на Хамас „фрла прашина во очите на јавноста“, бидејќи нивната идеологија не може да се уништи.
Бригадниот генерал Хагари во интервју за израелскиот канал 13 изјави дека „израелската влада мора да најде алтернатива“ на Хамас во Појасот Газа, бидејќи во спротивно оваа терористичка организација „ќе остане“, објави i24news.
Регион
(Видео) Голем пожар во фабрика за бои и лакови во Србија: работниците се евакуирани, а по еден се трага
![](https://makfax.com.mk/wp-content/uploads/2024/06/fg-1.jpg)
Голем пожар денеска избувна во фабриката за бои, лакови и фасади „Евројуг“ во Шид, работниците се евакуирани, а според првите информации ,нема повредени, но се трага по еден работник.
Од полициското одделение на Сремска Митровица за „Н1“ велат дека пожарникарите се на терен, дека областа е обезбедена и дека патот Вашице – Шид, кој води до фабриката, е затворен.
Според досегашните информации, нема повредени, но причинета е голема материјална штета и се слушнале голем број експлозии.
View this post on Instagram
Општина Шид апелира до граѓаните да не ги напуштаат домовите доколку е апсолутно неопходно бидејќи се работи за фабрика за бои и лакови, а доколку граѓаните сакаат да излезат надвор, треба да носат влажна маска на устата и носот.
Министерот за внатрешни работи Ивица Дачиќ изјави дека сѐ уште се истражува причината за пожарот.
„Работниците се евакуирани од просторот на фабриката и сѐ уште се трага по еден работник“, рече министерот.
Претставникот на Националното еколошко здружение, Миленко Јовановиќ, коментирајќи го големиот пожар во фабриката за бои, лакови и фасади „Еврјоуг“ во Шид, за „Н1“ вели дека состојбата не е безбедна за граѓаните и дека е опасна за здравјето, но не се знае колку.
Општина Шид на својот фејсбук-профил соопшти граѓаните да не ги напуштаат своите домови, барем додека не се изгасне пожарот.
Според медиумите, сите надлежни екипи се на терен да го стават пожарот под контрола.
Причината за пожарот сѐ уште не е позната.
Огнот ги зафатил материјалот и производството, а се шири густ црн чад.