Свет
Важен украински генерал го посети Бахмут: „Битката достигна највисок интензитет“
Генерал полковник, Олександр Сирски, командант на Украинската копнена армија и еден од најважните украински генерали, вчера го посети источниот град Бахмут, соопшти украинското Министерство за одбрана.
„Вчера, генерал-полковник Олександар Сирски, командант на копнената армија, уште еднаш ги посети единиците кои го бранат Бахмут, како и предградијата“, се вели во соопштението на украинското Министерство за одбрана.
„Според неговите зборови, битката за Бахмут достигнала највисок степен на интензитет, се вели во соопштението.
„Непријателот испрати дополнителни борци во битка. Нашите војници храбро ги бранат своите позиции северно од Бахмут и се обидуваат да го спречат опкружувањето на градот“, изјави Сирски, соопшти украинското Министерство за одбрана.
Тој не зборуваше за можно повлекување на украинските сили, но рече дека вооружените сили на Украина им нанеле „значителни загуби“ на Русите во изминатите месеци.
„Сето ова време, обидите на непријателот да го освои градот беа отфрлени благодарение на издржливоста на нашите војници. Нашите бранители му нанесоа значителни загуби на непријателот и уништија голем број возила. Ги принудивме најдобрите единици на Вагнер да се борат и го намаливме офанзивниот потенцијал на непријателот“, изјави украинскиот генерал.
Сирски ја организираше и водеше одбраната на Киев, а украинската армија под негово водство успешно ги поттисна руските сили кои речиси целосно го опколија главниот град на почетокот на руската инвазија. Сирски редовно ги посетува единиците на фронтот во Донбас и на други места, вклучувајќи го и Бахмут. Последен пат го посети Бахмут на крајот на минатата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина може да произведува четири милиони беспилотни летала годишно
Украинскиот претседател Володимир Зеленски денеска изјави дека земјата може да произведува четири милиони беспилотни летала годишно и бргу го зголемува производството на друго оружје.
Обраќајќи им се на шефовите на десетици странски производители на оружје во Киев, Зеленски рече дека Украина веќе има договорено производство на 1,5 милион беспилотни летала оваа година, пренесува „Ројтерс“.
„Во екстремно тешките услови на војната под постојани руски напади Украинците успеаја да изградат практично нова одбранбена индустрија“, рече Зеленски.
Свет
(Видео) Пропалестинските активисти во Берлин го прославија иранскиот напад врз Израел
За време на пропалестинските демонстрации во Берлин, Иран лансира ракети кон Израел. Германските медиуми јавуваат дека толпата ракоплескала, навивала и извикувала „Алаху акбар“.
„Ракети лансирани кон Израел“, извикуваше еден човек по што многубројни демонстранти навиваа, а некои дури и ракоплескаа. Се слушаа и извици „отпор“ и „Алаху акбар“ („Господ е голем“), пишува НТВ.
Es macht fassungslos, dass in einer Stadt, die so viel Schmerz und Leid aus der Geschichte gelernt haben sollte, Menschen offen Angriffe auf Juden feiern.#b0110
VIDEOQUELLE: https://t.co/RtnhBQVeI2 pic.twitter.com/xGCvAL0kvo
— Iman Sefati (@ISefati) October 2, 2024
Während Israel unter Raketenbeschuss steht, wird in Berlin die Hamas gefeiert, und die Berliner Polizei unternimmt nichts dagegen. Vielen Dank für den großartigen Einsatz @polizeiberlin @PolizeiBerlin_E #b0110 pic.twitter.com/nhiaGNLUPn
— Iman Sefati (@ISefati) October 1, 2024
Некои од учесниците на митингот вееја марами и палестински и либански знамиња.
Портпаролот на берлинската полиција, пренесоа германските медиуми, вчера изјавил дека информациите за скандирање „ниту може да ги потврди ниту да ги демантира“. Средбите се одржаа на две локации.
Регион
Средношколец загина во судир на автобус и автомобил во Србија, 36 повредени
Средношколец загина при судир на автомобилот што го возел и автобус на стариот пат меѓу Нови Сад и Инџија. Повредени се 36 лица, од кои четворица потешко.
Несреќата се случила утринава околу 7.30 часот на патот меѓу Инџија и Нови Сад.
Станува збор за автобус на редовна градска релација, кој, сепак, превезува и многу деца. Според неофицијални информации, младиот човек, кој го управувал автомобилот, е средношколецот Н. Ш.. Повредени се вкупно 36 лица, од кои 27 се згрижени во болниците во Нови Сад, Белград и во Сремска Митровица.
Во Клиничкиот центар во Војводина згрижени се 16 пациенти, од кои двајца се задржани на болничко лекување, седум се отпуштени на домашно лекување, а на уште седуммина им е дадена понатамошна дијагностика.