Свет
Трамп: Русија не го разнесе својот гасовод
Поранешниот американски претседател Доналд Трамп изјави дека Русија не е одговорна за експлозиите на „Северен тек“ во септември минатата година и навести дека САД би можеле да бидат вмешани во инцидентот, пишува „Индепендент“.
„Не сакам да ја доведам нашата земја во неволја, затоа нема да одговорам“, му рече Трамп на водителот на „Фокс њуз“, Такер Карлсон, на прашањето за експлозиите на гасоводот.
„Можам да ви кажам кој не беше – Русија“, рече Трамп.
Гасоводите „Северен тек 1 и 2“ беа уништени во септември минатата година со серија експлозии, кои, според сите извештаи, несомнено беа намерно предизвикани.
Ниту еден од четирите гасоводи не беше активен во тоа време – „Северен тек 2“ поради санкции и „Северен тек 1“ затоа што Русија претходно го затвори наведувајќи ги како причина дефектите што не може да ги поправи поради санкциите – но тие сè уште беа полни со гас. Данска и Шведска потврдија дека експлозиите биле со јачина од 2,3 и 2,1 степена според Рихтеровата скала.
Истражителите во Шведска и Данска, земјите во чии ексклузивни економски зони се случија експлозиите, потврдија само дека експлозиите на двата гасовода „Северен тек 1“ и еден од двата гасовода „Северен тек 2“ биле резултат на саботажа, но не кажаа кого го сметаат за одговорен. Москва ги отфрли обвинувањата дека стои зад експлозиите и се обидува да го обвини Западот.
Трамп вели дека руско-украинската катастрофа никогаш не требало да се случи и, дефинитивно, немало да се случи да бил тој претседател.
„Не влошувајте ги работите со експлозија на гасоводи. Бидете стратешки, бидете паметни, склучете договор сега. И двете страни имаат потреба и сакаат. Целиот свет е доведен во прашање“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.