Регион
Косовското барање за прием во Советот на Европа на вонреден дневен ред на денешната седница
Барањето на Косово за прием во Советот на Европа (СЕ) денеска ќе се најде на дневен ред на Комитетот на министрите, потврди советничката на претседателот на Косово, Рејхан Вуничи, пренесува „Репортери“.
„Барањето на Косово за членство во СЕ е на дневен ред на Комитетот на министрите. Се надеваме на позитивен развој на овој важен чекор кон европската интеграција“, напиша Вуниќи на „Твитер“.
Kosovo’s application for Council of Europe membership is on the agenda for Monday’s Committee of Ministers meeting. Let’s hope for positive developments in this important step towards European integration. 🇽🇰❤️🇪🇺#Kosovo #CouncilofEurope #CoE #EuropeanIntegration pic.twitter.com/qzjv8PVcGH
— Rejhan Vuniqi (@RejhanVuniqi) April 23, 2023
Вонредната седница на Комитетот на министрите, која беше свикана на 21 април на инсистирање на одредени држави од т.н. квинта – Германија и Италија – ќе се одржи денеска со почеток во 14.30 часот.
Во нацрт-одлуката што треба да им биде претставена на амбасадорите во КМСЕ и за која се бара нивна поддршка се повикува на договорите од Брисел на 27 февруари и од Охрид на 18 февруари, во кои се наведува дека Србија „нема да се спротивставува на косовското членство во меѓународни организации“.
Косово аплицира за прием во Советот на Европа во мај минатата година, а досега тоа барање беше во фиока.
Причината за ваквото брзање во однос на барањето за членство на Косово е веројатно тајмингот бидејќи седницата на Парламентарното собрание на Советот на Европа (ПССЕ) почнува на 24 април, па очигледно е дека намерата е да се истурка целата процедура за да може прашањето да се стави пред пратениците, кои потоа одлучуваат дали ќе го проследат барањето на самитот на СЕ во Рејкјавик на 16 и 17 мај, на кој ќе се соберат шефовите на држави и влади на членовите на СЕ.
На состанокот на Бирото на Парламентарното собрание на СЕ утринава, шефот на унгарската делегација, Немет Жолт, праша дали е добар момент барањето на Косово за прием во СЕ да се стави на дневен ред на денешната вонредна седница.
Унгарскиот европратеник му го постави прашањето директно на заменик-генералниот секретар на СЕ, Бјорн Берге, коментирајќи дека во актуелните геополитички околности е потребно единство во Европа.
Жолт посочи и дека поведувањето на процедурата за прием на Косово може да предизвика некои земји да го откажат присуството на самитот на СЕ во Рејкјавик.
Берге одговори дека прашањето за Косово сигурно нема да биде дел од самитот и дека за нивното барање се чека долго време.
Според „Косово онлајн“, од утринава во Стразбур, каде што почна пролетната седница на ПССЕ, на маргините се водат интензивни дискусии за барањето на Приштина. во кои особено се активни претставниците на земјите од квинтата.
Шефицата на српската мисија во СЕ, Александра Ѓуровиќ, изјави дека Србија ќе се бори до крај за барањето на Приштина за прием во СЕ да не биде ставено на дневниот ред на седницата на Комитетот на министрите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с