Македонија
СДСМ: Видовме Мицкоски кого вработи во 50 општини што ги водат и во претпријатија во Скопје, ниту млади ниту студенти
![](https://makfax.com.mk/wp-content/uploads/2022/09/сдсм-sdsm-sedishte.jpg)
Мицкоски мисли изгледа дека граѓаните се наивни и не гледаат каква партизација направија во 50 општини под водство на ВМРО-ДПМНЕ и во јавните претпријатија во Скопје и во другите локални самоуправи. Видовме сите а видоа и граѓаните. Ниту млади, ниту студенти, наместо поддршка за младите и студентите ВМРО-ДПМНЕ во 50 општини, во јавните претпријатија спроведува масовна партизација со неспособни и некадарни послушници, регира СДСМ на ветувањето на лидерот на ВМРО-ДПМНЕ дека ќе бидат вработени 500 најдобри студенти во државните институции.
– Само во ЈП Водовод за неколку месеци ВМРО-ДПМНЕ вдомила над 100 партиски членови. Така е во сите општини. 15 милиони денари ќе потроши општина Гази Баба за партиски вработувања, по пет милиони ќе потрошат Аеродром, Кочани, Илинден, а партиски вработувања се изнагледавме и во јавните претпријатија како ЈП Водовод и канализација Скопје и ЈКП Дервен од Велес, велат од СДСМ.
Тие додаваар дека Мицкоски лажно заборува и за намалување даноци, затоа што неговите градоначалници меѓу првите одлуки им се поскапувањата на услугите за граѓаните и ги задолжуваат општините.
– Речиси и да нема општина раководена од ВМРО-ДПМНЕ каде нема поскапи комунални услуги, а општините Прилеп, Аеродром, Бутел, Гевгелија се само дел од општините кои прават милионски задолжувања на своите граѓани, стои во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
![](https://makfax.com.mk/wp-content/uploads/2024/07/mucunski-ludva-2.jpeg)
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
![](https://makfax.com.mk/wp-content/uploads/2023/04/DJI_0486.00_05_25_44.Still006.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Министерот Мисајловски се сретна со амбасадорката на Грција, Софија Филипиду
![](https://makfax.com.mk/wp-content/uploads/2024/07/misajlovski-filipidu-1.jpg)
Министерот за одбрана Владо Мисајловски попладнево во Министерството за одбрана оствари средба со амбасадорката на Грција, Н.Е. Софија Филипиду и одбранбеното аташе полковникот Константинос Самарас.
На средбата министерот Мисајловски истакна дека ќе се заложи на интензивирање на билатерална одбранбена соработка со Грција како наш НАТО сојузник и сосед со кој имаме заедничка визија за мирот, безбедноста и стабилноста на регионот и Алијансата.