Свет
Кремљ го нападна Холивуд поради филмот награден со „Оскар“
„Оскар“ за најдобар документарен филм му е доделен на документарниот филм за Навални, кој зборува за настаните поврзани со труењето на познат руски опозиционер, во кој Кремљ гледа обид за политизирање на филмската уметност.
Дело на канадскиот режисер Даниел Рохер, филмот раскажува за политичкиот подем на Алексеј Навални, кој беше суден и отруен.
„И има некој што не можеше да биде со нас вечерва: Алексеј Навални, лидерот на руската опозиција, останува во самица поради тоа што тој го нарекува – се надевам дека правилно ги цитирам неговите зборови – неправедната агресивна војна на Владимир Путин во Украина“, рече тој.
Поради ова, Кремљ го обвини Холивуд дека сака да ја политизира седмата уметност.
„Иако не сум го гледал филмот, претпоставувам дека има одреден елемент на политизација на темата“, изјави за новинарите портпаролот на Кремљ, Дмитриј Песков.
„Дури и самиот Холивуд понекогаш не се воздржува од политизирање на своите дела“, додаде тој.
Навални е во затвор повеќе од две години. Во март минатата година тој беше осуден на девет години затвор за измама.
„Мојот сопруг е во затвор само затоа што ја кажа вистината. Мојот сопруг е во затвор само затоа што ја брани демократијата“, изјави неговата сопруга Јулија.
Документарниот филм за Навални, продуциран од „Ејч-би-о макс“ и Си-ен-ен, беше претставен на 25 јануари 2022 година на филмскиот фестивал „Санденс“. Во февруари ја доби наградата за најдобар документарен филм од Британската академија за филмска и телевизиска уметност (БАФТА).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Асанж пристигна во Австралија: емотивна средба со сопругата и неговиот татко
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.
Регион
Најмалку едно лице е убиено во масовна тепачка во затвор во Грција
Во најголемиот затвор во Грција, Коридалос, дошло до тепачка меѓу осуденици, во која животот наводно го загубил најмалку едно лице, а има и повредени.
Како што пишуваат грчките медиуми, дошло до тепачка меѓу затвореници од Албанија, кои се сместени во 4-то одделение, каде се сместени претежно осудените за најтешки кривични дела.
Во овој момент не се знае како дошло до тепачката ниту кој е убиен.
Според неофицијални информации, едно лице е избодено со нож.