Македонија
Герасимовски: Поради голем интерес, продолжен рокот за закажување бесплатни стоматолошки услуги за пензионери
На барање на пензионерите се продолжува терминот за закажување бесплатни стоматолошки услуги, кои Општина Центар неодамна ги воведе во соработка со Универзитетот „Св. Кирил и Методиј“ – Скопје, Стоматолошкиот Факултет – Скопје. Пензионерите ќе може да закажуваат термини за бесплатни стоматолошки прегледи на телефонскиот број 071/223 320 секој работен ден од 8 до 14 часот. На овие стоматолошки прегледи пензионерите ќе добијат нов датум кога ќе бидат извршени бесплатните стоматолошки услуги во зависност од потребата на корисникот.
„Бесплатните стоматолошки услуги што ги воведовме неодамна наидоа на голем интерес кај пензионерите. Верувам дека оваа услуга има голем бенефит кај нашите повозрасни сограѓани како од здравствен така и од финансиски. Во ек на економска криза и ниски пензии бесплатните стоматолошки прегледи се од големо значење затоа што овозможуваат интервенции, без да ги наплатат стоматолошките услуги и користените материјали. Затоа ги повикувам заинтересираните да се јават на телефонскиот број и да го закажат својот термин за преглед“, порача Герасимовски.
Бесплатните стоматолошки услуги Општина Центар ги спроведува во рамките на проектот „Дејствувај за подобро орално здравје“. Општината со воведување на бесплатните стоматолошки прегледи за пензионерите воведе и бесплатни стоматолошки услуги за децата од градинките што доаѓаат од семејства во социјален ризик, а дополнително овие услуги ги користат и учениците од социјално загрозени семејства од сите основни училишта во општината.
Општина Центар продолжува да вложува во проекти што ги подобруваат здравјето и живеењето на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Поради несреќа, прекин на сообраќајот на патниот правец Битола – Демир Хисар
Од 18:50 часот поради случена сообраќајна незгода, во прекин е сообраќајот на Р1305 Битола – Демир Хисар, во двата правци, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
Македонија
Централниот одбор на ЛДП ќе ги разгледува настапот и резултатите на изборите
Либерално-демократската партија извести дека вечерва ќе се одржи седница на Централниот одбор.
„Како одговорна партија, ЛДП, веднаш по конечното завршување на парламентарните избори ќе го разгледува предлог извештајот за подготовките, настапот и резултатите на Либерално-демкратската партија за претседателските и за парламентарните избори 2024 година.
Анализата за натамошното дејствување ќе ја прават членовите и партиското раководство во сите општински организации во наредниот период.
За извештајот, анализата и сите одлуки, јавноста ќе биде навремено и транспарентно информирана“, соопшти партијата.
Македонија
Ниту еден од предложените кандидати не го доби потребното мнозинство за избор за претседател на Уставниот суд, седницата продолжува утре
Во Уставниот суд денеска се одржаа четири круга на гласање за избор на претседател на Уставниот суд.
„Ниту еден од предложените кандидати не го доби потребното мнозинство.
Во согласност со деловникот, постапката за избор се повторува сѐ додека не се избере претседател на Уставниот суд“, информираат од Уставниот суд.
Седницата за избор, како што е најавено, продолжува утре во 10 часот.