Свет
„Независимаја газета“: Намалената побарувачка за дизел може да сигнализира рецесија
![](https://makfax.com.mk/wp-content/uploads/2018/01/Дизел-гориво.jpg)
Рецесијата или забавувањето на големите светски економии останува клучен економски ризик во моментот, вклучително и за Русија, пишува „Независимаја газета“.
Потрошувачката на дизел во последните неколку дена е намалена во Европа, Кина и во САД, каде што се намалуваат и цените на горивата.
Експертите предупредуваат дека побарувачката за дизел-гориво е индикатор за економска активност, што укажува на трошење од страна на домаќинствата, а очекуваниот пад во побарувачката за дизел-гориво првенствено сигнализира пад во индустриските и потрошувачките активности, што укажува на растечки ризик од рецесија во економијата.
„Клучниот ризик од падот на цената на нафтата на глобално ниво во услови на банкарска криза сега е зголемената веројатност за рецесија во САД и Европа. Ако тоа се случи, ОПЕК, предводен од Русија и од Саудиска Арабија, веројатно повторно ќе го намали производството на нафта“, истакнува Артјом Акдерли, постар брокер во „БЦС ворлд оф инвестментс“.
Со оваа констатација се сложува и Владимир Чернов, аналитичар во „Фридом фајнанс глобал“.
„Сепак, досега бевме сведоци дека ОПЕК + го стабилизира глобалниот пазар на нафта бидејќи го намалува производството на нафта кога е потребно“, рече тој изразувајќи сомнеж дека глобалните цени на нафтата ќе се намалат.
Според Чернов, очекуваното закрепнување на кинеската економија во втората половина од годинава би требало да ја поттикне побарувачката за нафта и нафтени деривати, рече тој.
„Да не одлучеше ОПЕК + да го намали производството на нафта, таа сега ќе се продаваше многу под 70 долари за барел“, тврди аналитичарот на „Телетрејд“, Алексеј Фјодоров.
Падот на цената на нафтата во март беше поттикнат од падот на довербата во американските банки и делумно во европските кредитори, истакна тој, а побарувачката за нафта се намали од есента 2022 година.
Фјодоров се сомнева дека рецесискиот пад на цените на нафтата ќе се надомести подоцна во 2023 година, но верува дека ОПЕК + може да го ублажи тоа или да го намали неговиот размер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Путин: Москва мора да започне со производство на ракети со среден и краток дострел
![](https://makfax.com.mk/wp-content/uploads/2024/05/putin4.jpg)
Москва мора да започне со производство на ракети со среден и краток дострел за да може да одговори на акциите на Вашингтон, изјави денеска рускиот претседател Владимир Путин на оперативниот состанок со членовите на Советот за безбедност на Русија.
„Во 2019 година објавивме дека нема да ги произведуваме овие ракети и дека нема да ги распоредиме додека САД не ги распоредат овие системи во некој регион во светот“, потсети Путин, пренесува РИА Новости.
Денес, како што оцени, се знае дека САД не само што ги произведуваат овие системи, туку и ги пренесуваат во Европа – на воени вежби во Данска.
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.