Забава
Биографскиот филм за Мерилин Монро доби „Златна малина“ за најлош филм
![](https://makfax.com.mk/wp-content/uploads/2023/03/230312_blonde_netflix.jpg)
„Русокоса“ беше прогласен за најлош филм на овошното антипризнание „Златна малина“ минатиот петок.
Биографскиот филм за Мерилин Монро ја освои сомнителната чест пред „Добра жалост“, „Пинокио“, „Ќерката на кралот“ и „Морбиус“ на годишното доделување „Златна малина“, која оддава признание на најлошите во светот на филмот, како и за најлошо сценарио за сценаристот и режисер Ендрју Доминик.
Психолошката драма од Ендрју Доминик со Ана де Армас во главната улога е адаптација на истоимениот роман на Џојс Керол Оутс. Заплетот на филмот е уметничка интерпретација на биографијата на Монро. Филмот е оценет како лоша психолошка драма со нагласена сексуална содржина.
Организаторите на пародичните филмски награди, кои им оддаваат почит на најлошите филмски остварувања во изминатата година, одлучија да му дадат ваква статуетка на „Русокоса“ (Blonde). Овој филм, кој беше номиниран за осум „Малини“, е оценет како мизогин и лажлив и дека бесрамно го искористува споменот на покојната Мерилин Монро.
Организаторите на т.н. антинагради одлучија да му доделат дури две вакви статуетки на Хенкс.
Хенкс дома однесе награда за најлош спореден актер и најлоша комбинација на екранот – за себе и за неговото лице од латекс – за филмот „Елвис“, при што организаторите забележаа дека холивудскиот миленик ја поминал својата кариера развивајќи ги своите актерски способности до голем успех, но дека отишол еден мост предалеку со својата верзија на полковникот Том Паркер, менаџерот на Елвис Присли, во инаку одличниот биографски филм за кралот на рокенролот.
Том исто така беше номиниран за најлош актер за улогата во „Пинокио“, но го победи ѕвездата на „Морбиус“, Џаред Лето, чија колешка Адрија Арјона се закити со наградата најлоша споредна женска улога.
Антинаградата „Златна малина“ се доделува од 1981 година за најлоша глума, сценарио, режија, филмска песна и филм на годината. Се смета за додаток на „Оскарите“ и традиционално се одржува ден пред доделувањето на наградите на Академијата за филмски уметности и науки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Кети Пери шокира со модна комбинација, фановите и пишуваат: Што не е во ред со тебе?
![](https://makfax.com.mk/wp-content/uploads/2024/06/Screenshot-2024-06-26-121947.jpg)
Пејачката Кети Пери се појави на настан организиран од „Vogue“ во Париз, а нејзината необична модна комбинација го привлече целото внимание.
Таа носеше фустан „Noir Kei Ninomiya“ со дупчиња и цветни украси. Таа со тој фустан откри многу кожа.
Пејачката на социјалните мрежи ги покажа фотографиите од настанот. Поради полуголото издание, Кети наиде на многу критики.
„Што не е во ред со тебе? Секој ден стануваш полуда“, „Се сеќаваш кога жените носеа облека и имаа талент? Сега не носат облека за да го сокријат недостатокот на талент“, „Немаш самопочит“, „Зошто покажуваш толку кожа?“, „Зошто не се соблечеш гола?“ таа е критикувана од нејзините обожаватели.
Овогодинешниот настан „Вог“ го прослави спојот меѓу спортот и модата, при што секоја деценија од 1920-тите па наваму става различен спорт во центарот на вниманието. На ревијата познати современи и историски француски дизајнери и модни куќи ја истакнаа клучната улога на Париз во светот на модата.
На настанот учествуваа повеќе од 500 спортисти, изведувачи и модели.
Забава
Четири хороскопски знаци кои брзо ги преболуваат партнерите по раскинувањето
![](https://makfax.com.mk/wp-content/uploads/2024/06/925f6124-77a2-40b3-ad11-f98b18c70d4a.jpg)
Раскинувањата се тешко искуство за повеќето луѓе, но има хороскопски знаци кои неверојатно брзо ги преболуваат бившите партнери и продолжуваат понатаму. Тие имаат единствена способност да се вратат од љубовните неуспеси и повторно да ги отворат своите срца за нови авантури.
