Свет
Кина не сака мир во Украина, предупредува чешкиот претседател
На Кина не може да ѝ се верува дека ќе посредува за мирот меѓу Русија и Украина, предупредува чешкиот претседател Петр Павел, истакнувајќи во интервју за „Политико“ дека Пекинг има корист од продолжувањето на војната.
Коментарите на Павел доаѓаат среде обидите на Кина да се позиционира како миротворец во Украина поставувајќи неодамна нејасен патоказ за ставање крај на конфликтот.
И додека повеќето западни сојузници се скептични за предлозите, некои земји, како Франција, тврдат дека Кина би можела да одигра голема улога во мировните преговори.
Павел, поранешен генерал и висок функционер во НАТО, сепак е недвосмислен. Кога станува збор за Украина, тврди тој, Кина го сака само она што е најдобро за себе, а засега тоа е војната.
„Верувам дека е во интерес на Кина да го продолжи ова статус кво бидејќи така може да ја принуди Русија на голем број отстапки“, вели Павел додавајќи дека во замена за партнерството без ограничувања со Кремљ, Пекинг може да добие евтина нафта, гас и други ресурси од Москва.
„Исто така, за Кина е добро што поддршката на Западот за Украина станува полека слабее, ,вели тој.
Забелешките на Павел како да беа пророчки зашто само неколку часа по неговата изјава, кинескиот амбасадор во Франција не го доведе во прашање суверенитетот на државите произлезени од поранешниот Советски Сојуз, вклучувајќи ја тука и Украина.
Иако Пекинг се огради од коментарите на својот амбасадор, инцидентот поттикна жестока расправа за тоа дали Кина може да помогне во воспоставувањето мир во Украина.
„Не мислам дека Кина има вистински интерес да ја реши војната за кусо време“, рече чешкиот лидер додавајќи дека Пекинг ја користи војната за да учи.
„Кина секој ден учи од конфликтот “, рече Павел, кој стапи на функцијата претседател минатиот месец, „Тие внимателно следат што прави Русија, како реагира Западот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с