Забава
Џони Деп заинтересиран да купи паб во Англија
Џони Деп фрлил око на паб во Обединетото Кралство во сопственост на свршеницата на најдобриот британски пекар и ТВ-презентер Пол Холивуд, огласен за продажба за цена 1,2 милион долари, дознава „Сан“.
Ѕвездата на „Пиратите од Карибите“ (59), кој неодамна го напушти Лос Анџелес за мирен живот во англиско село, наводно е многу заинтригиран да го купи „Чекерс ин“.
Весникот пренесува дека Деп е голем обожавател на овој локал, кој го води Мелиса Спалдинг (38), партнерка на славниот пекар и слаткар уште од 2019 година.
Деп (59) е близок пријател со илустраторот Ралф Стедман за кој се вели дека го информирал за продажбата на „Чекерс ин“ во Смарден, во близина на Ешфорд, Кент.
„Деп го обожава пабот со години. Тој ја сака историјата и претходно зборуваше дека сака да купи паб“, открива извор за весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Познатата пејачка објави фотографии од својот одмор, ги лајкуваа над 3,5 милиони луѓе
Откако го објави новиот албум Cowboy Carter, Бијонсе како да исчезна од сцената, со шпекулации дека се повлече од очите на јавноста поради фактот што нејзиниот сопруг Џеј Зи е долгогодишен пријател на раперот Диди, кој е обвинет за сексуален напад од страна на голем број жени.
На Инстаграм Бијонсе се пофали со фотографии од одморот на јахта со сопругот, а пејачката ги премолчи гласините објавувајќи фотографии на кои позира насмеана во краток бел фустан, со кои ги воодушеви своите фанови.
Двојката позираше во соодветни комбинации, а фотографиите собраа речиси 3,5 милиони лајкови за само два дена откако беа објавени.
Забава
Познатата актерка ги поттикна шпекулациите дека е повторно бремена, фотографите ја снимија во Грција
Кејт Хадсон ги поттикна шпекулациите дека е повторно бремена откако фотографите ја снимија нејзиниот одмор на грчки остров со вереникот Дени Фуџикава и нејзините деца.
45-годишната актерка се фотографираше во летно издание, а на фотографиите покажува поголем стомак. Инаку, за нејзината бременост се шпекулираше и порано кога се појави на доделувањето на GLAAD Media Awards во Лос Анџелес, а под фустанот и се гледаше стомакот.
Актерката има три деца со три различни татковци, 20-годишниот син Рајдер Расел Робинсон, кој го има со поранешниот сопруг Крис Робинсон, потоа 12-годишниот син Бингам Хоун, кој го има со музичарот Мет Белами и 5-годишната ќерка Рани, која ја доби со сегашниот вереник.
Забава
Објавен е нов портрет на кралот Чарлс, луѓето коментираат дека ова е најдобриот досега
Нов фотографски портрет на кралот Чарлс во воена униформа беше објавен во саботата по повод Денот на британските вооружени сили. На фотографијата е прикажан кралот облечен во свечено палто со медали, меч и одликувања.
„Конечно добар портрет“, „Најдобар портрет досега“, пишуваат обожавателите на кралското семејство.
Кралот, кој е врховен командант на вооружените сили, се врати на своите должности на почетокот на минатиот месец, откако во февруари му беше дијагностициран рак.
Објавувањето на фотографијата се совпадна со видео пораката на кралицата Камила до припадниците на вооружените сили. Таа ги нарече „извор на инспирација, сигурност и гордост“.