Регион
Црногорската полиција на нозе, трага по измамничка која извадила 1 милион евра од банка со фалсификувани документи
Полицијата трага по жена која на 12 април со фалсификувани документи на клиент на „Ловчен банка“ подигнала 1,3 милиони евра од сметката.
Според информациите на „Вијести“, банката ја известила полицијата ден подоцна, кога М.О. од Будва рекла дека не барала да и’ бидат исплатени парите што ги чувала во банка.
Од Управата на полицијата неофицијално велат дека тогаш било утврдено оти парите му ги дале на лице кое приложило фалсификувана лична карта на име М.О. Наводно, измамничката на 11 април најавила дека ќе ги повлече заштедите во филијалата на банката во Херцег Нови, од каде, со оглед на големата сума, била информирана кога да дојде.
Ден подоцна влегла во банката со ранец, ги зела парите и си заминала.
Измамата била откриена кога досиејата биле испратени во седиштето на банката во Подгорица, од каде стапиле во контакт со клиентката, која ги известила дека не дошла во Црна Гора повеќе од една година.
„По наредба на обвинителот се работи за откривање на неидентификуваното лице кое ја извршило измамата. На снимките од надзорните камери јасно е забележан сторителот“, неофицијално соопштија од полицијата.
Според истите информации, внатрешна истрага се води и во банката.
Тие рекоа и дека ги известиле надлежните за настанот и дека ќе дадат максимален придонес за откривање на виновниците.
„Преземени се сите мерки за целосна заштита на повредениот клиент, со напомена дека се работи за изолиран случај кој е покриен со полиса за осигурување и кој не може да влијае на редовното функционирање на Банката“, соопштуваат од банката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Запалени фигури на политичари: албанските пратеници од опозицијата протестираа во Собранието
Пратениците на албанската опозиција денеска протестираа во Собранието, палејќи фигури на политичари, а потоа се судрија со обезбедувањето, откако нивниот колега Ервин Салијањи беше осуден на затворска казна за клевета.
Пратениците на конзервативните демократи кои повикаа на бојкот на денешната седница се обидоа да им го блокираат влезот во салата на своите колеги од владејачката Социјалистичка партија, пренесува АП.
Chaos has continued in the #Parliament in #Albania. Prime Minister #EdiRama's party on Wednesday expelled 23 opposition MPs, who will no longer be able to participate in parliament for 60 days. this has fueled clashes between the majority and opposition groups in parliament. pic.twitter.com/GotXgfHyd1
— Isa Myzyraj (@IsamyzyrajAlb) October 3, 2024
Салијањи во 2018 година побара оставка од тогашниот министер за внатрешни работи поради обвинувања дека братот на министерот извршил незаконски активности, кои подоцна се покажаа како лажни, анализира медиумот.
Демократите ја прекинаа парламентарната седница во понеделникот, велејќи дека осудата на Салијањи е политички мотивирана и повикаа на протести во Тирана.
Пратениците денеска се скараа со обезбедувањето и ги запалија фигурите на премиерот Еди Рама и министерот за внатрешни работи Фатмир Џафај.
Откако не влегоа во салата, пратениците од опозицијата го прекинаа протестот, а социјалистите ја затворија седницата и си заминаа.
Демократите долго време го обвинуваат Рама за злоупотреба на власта.
Рама ги предводеше социјалистите од 2005 година и моментално е во третиот премиерски мандат.
Следната година во Албанија треба да се одржат парламентарни избори, пренесува Танјуг.
Регион
Вучиќ: На 24 ноември ќе ја отвориме брзата пруга Нови Сад – Суботица; За две години Белград-Будимпешта за 2 часа и 40 минути
Српскиот претседател Александар Вучиќ денеска најави дека на 24 ноември ќе биде отворена новоизградената делница на брзата пруга од Нови Сад до Суботица.
Вучиќ, за време на тестирањето на пругата со специјален воз на германските железници, рече дека кога ќе се отвори пругата, од Белград до Суботица ќе бидат потребни само еден час и 10 минути.
Тој додаде дека при денешното тестирање на брзата пруга, возот ќе достигне брзина од 200 километри на час, пренесуваат медиумите во регионот.
„Денес имавме тешка дискусија со мисијата на ММФ, но на добар пат сме. А утре или задутре ќе имаме одлични вести за Србија. На тоа се надеваме со децении“, рече Вучиќ. пренесува Танјуг.
Вучиќ изјави дека изградбата на брзата пруга од Нови Сад до Суботица е голема работа за цела Србија и дека очекува Унгарија да го заврши својот дел од пругата за две години, кога ќе биде потребно два часа и 40 минути за патување од Белград до Будимпешта.
За време на тест возењето од Белград до Суботица, Вучиќ рече дека по поврзувањето со Будимпешта, Србија очекува понатамошни врски преку Ниш до Солун, како и со Истанбул, но дека за тоа е потребно да се обезбедат пари.
„Со изградбата на оваа пруга се се менува. Со поврзувањето со Будимпешта очекуваме зголемување на бројот на туристи“, изјави Вучиќ.
Зборувајќи за изградбата на пругата, Вучиќ рече дека се е направено по највисоки стандарди, дека пругата е изградена за да нема бучава при возењето и дека станиците на трасата се многу добро уредени.
Регион
Пет училишта во Сараево добија дојава за бомба: во тек е евакуација и увид
Денеска, во пет училишта во Сараево пристигнале дојави за подметнати бомби, потврди портпаролката на Министерството за внатрешни работи на кантонот Сараево, Мерсиха Новалиќ.
Како што пренесува сараевскиот портал „Кликс“, извештаите за поставени бомби стигнале до Високата музичка школа, Гимназијата „Обала“, Средното училиште за применета уметност и Електротехничкото училиште за енергетика.
Дополнително, пишува „Кликс“, читателите ги информирале дека дојава за бомба била поставена и во училишниот центар „Маариф“ во Мојмил.
Полицијата во моментот е на терен. Во некои училишта сè уште е во тек евакуацијата на персоналот и учениците.