Овен
Овните сакаат предизвици и секогаш бараат нови можности за докажување. Кога се соочуваат со раскинување, Овните брзо го преболуваат бидејќи нивната страст и енергија ги поттикнуваат напред. Не сакаат да стагнираат и да плачат за минатото. Нивната склоност кон акција и возбуда значи дека брзо ќе најдат нешто ново за да ги окупира. Без разлика дали се работи за ново хоби, работа или љубов, Овенот брзо ќе премине на следното нешто што ги интригира. Нивната бестрашна природа и желба за напредок ги прават исклучително отпорни на љубовни неуспеси.
Близнаци
Близнаците секогаш бараат нови искуства и информации. Кога раскинуваат со партнерот, брзо го преболуваат бидејќи нивната љубопитност ги води кон нови луѓе и можности. Брзо се заситуваат од рутината и монотонијата, па кога ќе заврши една врска, веќе ја бараат следната возбудлива приказна. Способноста за комуникација и поврзување со луѓето ги прави исклучително прилагодливи. Близнаците нема долго да го оплакуваат минатото бидејќи секогаш има нешто ново да ги окупира. Нивната дружељубива природа и љубовта кон новите искуства им помагаат брзо да продолжат понатаму.
Стрелец
Стрелците не можат да го поднесат чувството на приврзаност и ограничувања, поради што брзо ги преболуваат раскинувањата. Тие се природни оптимисти кои секогаш гледаат напред. Тие веруваат дека животот е премногу краток за да се троши на тага и жалење. Нивната љубов за патување и откривање нови култури често ги оддалечува од минатите врски. Кога ќе се соочат со раскинување, Стрелците брзо ќе се свртат кон нови авантури и можности за личен раст. Нивниот оптимизам и желбата за истражување ги прави исклучително отпорни на љубовни неуспеси.
Водолија
Водолиите пред сè ја ценат својата слобода и брзо ги надминуваат прекините бидејќи нивната желба за личен развој и иновации ги води кон нови цели. Лесно се прилагодуваат на промените и секогаш бараат нови начини да си го подобрат животот. Кога ќе се соочат со раскинување, тие брзо ќе најдат нова страст или проект што ќе ги окупира. Нивната склоност кон оригиналност и иновативност значи дека секогаш ќе најдат нешто ново и возбудливо што ќе им помогне да го пребродат раскинувањето. Водолиите нема да бидат долго тажни бидејќи секогаш има нешто ново што може да ги инспирира.
Забава
Таа има 68, а нејзиниот вереник 28: „Се уште не сме се виделе во живо, но се сакаме, му праќам подароци“
![](https://makfax.com.mk/wp-content/uploads/2024/06/sem.jpg)
Кога жена во седмата деценија ќе признае дека праќа пари на маж кој никогаш не го запознала, а тој е дури 40 години помлад од неа, тоа секако ќе предизвика реакции. Но, една жена од Велика Британија е задоволна. Имено, 68-годишната Пат открила дека на интернет го запознала медицинскиoт брат Сем, кој има само 28 години.
Таа тврди дека се сакаат, иако тој всушност живее на другата страна на светот во Пакистан и комуницираат само преку видео повици и пораки, пишува „The Sun“.
Пензионираната медицинска сестра, која се опишува себеси како „млада во срцето“ и „слободоумна“, рече дека нејзиното момче е „многу секси“.
Сем вели дека сонува да се пресели во Обединетото Кралство и таму да работи во здравствениот сектор, но таа го обожава и му купува подароци.
„За да му олеснам да оди на работа, му купив мотор“, рече таа.
Пат исто така додава дека има традиционални вредности и кога Сем ќе пристигне во ОК, парот ќе има одвоени кревети бидејќи не веруваат во предбрачен секс.
Сем неодамна ја запросил, па таа се надева дека нема да мора долго да чека на венчавката.
– Нашата физичка привлечност е доста силна, многу сме привлечени еден кон друг – вели таа.
Нејзината пријателка Ана е загрижена дека Сем можеби е измамник.
– Разликата во годините ми е малку чудна, но се надевам дека е искрен – рекла Ана.
Пет вели дека е многу среќна во врската со Сем, и не му претставувало проблем кога му кажала дека не може да му раѓа деца, поради нејзината возраст.
Нејзе не и е грижа што велат луѓето. Семејството на Сем прифатило дека тој има ваква врска, иако некои не се сигурни во нејзиниот успех.
Неговиот брат му рекол дека го загрижува разликата во годините, пишува The Sun.