Македонија
Скопското Обвинителство од американската амбасада доби компјутерска и техничка опрема за брзо наоѓање докази

Амбасадорката на САД, Анџела Агелер, на Скопското јавно обвинителство денеска му донира компјутерска и техничка опрема, наменета првенствено за потребите на истражителите што работат на откривање докази во истрагите.
Агелер рече дека Македонија има проблем со корупцијата, која е присутна подолго време.
Таа додаде дека тоа не е проблем што може да се реши за неколку месеци.
Агелер уште еднаш посочи дека зајакнувањето на правосудството во Македонија на сите нивоа е главен приоритет за Амбасадат на САД, за неа лично и за Вашингтон.
„Сакаме да бидеме партнери со оваа земја, така што ќе покажеме дека овој систем е тука за вашите граѓани. За тоа е потребно време. Еден компјутерски систем нештото нема да го реши, но е приоритет, и ако имам една цел како амбасадор во земјата, тоа е да се осигурам дека ќе направам сè што можам заедно со мојот тим за зајакнување на вербата на граѓаните на Северна Македонија во правосудството“, изјави Агелер.
Јавниот обвинител на Скопје, Гаврил Бубевски, рече дека се работи за сериозна донација што ќе помогне во секојдневната работа и од технички и од суштински аспект и изрази надеж за понатамошна соработка со американската амбасада преку обуки и друга помош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја две улици во Илинден и Волково

ЕВН Македонија АД известуваат дека на денес без електрична енергија ќе останат:
· од 08.30 до 12.30 часот, корисниците на улица бр. 27 во нас. Илинден. (Општина Илинден)
· од 09.00 до 11.00 часот, корисниците на улица бр. 33 во нас. Волково. (Општина Ѓорче Петров)
Македонија
Сончево и многу топло, максималната температура до 40 степени

Времето денеска ќе биде сончево и многу топло. Ќе дува слаб до умерен ветер од југоисточен правец. Минималната температура ќе биде во интервал од 12 до 21, а максималната ќе достигне од 32 до 40 степени.
Во Скопје сончево и многу топло со слаб до умерен ветер од југоисточен правец. Минималната температура ќе се спушти до 17, а максималната ќе достигне до 39 степени.
Времето во наредните денови
Под влијание на многу топла воздушна маса во текот на оваа седмица ќе се задржи сончево и топло време со умерена облачност во текот на денот. Ќе дува слаб до умерен ветер од југоистоичен правец.
Македонија
Се’ уште гори кај Јасен, активни пожари на четири локации низ Македонија

Денес до 18 часот се регистрирани вкупно 10 пожари на отворен простор. Од нив, четири се активни и моментално се гаснат, додека шест се целосно изгаснати.
Активните пожари се лоцирани во различни делови на земјата. Еден од нив е во Националниот Парк Јасен во општина Македонски Брод, каде што гори мешана шума. Друг пожар е пријавен во село Теарце, општина Теарце, каде што се гори ниска вегетација. Во општина Сарај, во село Радуша, исто така се активни пожари кои зафаќаат сува трева и мешана шума. Четвртиот активен пожар е во општина Кичево, на потегот помеѓу селата Челопејци и Миокази, каде исто така гори мешана шума, соопшти Центарот за управување со кризи.
Надлежните служби постојано апелираат до граѓаните да ги почитуваат сите препораки и забрани за палење оган на отворен простор, со цел да се спречи ширење на пожарите и да се заштитат природните ресурси.