Свет
Канада признава дека не може да го достигне одбранбениот буџет наметнат од НАТО
Канадскиот премиер Џастин Трудо приватно им кажал на претставниците на НАТО дека Канада никогаш нема да ја достигне целта за воени трошоци на блокот, покажува обелоденет документ на Пентагон до кој дошол „Вашингтон пост“.
Иако НАТО бара од земјите членки да потрошат најмалку 2 отсто од својот БДП за одбрана, Трудо ја информирал алијансата дека „Канада никогаш нема да достигне 2 отсто за одбранбени трошоци“, се вели во документот, во кој се истакнува дека воениот буџет на Отава во последните три децении не надминал 1,4 % од нејзиниот ГДП.
Добиен како дел од траншата обелоденети разузнавачки досиеја, кои првпат се појавија на интернет во март, документот продолжува ги цитира американските официјални лица кои се жалат за северниот сосед велејќи дека „огромните одбранбени кусоци ги попречуваат канадските способности, а во исто време ги затегнуваат и партнерските односи и придонесите во алијансата“. во рамките на НАТО.
Во документот се истакнува дека делови од канадската војска се оставени без доволна опременост поради „политички мотивираните“ одлуки за набавки забележувајќи дека на повеќето од нејзините 89 тенка „Леопард 2“ им е потребно одржување.
„Во една единица од 40 тенка, само девет се оперативни, а војската сега има само половина од пилотите што ѝ се потребни за целосна подготвеност“, се вели во документот.
Тие долготрајни недостатоци ја принудија канадската армија претходно годинава да заклучи дека не може да спроведе голема операција и истовремено ги одржува лидерството во борбената група на НАТО во Латвија и помошта за Украина, се додава во документот.
Прашан за недоволното трошење во одбраната на Канада, Трудо претходно неделава го избегна директниот одговор велејќи дека Отава „ќе го исполни својот дел“ објаснувајќи притоа дека владите се соочени со цел куп разноразни приоритети, меѓу кои треба да воспостават рамнотежа.
Според НАТО, Канада во моментот троши околу 1,29 отсто од својот БДП за одбрана.
Портпаролот на канадското Министерство за одбрана, Даниел Минден, истакна дека Канада продолжува да вложува значителни инвестиции за опремување на своите вооружени сили наведувајќи го купувањето 88 борбени авиони „Ф-35“ за 19 милијарди долари претходно годинава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.